Widgets Magazine 

20
Nov / 2026
Friday
Forex Rates:

1 aed = 19.19 inr ● 1 aud = 50.27 inr ● 1 eur = 79.92 inr ● 1 gbp = 90.97 inr ● 1 kwd = 231.92 inr ● 1 qar = 19.36 inr ● 1 sar = 18.79 inr ● 1 usd = 70.49 inr ●

കോവിഡും അലർജി രോഗങ്ങളും ..ശ്വാസകോശ രോഗങ്ങളെ കുറിച്ച് കൂടുതൽ അറിയാം

20 OCTOBER 2020 03:29 PM IST
മലയാളി വാര്‍ത്ത

ശ്വസനപഥം കേന്ദ്രീകരിച്ചുള്ള രോഗബാധയാണ് കൊവിഡ്. അതുകൊണ്ടു തന്നെ, ശ്വാസകോശസംബന്ധമായ അലർജിയുള്ളവർക്ക് പേടി കൂടാതെ ജീവിക്കാൻ കഴിയാത്ത സാഹചര്യമാണുള്ളത്. കൊവിഡിന്റെയും ശ്വസനപഥത്തെ ആശ്രയിച്ചുള്ള അലർജി രോഗങ്ങളുടെയും ലക്ഷണങ്ങൾ പലതും ഏതാണ്ട് സമാനമാണ്. അലര്‍ജി, ആസ്മ, സിഒപിഡി, അണുബോധ എന്നിങ്ങനെ അനേകം പ്രശ്‌നങ്ങള്‍ ശ്വാസകോശത്തെ ബാധിക്കാറുണ്ട്.. . ഇവയില്‍ അണുബാധയാണ് മുന്‍നിരയില്‍ നില്‍ക്കുന്നത് എവന്നതുകൊണ്ടുതന്നെ ഇന്ന് എല്ലാവരും പിടിക്കുന്നതും കോവിഡിനെ തന്നെയാണ് .

ഇന്ന് ഡോക്ടർമാരെ കാണാനെത്തുന്ന 10 കുട്ടികളിൽ ആറു പേർക്കെങ്കിലും ശ്വസനപഥ സംബന്ധമായ രോഗങ്ങൾ കണ്ടെത്താറുണ്ട്. പത്ത് വയസിനു താഴെയുള്ള കുട്ടികൾക്ക് കൊവിഡ് ബാധ ഏൽക്കാനുള്ള സാദ്ധ്യതയും കൂടുതലാണ്. അതിനാൽ ഏറ്റവും കൂടുതൽ മുൻകരുതലെടുക്കേണ്ട ഒരു വിഭാഗമാണ് കുട്ടികൾ

അപ്പര്‍ റെസ്പിരേറ്ററി ഇന്‍ഫക്ഷന്‍ അഥവാ ജലദോഷപ്പനി സര്‍വ്വസാധാരണയായി കാണപ്പെടുന്നതാണ്. വൈറസ് അണുബാധയാണ് പ്രധാന കാരണം. ഇപ്പോള്‍ കോവിഡ് 19 ഭീതിയും ഉണ്ട്. ലക്ഷണങ്ങള്‍ തുമ്മല്‍, പനി, തലവേദന, ശരീര വേദന, മൂക്കൊലിപ്പ്, തൊണ്ടവേദന, ചെവിവേദന എന്നിവയാണ് .ഒന്നു മുതല്‍ അഞ്ചു ദിവസം വരെ ഇവ നീണ്ടു നില്‍ക്കും. 

ഇവയ്ക്ക് പരിഹാരം ആവിപിടിക്കുക, ചൂടുള്ള ഉപ്പുവെള്ളം കവിളില്‍ കൊള്ളുക, ധാരാളം വെള്ളം കുടിക്കുക, നല്ല വിശ്രമം എന്നിവയാണ് . ഇപ്പോഴത്തെ സാഹചര്യത്തിൽ രണ്ട് ദിവസത്തിനുള്ളില്‍ ലക്ഷണങ്ങള്‍ കുറയുന്നില്ലെങ്കില്‍ വൈദ്യസഹായം തേടുക. ലക്ഷണങ്ങള്‍ കണ്ടുതുടങ്ങുമ്പോള്‍ തന്നെ ഇവ പടരാതിരിക്കാന്‍ ശ്രദ്ധിക്കണം.

അന്തരീക്ഷത്തിലെ പൊടിപടലം, തണുപ്പ്, ചൂട് തുടങ്ങിയവ കാരണമായും കഴിക്കുന്ന ഭക്ഷണത്തിൽ നിന്നുള്ള ദോഷങ്ങൾ കൊണ്ടും എപ്പോൾ വേണമെങ്കിലും തുമ്മൽ, ജലദോഷം,തൊണ്ടവേദന, പനി, ചുമ, ശ്വാസംമുട്ട് തുടങ്ങിയ ലക്ഷണങ്ങൾ ഉണ്ടാകാം. അതിനാൽ,​ ഇപ്പറഞ്ഞ ലക്ഷണങ്ങളൊന്നും കൊവിഡ് ബാധ കൊണ്ടുള്ളതല്ലെന്ന് ഉറപ്പാക്കേണ്ടത് അത്യാവശ്യമാണ്.

ശ്വസനപഥ സംബന്ധമായ രോഗങ്ങൾ കാലാവസ്ഥയ്ക്കനുസരിച്ചും വ്യക്തിപരമായ വ്യത്യാസങ്ങൾക്കനുസരിച്ചും വിഭിന്നമാകാം. അതുതന്നെ ബാഹ്യമായ കാരണങ്ങൾകൊണ്ടും അലർജിക്ക് കാരണമായ വസ്തുക്കളുടെ ആന്തരികമായ ഉപയോഗം കൊണ്ടും രോഗം ആരംഭിക്കുകയോ വർദ്ധിക്കുകയോ ചെയ്യാം

പൊടി, പുക, ഫംഗസ് ബാധ, തണുപ്പ്, ചൂട്, വെയിൽ, ചിലതരം മണങ്ങൾ, അക്കേഷ്യ, നെല്ല് കൂടാതെ ചില സസ്യങ്ങളുടെ പരാഗരേണുക്കൾ, കമ്പിളി, മഫ്ലർ തുടങ്ങിയവയിൽ കാണുന്ന സൂക്ഷ്മങ്ങളായ ഫൈബറുകൾ, ചിലതരം ത്വക് രോഗങ്ങളും തലയിൽ കാണുന്ന താരൻ കാരണവുമുള്ള പൊടികൾ, സംസാരിച്ചു കൊണ്ട് യാത്ര ചെയ്യുമ്പോൾ തൊണ്ടയ്ക്ക് തണുപ്പേൽക്കുന്നതും ചെവിയിലൂടെ തണുപ്പേൽക്കുന്നതും ചുവരിലെ ഈർപ്പത്തിൽ വളരുന്ന ഫംഗസ്,

വസ്ത്രങ്ങൾ ഉപയോഗിക്കാതെ ഷെൽഫിൽ വച്ചിരിക്കുന്നത് കാരണമുള്ള പൊടി, വളർത്തു ജീവികളായ കിളികൾ, കോഴി, പൂച്ച, പട്ടി തുടങ്ങിയവയിൽ നിന്നുള്ള ത്വക് ശകലങ്ങൾ, ചിലതരം സോഫകളിലും മറ്റും ധാരാളമായി പറ്റിപ്പിടിച്ചിരിക്കുന്നതിന് സാദ്ധ്യതയുള്ള പൊടികൾ, വീടുകളിൽ ഉപയോഗിക്കുന്ന ഫ്ലോർ മാറ്റുകളിൽ നിന്ന് ശ്വസിക്കാൻ സാദ്ധ്യതയുള്ള പൊടികൾ, വസ്ത്രങ്ങളിൽ നിന്ന് ശ്വസിക്കാനിടയുള്ള പൊടികൾ തുടങ്ങിയവയാണ് ശ്വസന പഥ അലർജിക്ക് കാരണമാകുന്ന ബാഹ്യ കാരണങ്ങൾ.

മീനുകളുടെ ഗണത്തിൽപ്പെട്ട അയല, ചൂര, കൊഞ്ച്, ഞണ്ട്, ചിപ്പി കണവ എന്നിവയും അച്ചാർ, ബേക്കറി ഐറ്റംസ്, പ്രത്യേകിച്ചും മുട്ട ചേർന്നുള്ള ബ്രഡ്, ബിസ്കറ്റ്, കേക്ക് ,ചിലതരം ഇറച്ചികൾ,കാഷ്യുനട്ട് , മുരിങ്ങയ്ക്ക, പാലും പാലുൽപ്പന്നങ്ങളും, മസാല തുടങ്ങിയവയെ രോഗത്തെ വർദ്ധിപ്പിക്കുന്ന ആന്തരിക കാരണങ്ങളായി പറയാവുന്നതാണ്.

കാരണങ്ങൾ ശരിയായി മനസ്സിലാക്കാൻ സാധിച്ചാൽ രോഗശമനം എളുപ്പമാണ്. കാരണം ഇതിന്റെ ചികിത്സകളിൽ ഏറ്റവും പ്രാധാന്യം കാരണങ്ങൾ ഒഴിവാക്കുക എന്നതാണ്. മരുന്നു കഴിച്ചു കൊണ്ടുള്ള ചികിത്സയും ആവശ്യമായി വന്നാൽ ചില സർജറികളും രണ്ടാം സ്ഥാനമേ അർഹിക്കുന്നുള്ളൂ. അതും കാരണത്തെ ഒഴിവാക്കിയതിനു ശേഷമുള്ള ചികിത്സ മാത്രമാണ് പ്രയോജനപ്പെടുന്നത്

അണുബാധയുള്ളവരില്‍ നിന്ന് അകലം പാലിക്കുക എന്നതും വളരെ പ്രധാനം തന്നെയാണ് . കോവിഡ് 19 പടര്‍ന്നു പിടിച്ചിരിക്കുന്ന സാഹചര്യത്തില്‍ സാമൂഹിക അകലത്തിന്റെ പ്രസക്തി നമുക്കേവര്‍ക്കും അറിയാം. അത് പ്രാവര്‍ത്തികമാക്കുക

ഭക്ഷണത്തില്‍ ആന്റീ ഓക്‌സിഡന്റ്‌സ് അടങ്ങിയ പദാര്‍ത്ഥങ്ങള്‍ ഉള്‍പ്പെടുത്തുന്നത് അലർജിപോലുള്ള അസുഖങ്ങൾ പിടിപെടാതിരിക്കാൻ സഹായിക്കും ഉദാ; വൈറ്റമിന്‍ സി, മഗ്നേഷ്യം, ഒമേഗ 3 ഫാറ്റി ആസിഡ് തുടങ്ങിയവ അലര്‍ജിയും അണുബാധയും ചെറുത്തു നിര്‍ത്തും. ജങ്ക് ഫുഡ്‌സ് കഴിവതും ഒഴിവാക്കുന്നതും ഗുണം ചെയ്യും

ബെഡ്ഷീറ്റ് പില്ലോ കവര്‍ എന്നിവ ആഴ്ച്ചയില്‍ രണ്ട്, മൂന്ന് തവണയെങ്കിലും മാറ്റാന്‍ പ്രത്യേകം ശ്രദ്ധിക്കണം. തണുത്ത ആഹാരം, ഫാന്‍, എസി എന്നിവ അമിത തണുപ്പില്‍ പ്രവര്‍ത്തിപ്പിക്കുന്നത് ഒഴിവാക്കുക, 

പ്രതിരോധ കുത്തിവയ്പ്പുകള്‍ പ്രായമായവരും ശ്വാസകോശ രോഗങ്ങളുള്ളവരും എടുക്കാന്‍ ശ്രദ്ധിക്കുക,പുറത്തിറങ്ങുമ്പോള്‍ മാസ്‌ക് ഉപയോഗിക്കുക, പുറത്ത് പോയി വന്നാല്‍ കൈകള്‍ കഴുകി വൃത്തിയാക്കുക,ജനലും വാതിലും വെയിലുള്ളപ്പോള്‍ തുറന്ന് വെച്ച് വായു സഞ്ചാരം വര്‍ദ്ധിപ്പിക്കുക. പുകവലി ഉപേക്ഷിക്കുക. പനി, ചുമ, തുമ്മല്‍, ശ്വാസ തടസ്സം എന്നിവ അനുഭവപ്പെടുകയാണെങ്കില്‍ വൈദ്യസഹായം തേടുക എന്നിവയെല്ലാം ഈ കോവിഡ് കാലത്തു കർശനമായി പാലിക്കേണ്ടതാണ്

 

 

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെ ഫേസ്‌ബുക്ക്‌ പേജ് LIKE ചെയ്യുക
https://www.facebook.com/Malayalivartha
Most Read
latest News

ന്യൂസിലൻഡിനെതിരായ ഒന്നാം ക്രിക്കറ്റ് ടെസ്റ്റിന്റെ രണ്ടാം ദിനം... മികച്ച ബാറ്റിങുമായി ഇന്ത്യ...  (13 minutes ago)

സംസ്ഥാനത്ത് ഇന്നും സ്വർണവിലയിൽ വൻ ഇടിവ്... പവന് 3760 രൂപയുടെ കുറവ്    (24 minutes ago)

സങ്കടക്കാഴ്ചയായി... ഇളയ മകന്റെ വിവാഹം നാളെ നടക്കാനിരിക്കെ പിതാവിന്റെ അപ്രതീക്ഷിത വിയോഗം കുടുംബത്തെയും നാടിനെയും കണ്ണീരിലാഴ്ത്തി...  (47 minutes ago)

ഡൽഹിയിലെ ലജ്പത് നഗറിൽ നാലുനില കെട്ടിടത്തിന്റെ ബേസ്മെന്റിലുണ്ടായ തീപിടിത്തം... ഒരു മരണം  (1 hour ago)

ബംഗാൾ ഉൾക്കടലിൽ രൂപം കൊണ്ട് അക്വാൻ തീവ്ര ചുഴലിക്കാറ്റ് ഇന്ന് ഉച്ചയോടെ കരയിലേക്ക്; കാറ്റിന്റെ വേഗത മണിക്കൂറിൽ 90 മുതൽ 110 കിലോമീറ്റർ വരെയാകാൻ സാധ്യത' തീരങ്ങളിൽ അതീവ ജാഗ്രതാ നിർദേശം  (1 hour ago)

പൾസ് പോളിയോ ഇമ്യൂണൈസേഷന്റെ ഭാഗമായി സംസ്ഥാനത്ത്‌ അഞ്ചുവയസ്സിന്‌ താഴെയുള്ള 12.92 ലക്ഷം കുഞ്ഞുങ്ങൾക്ക്‌ ഞായറാഴ്‌ച തുള്ളിമരുന്ന്‌ നൽകും  (1 hour ago)

സംസ്ഥാനത്ത് പല ഇടങ്ങളിലായി ഇഡി റെയ്ഡ്... അഞ്ച് ജില്ലകളിലെ വിവിധ കേന്ദ്രങ്ങളിലാണ് രാവിലെ മുതൽ ഇ.ഡി ഉദ്യോഗസ്ഥര്‍ റെയ്ഡ് ആരംഭിച്ചത്  (1 hour ago)

കർഷകർ വീണ്ടും പ്രതിസന്ധിയിൽ... റബ്ബർ വിലയിൽ കുത്തനെയുള്ള ഇടിവ് കർഷകരെ വീണ്ടും പ്രതിസന്ധിയിലാക്കി  (1 hour ago)

രാജ്യത്തെ കോര്‍പറേറ്റ് മേഖലയ്‌ക്കെതിരെ രൂക്ഷവിമര്‍ശനവുമായി പ്രധാനമന്ത്രി നരേന്ദ്ര മോദി....  (2 hours ago)

ഗുരുവായൂർ ക്ഷേത്രത്തിലെത്തുന്ന ഭക്തരോട് ജീവനക്കാർ ഒരു കാരണവശാലും മോശമായി പെരുമാറരുതെന്നും സഹിഷ്ണുതയോടെ പ്രവർത്തിക്കണമെന്നും ഹൈക്കോടതി  (2 hours ago)

2028ലെ ലോസ് ആഞ്ചലസ് ഒളിമ്പിക്സിന് യോഗ്യത നേടി ഇന്ത്യൻ ട്രാപ് ഷൂട്ടർ വിവാൻ കപൂർ...  (2 hours ago)

ഇന്ത്യക്കെതിരായ ഒന്നാം ക്രിക്കറ്റ് ടെസ്റ്റിന്റെ ആദ്യ ഇന്നിങ്സിൽ ന്യൂസിലൻഡ് 368 റൺസിന് പുറത്ത്...  (3 hours ago)

കണ്ണീർക്കാഴ്ചയായി... പ്ലൈവുഡ് കമ്പനിയിലെ ഡ്രയർ ബെൽറ്റിൽ കുടുങ്ങി ഇതരസംസ്ഥാന തൊഴിലാളി ദമ്പതികളുടെ മകന് ദാരുണാന്ത്യം  (3 hours ago)

നിയന്ത്രണം വിട്ട ബൈക്ക് മതിലിൽ ഇടിച്ച് ബൈക്ക് യാത്രികനായ ഐ ടി ഐ വിദ്യാർത്ഥിക്ക് ദാരുണാന്ത്യം  (3 hours ago)

അക്വാൻ തീവ്ര ചുഴലിക്കാറ്റ് കരയിലേക്ക്..... ബംഗാൾ ഉൾക്കടലിൽ രൂപം കൊണ്ട് അക്വാൻ തീവ്ര ചുഴലിക്കാറ്റ് ഇന്ന് ഉച്ചയോടെ കര തൊടുമെന്ന് കാലാവസ്ഥ വകുപ്പ്... 69 ട്രെയിനുകൾ റദ്ദാക്കി, ഒഡീഷ തീരങ്ങളിൽ അതീവ ജാഗ്രതാ  (3 hours ago)

Malayali Vartha Recommends