ശാലു മടങ്ങിയെത്തി നൃത്തശില്‌പവുമായി… സരിതക്ക്‌ വേണ്ടി കേരളം കാത്തിരിക്കുന്നു! കുച്ചുപ്പൊടിയോ കഥക്കോ?
സോളാര്‍ കഥയിലൂടെ വിഖ്യാതയായ ശാലുമേനോന്‍ നൃത്തത്തില്‍ സജീവമാകുന്നു. നൃത്തത്തിന്‌ പുറമേ അവശത അനുഭവിക്കുന്ന സ്‌ത്രീകള്‍ക്ക്‌ സഹായം ചെയ്യുന്നതിനായി ഒരു ഫണ്ട്‌ രൂപീകരിക്കാനും ശാലു മേനോന് ആലോചിക്കുന്നു. എന്നാല്‍ തന്റെ പുതിയ സംരഭത്തില്‍ മന്ത്രിമാരേയും രാഷ്‌ട്രീയക്കാരേയും സഹകരിപ്പിക്കില്ലെന്നും ശാലുമേനോന്‍ പറഞ്ഞു. സോളാര്‍ കേസിന്റെ ഹാങ്ക്‌ ഓവര്‍ അവസാനിപ്പിക്കുന്നതിന്‌ കൂടിയാണ്‌ ശാലുമേനോന്‍ നൃത്തത്തില്‍ ശ്രദ്ധ കേന്ദ്രീകരിക്കാന്‍ തീരുമാനിച്ചത്‌.
ശാലു മേനോന് നൃത്തത്തില്‍ സജീവമായതോടെ സരിത നായര്‍ ഏത്‌ കലാരൂപത്തില്‍ സജീവമാകുമെന്ന്‌ അറിയാന്‍ സാംസ്‌കാരിക കേരളം കാത്തിരിക്കണം. ശാലുമേനോന്‍ നൃത്തത്തിലേക്ക്‌ മടങ്ങിയെങ്കിലും അവരുണ്ടാക്കിയ പുകിലില്‍ നിന്നും തിരുവഞ്ചൂര്‍ ഇതുവരേയും രക്ഷപ്പെട്ടിട്ടില്ല. പുതിയ കാലത്തില്‍ സ്‌ത്രീകള്‍ അനുഭവിക്കുന്ന വേദനകളാണ്‌ ശാലു മേനോന്റെ നൃത്ത ശില്‍പ പ്രമേയം. പുരാണ കഥാപാത്രങ്ങളെ സ്വന്തം കാഴ്‌ചപ്പാടോടെ അവതരിപ്പിക്കുന്നു. നൃത്തം കോ ബാങ്ക്‌ ടവറില്‍ വെള്ളിയാഴ്‌ച വൈകിട്ടാണ്‌ അരങ്ങേറിയത്‌. നാടോടി നര്‍ത്തകിയായ മായയും മായയിലേക്ക്‌ പരകായ പ്രവേശനം നടത്തുന്ന പഞ്ചാലിയുമാണ്‌ ശാലുവിന്റെ വേഷം. മൂര്‍ത്തിദേവി പുരസ്‌കാര ജേതാവായ ഒറിയ നോവലിസ്റ്റ്‌ പ്രതിഭാ റായിയുടെ ദ്രൗപതിയെന്ന നോവലാണ്‌ നൃത്തശില്‌പത്തിന്‌ പ്രചോദനം നല്‍കിയതെന്ന്‌ ശാലുമേനോന്‍ പറയുന്നു. പരിപാടിയില്‍ നിന്നും ലഭിക്കുന്ന പ്രതിഫലത്തിന്റെ 25 ശതമാനം അവശത അനുഭവിക്കുന്ന സ്‌ത്രികള്‍ക്കു വേണ്ടി ചെലവഴക്കും. ശാലുവിന്റെ സ്വപ്‌ന പദ്ധതിയായിരുന്നു നൃത്തശല്‌പം.
സോളാര്‍ കേസ് ശാലു മറന്ന മട്ടാണ്‌. ബിജു ബാലകൃഷ്‌ണന്‍ തന്നെ ചതിക്കുകയായിരുന്നു എന്നാണ്‌ ശാലുമേനോന്റെ പക്ഷം. എല്ലാവരും ചേര്‍ന്ന്‌ തന്നെ ക്രൂരമായി ദ്രോഹിച്ചു. ഇത്രയും മോശപ്പെട്ട പ്രതികരണം പ്രതീക്ഷിച്ചില്ലെന്നും ശാലുവുമായി ബന്ധപ്പെട്ട വൃത്തങ്ങള്‍ പറഞ്ഞു. ഇനി അതെല്ലാം കെട്ടു കഥ. നൃത്തത്തില്‍ മാത്രം ശ്രദ്ധ കേന്ദ്രീകരിക്കണം.
സോളാര്‍ കേസ് ശാലുവിന്റെ സാമ്പത്തികാടിത്തറയെ ഉലച്ചെന്നാണ്‌ വിവരം. കേസില്‍ കുടിങ്ങിയതോടെ അഭ്യുദയകാംക്ഷികള്‍ പോലും തന്നെ കൈവിട്ടെന്നാണ്‌ ശാലുവിന്റെ പരാതി. തിരുവഞ്ചൂരും കൊടിക്കുന്നിലുമൊക്കെ ശാലുവിന്റെ പേരില്‍ ചര്‍ച്ചയായതോടെ വിഷമം വര്‍ധിച്ചു. അവര്‍ തന്നെ സഹായിക്കുന്നവരായിരുന്നു. എന്നാല്‍ അനാവശ്യ വിവാദം അവരെ തന്നില്‍ നിന്നും അകറ്റി. തിരുവഞ്ചൂരും കൊടിക്കുന്നിലുമൊക്കെ കണ്ടാല്‍ മിണ്ടാത്ത മട്ടാണ്‌. കണ്ടാലും കണ്ടില്ലെന്ന്‌ നടിക്കും.
സോളാര്‍ കേസില്‍ നഷ്‌ടം സംഭവിച്ചത്‌ ശാലു മേനോന് മാത്രമാണെന്നാണ്‌ അവരുമായി അടുപ്പമുള്ളവര്‍ പറയുന്നത്‌. കാരണം ബാക്കിയുള്ളവരൊക്കെ സോളാര്‍ കേസില്‍ നിന്നും ലാഭമുണ്ടാക്കി. ശാലുവാകട്ടെ ഉള്ള പണം ബിജു രാധാകൃഷ്‌ണനു നല്‍കി. എന്നാല്‍ ഇതില്‍ എത്ര വാസ്‌തവമുണ്ടെന്ന്‌ അറിയില്ല. ബിജുവിന്റെ പണമെല്ലാം ശാലു കൊണ്ടു പോയെന്നാണ്‌ സരിത പറയുന്നത്‌. മാത്രമല്ല ആ പണം കൊണ്ടാണ്‌ പുതിയ വീട്‌ പണിതതെന്നും പറയുന്നുണ്ട്‌. എന്നാല്‍ ഇതുസംബന്ധിച്ച്‌ ബിജുരാധാകൃഷ്‌ണന്‍ ഇതുവരെയൊന്നും പ്രതികരിച്ചിട്ടില്ല. നൃത്തശില്‌പം സോളാര്‍ കഥയാണോ എന്ന ചോദ്യത്തിന്‌ അല്ലെന്നായിരുന്നു മറുപടി. എന്നാല്‍ വേദന അനുഭവിക്കുന്ന സ്‌ത്രീകളെല്ലാം ഇക്കഥയില്‍ നായികമാരാണ്‌.
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക
https://www.facebook.com/Malayalivartha
