സോണിയയോട് ചാണ്ടി, ഭരിക്കുന്നത് ന്യൂനപക്ഷം, സര്ക്കാര് മതേതരമാകണം; പുന: സംഘടന അനിവാര്യം
ചില പ്രത്യേക സമുദായങ്ങളോട് അതിരുവിട്ട കൂറ് പുലര്ത്തിയതാണ് കോണ്ഗ്രസിനേറ്റ പരാജയത്തിന് കാരണമെന്ന മുന്കേന്ദ്രമന്ത്രി എ.കെ. ആന്റണിയുടെ പ്രസ്താവനയോട് യോജിച്ച് മതേതരമല്ലാത്ത ഒരു മന്ത്രിസഭയുമായി മുന്നോട്ടു പോകാന് ബുദ്ധിമുട്ടുണ്ടെന്ന് മുഖ്യമന്ത്രി ഉമ്മന്ചാണ്ടി കോണ്ഗ്രസ് നേതൃത്വത്തെ അറിയിച്ചു. സോണിയാഗാന്ധിയെയും രാഹുല് ഗാന്ധിയെയും സന്ദര്ശിച്ചാണ് മുഖ്യമന്ത്രി സംസാരിച്ചത്. മന്ത്രിസഭാ പുന:സംഘടനക്കെതിരെ ആഭ്യന്തരമന്ത്രി രമേശ് ചെന്നിത്തല നടത്തുന്ന കരുനീക്കങ്ങളെ ചെറുക്കുകയായിരുന്നു മുഖ്യമന്ത്രിയുടെ ഉദ്ദേശ്യം. എന്.എസ്.എസിന്റെ ആവശ്യപ്രകാരം ആര്.ബാലകൃഷ്ണപിള്ളയുടെ മകന് കെ.ബി. ഗണേശ്കുമാറിനെ മന്ത്രിയാക്കണമെന്ന് ഉമ്മന്ചാണ്ടി ആവശ്യപ്പെട്ടു. ഗണേശന്റെ ഒഴിവിലാണ് രമേശ് ചെന്നിത്തലയെ മന്ത്രിയാക്കിയതെന്നും ഉമ്മന്ചാണ്ടി അറിയിച്ചു.
സംസ്ഥാന മന്ത്രിസഭാസഭാ പുന:ാസംഘടന അനിവാര്യമാണെന്ന നിലപാടാണ് ഉമ്മന്ചാണ്ടി സ്വീകരിച്ചത്. കേരളം ഭരിക്കുന്നത് ന്യൂനപക്ഷമാണെന്ന ചിന്ത ഉണ്ടെന്നും ഇതിനെ പ്രതിരോധിക്കാന് എല്ലാപേര്ക്കും പ്രാധാന്യം നല്കുന്ന പുന:സംഘടന ആവശ്യമാണെന്നും ഉമ്മന്ചാണ്ടി സോണിയാഗാന്ധിയെ അറിയിച്ചു. ഹിന്ദുക്കളുടെ വോട്ട് കഴിഞ്ഞ ലോക്സഭാ തിരഞ്ഞെടുപ്പില് ബി.ജെ.പിക്ക് ലഭിച്ചത് ഗൗരവമായി കാണണമെന്നും ഇത് കോണ്ഗ്രസിന്റെ മതേതരസ്വഭാവത്തെ ബാധിക്കുന്നതായും മുഖ്യമന്ത്രി പറഞ്ഞു. എന്.എസ്.എസ്, എസ്.എന്.ഡി.പി പോലുള്ള സംഘടനകള്ക്ക് സംസ്ഥാന ഭരണത്തില് വേണ്ടത്ര സ്ഥാനമില്ലെന്ന പരാതിയുണ്ടെന്നും ഉമ്മന്ചാണ്ടി അറിയിച്ചു. അതേസമയം ക്രൈസ്തവരും മുസ്ലീങ്ങളും സര്ക്കാരിന് നല്കുന്ന പിന്തുണ മറക്കാനാവില്ലെന്നും ഉമ്മന്ചാണ്ടി സോണിയയെ അറിയിച്ചു.
തൊട്ടുപിന്നാലെ രാഹുല്ഗാന്ധിയെ കണ്ട വി.എം. സുധീരനും സര്ക്കാരിനെ കുറെ കൂടി മതേതരമാക്കണമെന്ന നിര്ദ്ദേശം മുന്നോട്ടു വച്ചതായി അറിയുന്നു. ആന്റണിയുമായി ചര്ച്ച നടത്തിയതിനുശേഷമാണ് സുധീരന് രാഹുലിനെ കണ്ടത്. മന്ത്രിസഭാ പുന:സംഘടനയോട് സുധീരന് ആദ്യം അനുകൂലിതച്ചിരുന്നില്ല. തന്നോട് ആലോചിക്കാതെ പുന:സംഘടനയെ കുറിച്ച് മാധ്യമങ്ങളോട് സംസാരിച്ചതാണ് സുധീരനെ പ്രകോപിപ്പിച്ചത്. തുടര്ന്ന് ഉമ്മന്ചാണ്ടി സുധീരനെ സന്ദര്ശിച്ചിരുന്നു. മാത്രവുമല്ല ഇരുവരും ഒരുമിച്ച് നില്ക്കണമെന്നും ആഭ്യന്തരകലാപം അനുവദിക്കരുതെന്നും കേന്ദ്രനേതൃത്വവും ഇരുവര്ക്കും നിര്ദ്ദേശം നല്കിയിരുന്നു. ഇതിന്റെ അടിസ്ഥാനത്തില് ഇരുവരും യോജിച്ചാണ് ഇപ്പോള് പ്രവര്ത്തിക്കുന്നത്.
ബാറുകള് തുറക്കുന്ന വിഷയത്തില് ഉള്പ്പെടെ ഉമ്മന്ചാണ്ടി പാര്ട്ടിക്ക് അനുകൂലമായ നിലപാടാണ് സ്വീകരിച്ചിരിക്കുന്നത് കെ.ബാബുവിനോട് എതിര്പ്പില്ലെങ്കിലും പഴയതു പോലെ ബാബുവിനെ പൂര്ണമായും സ്വീകരിക്കാന് ഉമ്മന്ചാണ്ടി തയ്യാറല്ല. ആന്റണി പറയുന്നതുപോലം മതേതരമായ ഒരു സര്ക്കാര് രൂപീകരിക്കാന് അടുത്ത നിയമസഭാ തിരഞ്ഞെടുപ്പിലും കോണ്ഗ്രസിനു കളം പിടിക്കാനാവുമെന്ന് ഉമ്മന്ചാണ്ടി വിശ്വസിക്കുന്നു. പാര്ട്ടിയില് പുന:സംഘടനക്ക് വേണ്ടി സുധീരനും തയ്യാറെടുക്കുകയാണ്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
