രാത്രി ഉറക്കത്തിനിടയിൽ വിയർക്കാറുണ്ടോ?നിസാരമെന്നു കരുതി തള്ളിക്കളയരുത് ..ഈ കാര്യങ്ങൾ ശ്രദ്ധിക്കുക....
രാത്രി ഉറക്കത്തിനിടയിൽ ശരീരം അമിതമായി വിയർക്കാറുണ്ടോ? വിയര്ക്കുന്നത് ഒരു സ്വാഭാവിക പ്രക്രിയയാണ്. ശരീരത്തിന്റെ ചൂടു കുറയ്ക്കുവാന് ശരീരം അവലംബിയ്ക്കുന്ന ഒരു സ്വാഭാവികമാര്ഗം. ചൂടു കൂടുതലുള്ള സമയത്ത് ശരീരം വിയർക്കുന്നത് സ്വാഭാവികമാണ് . എന്നാല് ചിലര് റൂമില് ചൂടില്ലെങ്കിലും രാത്രിയില് അമിതമായി വിയര്ക്കും. .
വിയര്ത്ത് ഉറക്കം പോലു തടസപ്പെടുന്ന അവസ്ഥ ഉണ്ടെങ്കിൽ നിസാരമെന്നു കരുതി തള്ളിക്കളയാന് വരട്ടെ, ഇത് പല ആരോഗ്യപ്രശനങ്ങളുടേയും ഗുരുതരരോഗങ്ങളുടേയും ലക്ഷണമാകൺ ഇടയുണ്ട്
ശരീരത്തിന് അമിതമായി ചൂടേൽക്കുന്നതിനെ പ്രതിരോധിക്കാനുള്ള ശരീരത്തിന്റെ സ്വാഭാവിക പ്രക്രിയയാണ് വിയർപ്പ്. തലച്ചോറിലെ ഹൈപ്പോഥലാമസ് എന്ന ഗ്രന്ഥിയാണ് ഇത്തരത്തിൽ ശരീര താപനിലയെ നിയന്ത്രിക്കുന്നത്. ശരീരത്തിലെ ദശലക്ഷക്കണക്കിന് വിയർപ്പ് ഗ്രന്ഥികളുടെ ഉത്തേജനത്തിന് ഇത് കാരണമാകുന്നത് ഈ ഗ്രന്ഥിയാണ്..
സാധാരണയായി രാത്രി ഉറക്കത്തിനിടയിൽ അമിതമായി വിയർപ്പ് ഉണ്ടാകാനുള്ള കാരണങ്ങൾ ഇവയാണ്
ആർത്തവ വിരാമത്തിൻ്റെ നാളുകളിലൂടെ കടന്നു പോകുന്ന സ്ത്രീകൾക്ക് രാത്രികാലങ്ങളിലെ ഉറക്കത്തിനിടയിൽ വിയർക്കാനുള്ള സാധ്യത കൂടുതലാണ്.
തൈറോയ്ഡ് പോലുള്ള രോഗങ്ങള്ക്കും സൂചന നല്കുന്ന ഒന്നാണ് രാത്രിയിലെ അമിത വിയര്പ്പ്. ഇത്തരം രോഗാവസ്ഥയില് പലപ്പോഴും അമിതവിയര്പ്പ് തന്നെയാണ് സൂചന.
എച്ച് ഐ വി, ക്ഷയം പോലുള്ള അണുബാധ ഉണ്ടെങ്കില് രാത്രിയിലെ വിയര്പ്പാണ് ഇതിന്റെ പ്രധാന ലക്ഷണം .വിഷാദ രോഗത്തിന് കഴിക്കുന്ന മരുന്നും അമിത വിയര്പ്പിന് കാരണമാകുന്ന ഒന്നാണ്. ഇത് ശരീരതാപനിലയെ ഉയര്ത്തുന്നു. ഇതാണ് അമിത വിയര്പ്പിന് കാരണമാകുന്നത്. ഉത്കണ്ഠകൾ മൂലവും രാത്രി ഉറക്കത്തിൽ വിയർക്കാറുണ്ട്
രാത്രിയില് ഈ രീതിയില് വിയര്ക്കുന്നത് ചിലതരം ക്യാന്സറിനുള്ള ലക്ഷണങ്ങളുമാകാറുണ്ട് . പ്രത്യേകിച്ചു ലിംഫോമ, എല്ലിനെ ബാധിയ്ക്കുന്ന ക്യാന്സര്, ലിവര് ക്യാന്സര്, ബ്ലഡ് ക്യാന്സര് എന്നിവക്കെല്ലാം ഈ ലക്ഷണം പൊതുവെ കാണാറുണ്ട്
അതുപോലെ ഹൃദയ സംബന്ധമായ അസുഖങ്ങൾ ഉണ്ടെങ്കിൽ,തുടർച്ചയായി സ്ലീപ് അപ്നിയ അല്ലെങ്കിൽ ഉറക്കമില്ലായ്മയുടെ പ്രശ്നങ്ങൾ നേരിടുന്ന ഒരാളാണെങ്കിൽ,മയക്കുമരുന്ന് ആസക്തി ഉണ്ടെങ്കിൽ എന്നിവയും രാത്രി വിയർപ്പ് ഉണ്ടാകാറുണ്ട് ..ചില സന്ദർഭങ്ങളിൽ, ആന്റീ ഡിപ്രസന്റുകൾ, ഹോർമോൺ മരുന്നുകൾ, പ്രമേഹ രോഗ മരുന്നുകൾ തുടങ്ങിയവയുടെ ഉപയോഗത്തിൻ്റെ പാർശ്വഫലങ്ങൾ മൂലം അമിത വിയർപ്പ് ഉണ്ടാകാം
എപ്പോഴാണ് ഒരു ഡോക്ടറെ കാണേണ്ടത് ?
രാത്രിയുറക്കത്തിൽ വിയർക്കുന്നത് മിക്ക സാഹചര്യങ്ങളിലും ആശങ്കയുണ്ടാക്കുന്ന ഒരു കാര്യമല്ല. അതുകൊണ്ടുതന്നെ ഇതിനെ ഓർത്ത് അധികം ഭയപ്പെടേണ്ടതില്ല. എങ്കിൽ തന്നെയും നിങ്ങളുടെ ഉറക്കത്തെ ഇത് തടസ്സപ്പെടുത്തുന്നുണ്ടെങ്കിൽ വൈദ്യസഹായം തേടി പോകുന്നതിൽ തെറ്റില്ല. പനി, ശരീരഭാരം, വേദനകൾ, ചുമ, തുടങ്ങിയവ ഒഴിച്ച് മറ്റേതെങ്കിലും കാരണത്താലാണ് രാത്രി ഉറക്കത്തിനിടയിൽ വിയർക്കുന്നതെങ്കിൽ നിങ്ങൾക്ക് ഇതിനായി ചികിത്സതേടി പോകാം.
നിങ്ങളുടെ രോഗകാരണങ്ങളെ അടിസ്ഥാനമാക്കി ഡോക്ടർമാർ വിയർപ്പിനെ പ്രശ്നങ്ങളെ പ്രതിരോധിക്കാനുള്ള അടിസ്ഥാന ചികിത്സാ നിർദ്ദേശങ്ങൾ നൽകും.
ആർത്തവവിരാമവുമായി ബന്ധപ്പെട്ടാണ് ഇത്തരം പ്രശ്നങ്ങൾ ഉണ്ടാകുന്നതെങ്കിൽ ഹോർമോൺ തെറാപ്പി ചികിത്സകൾ ആണ് കൊടുക്കുന്നത് . ഏതെങ്കിലും അണുബാധകൾ മൂലമാണ് ഇതുണ്ടാകുന്നത് എങ്കിൽ അണുബാധയെ ചികിത്സിക്കാൻ ആൻ്റി ബയോട്ടിക്കുകളും ആൻറിവൈറൽ മരുന്നുകളും ഡോക്ടർമാർ നിർദേശിക്കും.
കാൻസർ മൂലമാണ് രാത്രി വിയർപ്പിൻ്റെ ലക്ഷണങ്ങൾ ഉണ്ടാകുന്നതെങ്കിൽ, കീമോതെറാപ്പിയും മറ്റ് ചികിത്സകളും ശുപാർശ ചെയ്യുന്നു.. നിങ്ങൾ കഴിക്കുന്ന ഏതെങ്കിലും മരുന്നുകൾക്ക് പാർശ്വഫലമായാണ് രാത്രി വിയർപ്പിൻ്റെ പ്രശ്നങ്ങൾ ഉണ്ടാകുന്നുണ്ടെങ്കിൽ ഡോക്ടർക്ക് കഴിക്കുന്ന മരുന്നുകളെ പരിഷ്കരിക്കാനും മാറ്റം വരുത്താനുമെല്ലാം കഴിയും.
മദ്യപാന ശീലം ഉണ്ടെങ്കിൽ ഉപേക്ഷിക്കുക, കഫീൻ പാനീയങ്ങൾ കഴിക്കുന്നത് നിയന്ത്രിക്കുക എന്നിവയും ഇത്തരം പ്രശ്നങ്ങളെ ഒഴിവാക്കാൻ സഹായിക്കാം
സ്ട്രോക്കിനു മുന്നോടിയായും ശരീരം വിയര്ക്കാറുണ്ട്. അതുകൊണ്ട് തന്നെ രാത്രിയിലെ അമിതവിയര്പ്പിനെ അല്പം ശ്രദ്ധിക്കുന്നത് നന്നായിരിക്കും.
https://www.facebook.com/Malayalivartha