ബേബി വഴങ്ങാതെ വഴങ്ങി
പാര്ട്ടിയുമായുള്ള ശീതസമരത്തില് എം.എ ബേബി വഴങ്ങാതെ വഴങ്ങി. തിങ്കളാഴ്ച മുതല് അദ്ദേഹം നിയമസഭയില് ഹാജരാകും. പാര്ട്ടിയില് ചേരിപ്പോരുണ്ടെന്ന് വ്യക്തമായ വിവരങ്ങള് പുറത്തായ സാഹചര്യത്തിലാണ് കര്ശനനിലപാട് സ്വീകരിക്കാന് കേന്ദ്രനേതൃത്വം തീരുമാനിച്ചത്. അതേസമയം താന് മുന്നോട്ട് വച്ച പ്രശ്നങ്ങളില് നിന്ന് ബേബി പിന്മാറിയിട്ടില്ല. കൊല്ലം ലോക്സഭാ സീറ്റില് പാര്ട്ടിയിലെ ഒരു വിഭാഗമാണ് തന്നെ തോല്പ്പിച്ചതെന്ന നിലപാടില് നിന്ന് ബേബി പിന്നോട്ട് മാറിയിട്ടില്ല.
ജനറല് സെക്രട്ടറി പ്രകാശ് കാരാട്ടിന്റെയും സംസ്ഥാന സെക്രട്ടറി പിണറായി വജയന്റെയും കാലാവധി അവസാനിക്കാന് പോവുകയാണ്. ബേബി ചിലപ്പോള് സംസ്ഥാന സെക്രട്ടറിയോ പാര്ട്ടി ജനറല് സെക്രട്ടറിയോ ആയേക്കും. അത് കൂടി കണക്കിലെടുത്താണ് പാര്ട്ടിക്ക് സമരസപ്പെട്ടത്. ബേബിയുടെ വളര്ച്ചയില് അസൂയപൂണ്ട കണ്ണൂര് ലോബി നേരിട്ട് ഇടപെട്ടാണ് അദ്ദേഹത്തെ തോല്പ്പിച്ചത്. പിണറായി വിജയന്റെ പരനാറി പ്രയോഗം അതിന്റെ ഭാഗമായിരുന്നു. ബേബിയും ഐസക്കും പാര്ട്ടിയില് വളര്ന്നുവരുന്നത് കണ്ണൂര് ലോബിക്ക് പിടിച്ചിട്ടില്ല. ഇക്കാര്യത്തില് എല്ലാവരും ഒരേ നിലപാടുകാരാണ്.
ഒദ്യോഗിക നേതൃത്വം തന്നെ തോല്പ്പിച്ചതിനാല് ഐസക്കുമായി ചേര്ന്ന് പുതിയ ഗ്രൂപ്പ് ഉണ്ടാക്കാന് ബേബി തീരുമാനിച്ചിരുന്നു. ഇരുവരും വി.എസുമായി ചര്ച്ച നടത്തി ധാരണയിലും എത്തി. അതിന്റെ ഭാഗമായാണ് തെരഞ്ഞെടുപ്പ് അവലോകനയോഗത്തില് ഔദ്യോഗിക നേതൃത്വത്തിനെതിരെ വി.എസ് ആഞ്ഞടിച്ചത്. ആര് എസ് പിയെ പിണക്കിയത് ശരിയായില്ലെന്നും വി.എസ് വാദിച്ചു. എന്നാല് ബേബിയുടെ നീക്കത്തിനെതിരെ തിരിച്ചടിക്കാന് കണ്ണൂര് ലോബി പി.കെ ശ്രീമതിയെ ഇന്നലെ രംഗത്തിറക്കി. എന്തായാലും കണ്ണൂര് ലോബിയുടെ അപ്രമാദിത്വം തല്ക്കാലകത്തേക്കേങ്കിലും അവസാനിക്കുമെന്നാണ് കരുതുന്നത്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
