കറിയില്‍ കറിവേപ്പില ഉപയോഗിച്ചാലും പലരും അത് പെറുക്കിക്കളയുകയാണ് ചെയ്യുന്നത്. എന്നാൽ കറിവേപ്പില പൊടിച്ചുപയോഗിച്ചാൽ വാളരെയധികം ഗുണമാണ് ലഭിക്കുന്നത്. കറിവേപ്പില പൊടിച്ച് അത് രാവിലെ വെറും വയറ്റില്‍ കഴിച്ചാല്‍ ആരോഗ്യ ഗുണങ്ങള്‍ വളരെ കൂടുതലാണ്. പല ആരോഗ്യ പ്രശ്‌നങ്ങള്‍ക്കും കറിവേപ്പില പൊടി ഉപയോഗിക്കാം.

ദിവസവും രാവിലെ കുറച്ച് കറിവേപ്പില പൊടി വെള്ളത്തില്‍ കലക്കി വെറും വയറ്റില്‍ കഴിക്കുന്നത് പ്രമേഹത്തിന് ആശ്വാസം നല്‍കും. രോഗപ്രതിരോധ ശേഷി വര്‍ദ്ധിപ്പിക്കുന്ന കാര്യത്തിലും മുന്നിലാണ് കറിവേപ്പില. വെറും വയറ്റില്‍ നാലോ അഞ്ചോ കറിവേപ്പില ദിവസവും കഴിച്ചാല്‍ രോഗപ്രതിരോധ ശേഷി വര്‍ദ്ധിക്കുന്നു.

കറിവേപ്പില പൊടി വെറും വയറ്റില്‍ കഴിക്കുന്നത് കാഴ്ച ശക്തി വര്‍ദ്ധിപ്പിക്കുന്നു. അയേണിന്റേയും ഫോളിക് ആസിഡിന്റേയും ഗുണങ്ങള്‍ ധാരാളം ഉള്ള കറിവേപ്പില വിളര്‍ച്ചക്ക് പരിഹാരം നല്‍കുന്നു.

കരളിന്റെ ആരോഗ്യം വര്‍ദ്ധിപ്പിക്കുന്ന കാര്യത്തിലും കറിവേപ്പില മുന്നിലാണ്. ഇതിലുള്ള ആന്റി ഓക്‌സിഡന്റ് ആണ് കരളിനെ സംരക്ഷിക്കുന്നത്. ഇത് ശരീരത്തിലെ ടോക്‌സിനെ പുറന്തള്ളുന്നു. ഇതിലൂടെ കരളിന്റെ ആരോഗ്യംവർധിപ്പിക്കുന്നു.

ഹൃദയാരോഗ്യം വര്‍ദ്ധിപ്പിക്കുന്ന കാര്യത്തിലും എന്നും മുന്നിലാണ് കറിവേപ്പില. വെറുംവയറ്റില്‍ എന്നും രാവിലെ കറിവേപ്പില കഴിക്കുന്നത് കൊളസ്‌ട്രോള്‍ കുറച്ച് ഹൃദയത്തിന് ആരോഗ്യം നല്‍കുകയും ദഹനസംബന്ധമായ പ്രശ്‌നങ്ങള്‍ക്ക് പരിഹാരം ഉണ്ടായേക്കുകയും ചെയ്യുന്നു. മാത്രമല്ല നല്ല കൊളസ്‌ട്രോളിനെ വര്‍ദ്ധിപ്പിച്ച് ചീത്ത കൊളസ്‌ട്രോളിനെ കുറക്കാന്‍ സഹായിക്കുന്നു കറിവേപ്പില.

അഞ്ചോ ആറോ കറിവേപ്പില ഉണക്കിപ്പൊടിച്ച് അത് തൈരില്‍ കലക്കി കഴിക്കുന്നത് ഡയറിയക്ക് പരിഹാരം നല്‍കുന്നു.