തിരുവനന്തപുരത്തെ ലോക്‌സഭാ സീറ്റ് തര്‍ക്കം സി.പി.ഐയില്‍ തുടരുമ്പോഴും യഥാര്‍ത്ഥ സംഭവങ്ങള്‍ അധികമാരും ചര്‍ച്ച ചെയ്യുന്നില്ല. ബെന്നറ്റ് എബ്രഹാം എന്ന കോടീശ്വരനെ സി.പി.എമ്മാണ് നൂലില്‍ കെട്ടിയിറക്കിയത്. ജില്ലയിലെ ചില സി.പി.എം നേതാക്കള്‍ ഇടപെട്ട് ബെന്നറ്റില്‍ നിന്നും പണവും വാങ്ങി. സി.പി.ഐയുടെ ഒരു മുതിര്‍ന്ന നേതാവും മറ്റു ചില ജില്ലാ നേതാക്കള്‍ക്കും ഇതില്‍ പങ്കുണ്ട്. സി.പി.ഐയുടെ തൃശൂര്‍, വയനാട് മണ്ഡലങ്ങളിലെ സ്ഥാനാര്‍ത്ഥികളുടെ പ്രചരണത്തിനുള്ള പണം ബെന്നറ്റ് വഹിക്കാമെന്ന് ഏറ്റതോടെയാണ് പന്ന്യന്‍ രവീന്ദ്രന്‍ ഉള്‍പ്പെടെ ബെന്നറ്റിനെ നിര്‍ത്താന്‍ തയ്യാറായത്.

നാടാന്‍ സമുദായം നിര്‍ണായകമായ മണ്ഡലത്തില്‍ നാടാരായ ബെന്നറ്റിനെ മല്‍സരിപ്പിക്കുന്നത് ഗുണം ചെയ്യുമെന്നും നേതൃത്വം കരുതി. എന്നാല്‍ പണം വാങ്ങിയ സി.പി.എം ജില്ലാ നേതാക്കള്‍ തെരഞ്ഞെടുപ്പ് പരിപാടികളില്‍ സജീവമായി പങ്കെടുത്തില്ല. അണികളില്‍ ഭൂരിഭാഗത്തിനെയും അവര്‍ ആറ്റിങ്ങല്‍ മണ്ഡലത്തിലെ പ്രചരണത്തിന് പറഞ്ഞുവിട്ടു. നാടാര്‍ സമുദായത്തില്‍ നിന്നുള്ള സ്ഥാനാര്‍ത്ഥിയെ നിര്‍ത്തിയതോടെ നായര്‍ സമുദായവും മറ്റു ഹിന്ദുക്കളും രാജഗോപാലിന് വോട്ട് ചെയ്യാന്‍ തീരുമാനിച്ചു. കുറച്ച് വോട്ടുകള്‍ ശശി തരൂരിനും ലഭിച്ചു. 

തെരഞ്ഞെടുപ്പ് ചര്‍ച്ചയില്‍ ബെന്നറ്റിന്റെ സ്ഥാനാര്‍ത്ഥിത്വം ചര്‍ച്ചയായതോടെ കേന്ദ്ര നേതൃത്വം സംസ്ഥാന നേതൃത്വത്തിന് പറ്റിയ തെറ്റാണെന്ന് ചൂണ്ടിക്കാട്ടി. ഇതോടെയാണ് സംഭവങ്ങള്‍ പുറത്തായത്. 

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha