കോവിഡ് വ്യാപനം രൂക്ഷമായ രാജ്യങ്ങളില്‍ കോവിഡിന്റെ ഉദ്ഭവത്തിന് ഏകദേശം രണ്ട് മാസങ്ങള്‍ക്ക് ശേഷം കുട്ടികളില്‍ റിപ്പോര്‍ട്ട് ചെയ്യപ്പെട്ട പുതിയ രോഗമാണ് മള്‍ട്ടി സിസ്റ്റം ഇന്‍ഫ്‌ളമേറ്ററി സിന്‍ഡ്രം. ഏപ്രില്‍ അവസാന വാരം ഇംഗ്ലണ്ടില്‍ നിന്നും ആദ്യമായി റിപ്പോര്‍ട്ട് ചെയ്യപ്പെട്ട രോഗം തുടര്‍ന്ന് അമേരിക്ക, ഫ്രാന്‍സ് തുടങ്ങിയ രാജ്യങ്ങളില്‍ സ്ഥിരീകരിച്ചു. ......

ഏപ്രില്‍ അവസാനവാരം കോഴിക്കോട് ബേബി മെമ്മോറിയല്‍ ആശുപത്രിയില്‍ ഈ രോഗം ഒരു കുട്ടിയില്‍ സ്ഥിരീകരിച്ചിരുന്നു . ഏഷ്യയിലെ ആദ്യത്തെ കേസായിരുന്നു ഇത്. കേരളത്തില്‍ തിരുവനന്തപുരം മെഡിക്കല്‍ കോളേജില്‍ ഇതുവരെ പത്തോളം കേസുകള്‍ ചികിത്സിച്ചിട്ടുണ്ട്. കൊച്ചിയിലും കോഴിക്കോടുമുള്ള വിവിധ ആശുപത്രികളിലും കുട്ടികളിൽ ഈ അസുഖം റിപ്പോർട്ട് ചെയ്തിട്ടുണ്ട്

ഈ കുട്ടികളില്‍ കോവിഡ് പി.സി.ആര്‍. ടെസ്റ്റ് നെഗറ്റീവും ആന്റിബോഡി ടെസ്റ്റുകള്‍ പോസിറ്റീവുമായിട്ടാണ് സാധാരണ കാണപ്പെടുന്നത്. ......മുന്‍പ് കോവിഡ് വൈറസ് അണുബാധ വന്നതിനെയാണ് ഇത് സൂചിപ്പിക്കുന്നത്. ഒന്നുകിൽ ഈ കുട്ടികൾക്ക് ലക്ഷണങ്ങളൊന്നും ഇല്ലാതെ കോവിഡ് ബാധിച്ചു സുഖപ്പെട്ടിരിക്കാം, അല്ലെങ്കിൽ വൈറസ് സമ്പര്‍ക്കത്തോടുള്ള ശരീരത്തിന്റെ രോഗപ്രതിരോധ പ്രതികരണം ആയിട്ടാണ് ഈ അസുഖത്തെ കാണുന്നത് ....അതിനാല്‍ ഈ കുട്ടികളില്‍ നിന്ന് മറ്റുള്ളവരിലേക്ക് കോവിഡ് അണുബാധ പകരാന്‍ സാധ്യതയില്ല.

സാധാരണമായി കാവസാക്കി അസുഖത്തില്‍ കാണാറുള്ള ശക്തമായ പനി, കണ്ണിലും വായിലുമുള്ള ചുവപ്പ്, ശരീരത്തിലെ പാടുകള്‍(റാഷസ്) തുടങ്ങിയവയ്ക്ക് പുറമേ അസുഖത്തിന്റെ തുടക്കത്തിലേയുള്ള വയറുവേദന, വയറിളക്കം തുടങ്ങിയ ലക്ഷണങ്ങള്‍ 60 ശതമാനം കുട്ടികളില്‍ കാണപ്പെട്ടിരുന്നു... ഹൃദയത്തിന്റെ പേശികളെ ബാധിക്കുന്ന അവസ്ഥ (മയോകാര്‍ഡൈറ്റിസ്), കുറഞ്ഞ രക്തസമ്മര്‍ദം(ഷോക്ക്) വൃക്കയേയും കരളിനെയും ബാധിക്കല്‍ തുടങ്ങിയ ഗുരുതരാവസ്ഥകളും കാണപ്പെടുന്നുണ്ട്. ......

കാവസാക്കി അസുഖത്തില്‍ നിന്നും വിഭിന്നമായി പ്ലേറ്റ്‌ലെറ്റ് കൗണ്ട് കുറവായിട്ടാണ് ഈ അസുഖത്തില്‍ കാണപ്പെടുന്നത്. ......

കേരളത്തില്‍ കോവിഡ് കൂടിവരുന്നതിനാലും രോഗവ്യാപനം ആരംഭിച്ചിട്ട് മാസങ്ങള്‍ പിന്നിട്ടതിനാലും ഈ അസുഖം ഇനിയുള്ള ആഴ്ചകളില്‍ കൂടുതല്‍ കാണപ്പെടാന്‍ സാധ്യതയുണ്ടെന്നാണ് റിപ്പോർട്ടുകൾ ..യഥാസമയം രോഗനിര്‍ണയം നടത്തി ചികിത്സിച്ചാല്‍ ആശങ്കപ്പെടാനില്ല എന്നാണു ഡോക്ടർമാർ പറയുന്നത്