കാൻസർ പാരമ്പര്യ രോഗമാണോ ? അമ്മയ്ക്ക് പണ്ട് കാൻസർ വന്നെന്ന് കരുതി മകന്റെ കല്യാണം മുടങ്ങുമോ?എത്രയൊക്കെ ബോധവത്ക്കരണം നടത്തിയാലും പലപ്പോഴും നിയന്ത്രണത്തിനുമപ്പുറത്തേക്ക് കൈവിട്ടു പോവുന്ന ചില അബദ്ധപ്രചരണങ്ങൾ
ക്യാന്സറിന് കുറിച്ചും ക്യാന്സര് ചികിത്സയെ കുറിച്ചും നിരവധി തെറ്റിദ്ധാരണകളാണ് നിലനില്ക്കുന്നത്. എത്രയൊക്കെ ബോധവത്ക്കരണം നടത്തിയാലും പലപ്പോഴും നിയന്ത്രണത്തിനുമപ്പുറത്തേക്ക് കൈവിട്ടു പോവുകയാണ് പല അബദ്ധപ്രചരണങ്ങളും. അത്തരത്തിലൊന്നാണ് ക്യാന്സര് രോഗം പാരമ്പര്യമായി കൈമാറ്റം ചെയ്യപ്പെടുമെന്നത്. ... കഴിഞ്ഞ ജന്മത്തിലും ഈ ജന്മത്തിലുമായി ചെയ്ത പാപങ്ങളുടെ ഫലമായിട്ടാണ് ഈ രോഗം വരുന്നത്' എന്ന് വരെ വിശ്വസിക്കുന്നവരും നമ്മുടെ ഇടയിലുണ്ട്
എത്ര മരുന്നുകള് കണ്ടെത്തിയെന്ന് പറഞ്ഞാലും കാന്സര് എന്ന രോഗത്തെ ഇന്നും പലര്ക്കും ഭയമാണ്. ആദ്യ കാലത്ത് നിന്നും അപേക്ഷിച്ച് കാന്സര് ചികിത്സയില് വളരെയേറെ പുരോഗതി ഉണ്ടായിട്ടുണ്ട് . രോഗം ബാധിച്ച പലരും ജീവിതത്തലേക്ക് തിരിച്ച് വന്നിട്ടുണ്ട്.
എന്നാല് കാന്സറിനെ കുറിച്ചും ചികിത്സയെ കുറിച്ചും നിരവധി തെറ്റിദ്ധാരണകളാണ് നിലനില്ക്കുന്നത്. എന്തു കൊണ്ട് കാന്സര് ബാധിക്കുന്നുവെന്ന് ചോദിച്ചാല് മിക്ക ആളുകളും പറയുന്നത് പാരമ്പര്യമായി വരുന്നതാണ് എന്നാണ്. എന്നാല് രോഗം വരാന് കാരണം പാരമ്പര്യമാണെന്ന് പൂര്ണ്ണമായും അവകാശപ്പെടാന് കഴിയില്ല.
കാന്സര് രോഗം പൊതുവേ പാരമ്പര്യ രോഗമല്ല. പക്ഷെ ചില അര്ബുദങ്ങള് നേരിയ തോതില് പാരമ്പര്യ സ്വാഭാവം കാണിക്കാറുണ്ട്. സ്തനാര്ബുദം, വന്കുടലിലെ അര്ബുദം, അണ്ഡാശയ ക്യാന്സര്, പ്രോസ്റ്റേറ്റ് കാന്സര് തുടങ്ങിയവയാണ് പാരമ്പര്യമായി കൈമാറാന് സാധ്യതയുണ്ടെന്ന് പഠനങ്ങള് സൂചിപ്പിക്കുന്നവയുടെ പട്ടികയിലുളളത്. എന്നാല് ആദ്യഘട്ടത്തില് തന്നെ ഇത് തിരിച്ചറിയാന് സാധിച്ചാല് പൂര്ണമായും ചികിത്സിച്ച് ഭേദമാക്കാന് കഴിയുന്നതാണ് കാന്സര്
പാരമ്പര്യം എന്നതുകൊണ്ട് അമ്മയ്ക്ക് രോഗം വന്നാല് നിര്ബന്ധമായും മകള്ക്ക് വരുമെന്നല്ല ഉദ്ദേശിക്കുന്നത്. മറിച്ച് കുടുംബത്തില് ഈ രോഗം ഇല്ലാത്ത ഒരാളേക്കാള് നേരിയ സാധ്യത കൂടുതല് എന്നു മാത്രം. ഈ നേരിയ സാധ്യതയെ കൃത്യമായ പരിശോധനകള് (മാമോഗ്രഫി) സ്വയം സ്തനപരിശോധന കൊണ്ടും ജീവിത ശൈലിയിൽ വ്യായാമം , കൊഴുപ്പ് കുറഞ്ഞ ഭക്ഷണം എന്നിവ ശീലമാക്കുന്നതിലൂടെയും മറികടക്കാന് കഴിയും.......
എന്നാൽ ഇപ്പോഴും തെറ്റിദ്ധാരണമൂലം വർഷങ്ങൾക്ക് മുൻപ് കുടുംബത്തിൽ അച്ഛനോ അമ്മയ്ക്കോ കാൻസർ വന്നു എന്നതിന്റെ പേരിൽ മക്കളുടെ വിവാഹം വരെ മാറിപ്പോകുന്ന അനുഭവങ്ങൾ ഉണ്ടാകാറുണ്ട്. പണ്ടെന്നോ അമ്മയ്ക്ക് അണ്ഡാശയത്തില് കാന്സര് വന്നിട്ടുണ്ടായിരുന്നു എന്നു പറഞ്ഞ് മകന്റെ കല്യാണാലോചന ഉപേക്ഷിക്കേണ്ടി വന്ന കഥകൾ അടുത്തിടെ ഒരു ഡോക്ടർ സമൂഹ മാധ്യമത്തിൽ പങ്കു വെച്ചിരുന്നു.. അമ്മയ്ക്ക് സ്തനാര്ബുദമുണ്ടെന്നറിഞ്ഞ് മകളുടെ കല്യാണാലോചന ഉപേക്ഷിച്ച ഒരു സംഭവവും ഉണ്ടായിട്ടുണ്ട്.
ഒരസുഖം പാരമ്പര്യമായി വരുന്നു എന്ന് പറയണമെങ്കില് അതിന് ചില കൃത്യമായ കാരണങ്ങളും രീതികളുമൊക്കെ ഉണ്ടാകണം. ഒരു വീട്ടില് രണ്ടോ നാലോ പേര്ക്ക്, അല്ലെങ്കിൽ ബന്ധുക്കളായ ഒന്നിലേറെ പേര്ക്ക് ഏതെങ്കിലും അസുഖം വരുന്നു എന്നതുകൊണ്ട് അത് പാരമ്പര്യരോഗമാവില്ല.'......
ഒരു പക്ഷെ അത് സമാന രീതിയിലുള്ള ജീവിത രീതികൊണ്ട് വരുന്നതാകാനാണ് കൂടുതൽ സാധ്യത . ഉദാഹരണത്തിന് പുകവലി,മദ്യപാനം തുടങ്ങിയ ദുശീലങ്ങൾക്ക് അടിമയായവർക്ക് കാൻസർ പോലുള്ള അസുഖങ്ങൾ പിടിപെടാനുള്ള ചാൻസ് വളരെ കൂടുതലാണ് . അതിനു പാരമ്പര്യവുമായി ബന്ധമില്ല.
അതുപോലെ തന്നെ എടുത്തു പറയേണ്ട കാര്യം കാന്സര് പകരുന്ന ഒരു രോഗമല്ല എന്നതാണ് . കാന്സര് ബാധിതരുമായുള്ള സഹവാസം ഒരു തരത്തിലും മറ്റൊരാളെ രോഗിയാക്കില്ല...... കാന്സര് രോഗിയെ പരിചരിക്കുന്നതിന് ഒരു തരത്തിലുമുള്ള പ്രതിരോധ സംവിധാനം സ്വീകരിക്കുകയോ മുന്കരുതല് സ്വീകരിക്കുകയോ ചെയ്യേണ്ടതില്ല.
സാധാരണ രോഗങ്ങളെപ്പോലെ തന്നെ കാൻസർ ചികിത്സ കഴിഞ്ഞെത്തിയ രോഗികള്ക്കും സാധാരണ ജീവിതം നയിക്കാം. ജോലി, വിവാഹം, വിനോദം എന്നിവയൊന്നും അവര്ക്കും നിഷിദ്ധമല്ല. കാന്സര് ചികിത്സ കഴിഞ്ഞ് തിരഞ്ഞെടുപ്പ് ചൂടിലേക്കിറങ്ങിയ ഇന്നസെന്റിനെയും അഭിനയത്തിലേക്ക് മടങ്ങിവന്ന മംമ്തയെയും പോലെ ഒട്ടേറെപ്പേര് നമുക്കിടയിലുണ്ടെന്നകാര്യം ഒരു പ്രചോദനമായി എപ്പോഴും മനസ്സിലോർക്കണം
https://www.facebook.com/Malayalivartha