ഐ.എ.എസുകാര് സമരത്തിലേയ്ക്ക്; ഭരത്ഭൂഷണ് ഐ.എം.ജിയില് കസേര ഒരുങ്ങുന്നു
കേരളത്തില് ഐ.എ.എസ് ഉദ്ദ്യോഗസ്ഥര് സമരത്തിലേക്കെന്ന് ഇന്റലിജന്സ് റിപ്പോര്ട്ട്. ഐ.എ.എസുകാര് കൂട്ട അവധിയെടുക്കുമെന്നും ഭരണം സ്തംഭനത്തിലേക്ക് നീങ്ങുകയാണെന്നും രഹസ്യാന്വേഷണ വിഭാഗം മുഖ്യമന്ത്രിക്ക് നല്കിയ റിപ്പോര്ട്ടില് പറയുന്നു. ഇതുസംബന്ധിച്ച് മുഖ്യമന്ത്രിയും ആഭ്യന്തരമന്ത്രിയും ആശയവിനിമയം നടത്തി. വേണ്ടിവന്നാല് ചീഫ്സെക്രട്ടറി ഭരത്ഭൂഷനെ ഐ.എം.ജി ഡയറക്ടറായി നിയമിച്ച് കലാപം ഒതുക്കാന് ഉമ്മന്ചാണ്ടി തയ്യാറായേക്കും. കഴിഞ്ഞ ടേമില് ഉമ്മന്ചാണ്ടി മുഖ്യമന്ത്രിയായിരിക്കെ അന്നത്തെ ചീഫ്സെക്രട്ടറിയെ ഐ.എം.ജി ഡയറക്ടറാക്കിയിരുന്നു. ആര്ക്കും വേണ്ടാത്ത ചീഫ്സെക്രട്ടറിമാരേയും ഡി.ജി.പിമാരേയും ഒതുക്കുന്ന തസ്തികയാണ് തിരുവനന്തപുരത്ത് പ്രവര്ത്തിക്കുന്ന ഇന്സ്റ്റിറ്റിയൂട്ട് ഓഫ് മാനേജ്മെന്റ് ഇന് ഗവണ്മെന്റ് എന്ന സ്വയംഭരണസ്ഥാപനം. സര്ക്കാര് ഉദ്ദ്യോഗസ്ഥര്ക്ക് പരിശീലനം നല്കുന്ന സ്ഥാപനമാണിത്.
ഭരത്ഭൂഷനെ മാറ്റുന്നതിനോട് ഉമ്മന്ചാണ്ടിക്ക് വ്യക്തിപരമായ താല്പര്യം ഇല്ലെങ്കിലും അദ്ദേഹത്തെ മാറ്റാന് മുഖ്യമന്ത്രി നിര്ബന്ധിതനാവാനാണ് സാധ്യത. ഐ.എ.എസുകാര് ഭരത്ഭൂഷനെ ഘരാവോ ചെയ്യുന്നതുള്പ്പടെയുളള സമരമുറകളിലേയ്ക്ക് നീങ്ങുകയാണ്. ഐ.എ.എസുകാര് ഫയല് നോക്കാതിരുന്നാല് ഭരണസ്തംഭനം ഉണ്ടാകും. സിവില് സര്വ്വീസ് ഉദ്ദോഗസ്ഥന്മാരുടെ കോണ്ഫിഡഷ്യല് റിപ്പോര്ട്ടില് ചീഫ്സെക്രട്ടറി തോന്നുന്നതെല്ലാം എഴുതിപിടിപ്പിച്ചിരിക്കുകയാണെന്നാണ് ആരോപണം. ഇതിനെതിരെ ശക്തമായി രംഗത്തുവന്ന രാജുനാരായണസ്വാമിക്കെതിരെ ചീഫ്സെക്ക്രട്ടറി മുഖ്യമന്ത്രിയെ കൊണ്ട് അന്വേഷണത്തിന് ഉത്തരവിട്ടത് ഐ.എ.എസുകാരെ പ്രകോപിപ്പിച്ചു. അരുണാസുന്ദര്ദാസിന് അഡീഷണല് ചീഫ് സെക്രട്ടറി പദവി നിരസിച്ചതും വിവാദമായി. ഐ.എ.എസില് ഒന്നാം റാങ്ക് നേടിയ സ്വാമിയെ പ്രന്റിംഗ് ആന്റ് സ്റ്റേഷനറി സെക്രട്ടറിയാക്കിയത് ഭരത്ഭൂഷനാണെന്നും ആരോപണമുണ്ട്. ഇഷ്ടമില്ലാത്ത ഉദ്ദ്യോഗസ്ഥരെ തിരഞ്ഞുപിടിച്ച് ഉപദ്രവിക്കാന് ചീഫ് സെക്രട്ടറിക്ക് ഹരമാണത്രേ. ചോര കുടിക്കുന്ന യക്ഷിയെ പോലെയാണ് ചീഫ് സെക്രട്ടറിയെന്ന് ഐ.എ.എസുകാര് പറയുന്നു.
ഐ.എ.എസുകാരെ കൂട്ടത്തോടെ പിണക്കാന് സര്ക്കാര് തയ്യാറല്ല. ഇതിനെതിരെ രാജുനാരായണ സ്വാമിക്കും ടോം ജോസിനുമെതിരെ വിജിലന്സ് അന്വഷണം നടത്തണമെന്ന ചീഫ്സെക്രട്ടറിയുടെ ഉപദേശം രമേശ് ചെന്നത്തല തളളി. ഭരത്ഭൂഷന് ഉമ്മന്ചാണ്ടിയുടെ ആളാണെന്നാണ് രമേശ് ചെന്നിത്തലയുടെ വിശ്വാസം. അതുകൊണ്ട്തന്നെ ഭരത്ഭൂഷനോട് രമേശിന് പ്രതിപത്തതയില്ല. ഭരത്ഭൂഷനെ ഒതുക്കണമെന്ന് രമേശ് അടുത്ത സഹപ്രവര്ത്തകരോട് പറയുന്നുണ്ട്. കൂടതെ രമേശിന്റെ പ്രൈവറ്റ് സെക്രട്ടറി ഐ.എ.എസുകാരനായ പ്രശാന്തിനും ഭരത്ഭൂഷനോട് താല്പര്യമില്ല. ഐ.എ.എസുകാരുടെ രോഷം ശമിപ്പിച്ചിട്ടില്ലെങ്കില് അവര് മന്ത്രിമാര്ക്ക് പാരപണിയും. ഫയലുകളില് തെറ്റായ തീരുമാനങ്ങള് എഴുതിവിട്ടാല് ഭാവിയില് മന്ത്രിമാര് വിജിലന്സ് കേന്ദ്രങ്ങളില് തൂങ്ങേണ്ടിവരും. ഏതായും ഐ.എ.എസുകാരെ പിണക്കി ബഹളമുണ്ടാക്കാന് ചീഫ്സെക്രട്ടറിയെ അനുവദിക്കരുതെന്നാണ് മന്ത്രിമാര് മുഖ്യമന്ത്രിക്ക് നല്കിയ ഉപദേശം.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
