സ്തനാർബുദം കൂടുതൽ സാധ്യത ആർക്ക് ? ഈ ലക്ഷണങ്ങള് അറിഞ്ഞിരിക്കാം
സ്തനകോശങ്ങളുടെ അമിത വളർച്ചമൂലമുണ്ടാകുന്ന രോഗമാണ് സ്തനാർബുദം. കാൻസർ മൂലമുള്ള മരണങ്ങളിൽ അഞ്ചാം സ്ഥാനമാണ് സ്തനാർബുദത്തിനുള്ളത്. സ്തനാർബുദബാധയ്ക്കുള്ള സാധ്യത സ്ത്രീകളിൽ 12 ശതമാനമാണ്. പ്രായം വർധിക്കും തോറും സ്തനാർബുദബാധയ്ക്കുള്ള സാധ്യതയും ഏറിവരുന്നു.
ആരംഭഘട്ടത്തില് തന്നെ തിരിച്ചറിഞ്ഞാൽ പൂർണമായും സുഖപ്പെടുത്താവുന്ന ഒന്നാണ് ബ്രസ്റ്റ് കാൻസർ.. നിർഭാഗ്യവശാൽ ഇന്ത്യയില് മിക്കവാറും സ്ത്രീകളും രോഗത്തിന്റെ മൂന്നാമത്തേയോ നാലാമത്തേയോ ഘട്ടത്തിലെത്തുമ്പോഴാണ് ചികിത്സ തേടാറുള്ളത്...
രോഗം തിരിച്ചറിയപ്പെടണമെങ്കില് രോഗത്തെക്കുറിച്ചും രോഗ ലക്ഷണങ്ങളെക്കുറിച്ചും വ്യക്തമായ ധാരണ ഉണ്ടാകണം.. ഇതിനായി ഇരുപതു വയസ്സുകഴിഞ്ഞ എല്ലാ സ്ത്രീകളും മാസത്തിലൊരിക്കലെങ്കിലും സ്വയം പരിശോധന ചെയ്യേണ്ടതാണ്. സ്തനത്തിലെ ചർമത്തിലുള്ള നിറവ്യതാസം, സ്തനത്തിലെ ആകൃതിയിലോ, വലിപ്പത്തിലോ ഉള്ള വ്യതിയാനങ്ങൾ, മുലഞെട്ടുകൾ തമ്മിലുള്ള മാറ്റങ്ങൾ എന്നിവ നിരീക്ഷിക്കണം. എന്തെങ്കിലും സംശയം തോന്നിയാൽ വിദഗ്ധോപദേശം സ്വീകരിക്കണം.
ഈസ്ട്രജന്റെ അളവ് ശരീരത്തിൽ കൂടുതലായവർക്കു രോഗ സാധ്യത കൂടുതലാണ്. അമിതവണ്ണമുള്ളവരിൽ കൊഴുപ്പിന്റെ അംശം കൂടുതലാണ്. ഇത് സ്ത്രീഹോർമോണുകളുടെ പ്രവർത്തനം കൂട്ടും.
∙
മുപ്പതു വയസ്സിനു ശേഷം ആദ്യ പ്രസവം നടന്നവരിലും സ്തനാർബുദ സാധ്യത കൂടുതലാണ്.. ഗർഭിണിയായിരിക്കുമ്പോഴും മുലയൂട്ടുന്ന സമയത്തും ഈസ്ട്രജൻ ഹോർമോണിന്റെ ഉൽപാദനം കുറവായിരിക്കും. പ്രസവിക്കാത്തവർക്കും മുലയൂട്ടാത്തവർക്കും ഈസ്ട്രജൻ കുറയുന്ന സമയം ഉണ്ടാവുകയില്ല. അതിനാലാണ് സ്തനാർബുദ സാധ്യത കൂടുന്നത്
11 വയസ്സിനു മുൻപ് ആദ്യ ആർത്തവം വന്നവരിലും 50 വയസ്സിനുശേഷം ആർത്തവ വിരാമം സംഭവിച്ചവരിലും ഇതേ സാധ്യത കാണുന്നുണ്ട് .. അടുത്ത രക്തബന്ധമുള്ളവരിൽ, പ്രത്യേകിച്ച് അമ്മ, സഹോദരി, ഇവരിൽ ആർക്കെങ്കിലുമോ, രണ്ടു പേർക്കോ സ്തനാർബുദം വന്നിട്ടുണ്ടെങ്കിൽ രോഗസാധ്യത കൂടുതലാണ്
മുൻപ് സ്തനാര്ബുദ ചികിത്സ എന്നാല് സ്തനം പൂര്ണമായി നീക്കം ചെയ്യുക എന്നതായിരുന്നു ആകെയുള്ള പോംവഴി . എന്നാല് ഇന്ന് അതല്ല സ്ഥിതി. നേരത്തേ കണ്ടു പിടിക്കാന് കഴിഞ്ഞാല് ആ തടിപ്പും കക്ഷത്തിലെ ഗ്രന്ഥികളും മാത്രം നീക്കം ചെയ്താല് മതിയാവും...... എങ്കിലും കല്ലിപ്പിന്റെ വലിപ്പം, സ്ഥാനം, സ്തനത്തിന്റെ വലിപ്പം, സ്തനാര്ബുദത്തിന്റെ സ്വഭാവം, പ്രായം, രോഗിയുടെ ഇച്ഛ തുടങ്ങിയ പല ഘടകങ്ങളെ ആശ്രയിച്ചാണ് ഡോക്ടർമാർ തീരുമാനം എടുക്കുന്നത്
.
ആരംഭത്തിലേ തിരിച്ചറിയുക, ശരിയായ ചികിത്സ തേടുക എന്നത് പോലെതന്നെ പ്രധാനമാണ് കൃത്യമായ തുടര് ചികിത്സകളും.... തുടര് ചികിത്സകള് മുടക്കിയാല് രോഗം വീണ്ടും വരാനുള്ള സാധ്യതയുണ്ട്. കൃത്യമായ, നേരത്തേയുള്ള കണ്ടുപിടിക്കലും ശരിയായ ചികിത്സയുമുണ്ടെങ്കില് പൂര്ണമായും ഭേദമാക്കാന് സാധിക്കുന്ന അസുഖമാണ് സ്തനാര്ബുദം. ഭയപ്പെടേണ്ടതില്ല.......
https://www.facebook.com/Malayalivartha