മൂന്നു മാസത്തിൽ കൂടുതലായി നിങ്ങളുടെ ശരീരത്തിൽ വേദനകൾ അനുഭവപ്പെടുന്നുണ്ടോ? എങ്കിൽ സൂക്ഷിക്കുക! അറിഞ്ഞിരിക്കേണ്ടത് എന്തെല്ലാം....
മൂന്നു മാസത്തിലധികം നീണ്ടു നിൽക്കുന്ന ശരീര വേദനകൾ ശ്രെദ്ധിക്കുകയും സൂക്ഷിക്കേണ്ടതുമാണ്. ഏറെ വ്യത്യസ്തമായ ലക്ഷണങ്ങളോടു കൂടി കാണപ്പെടുന്ന ഒരു രോഗവും രോഗാവസ്ഥയാണ് ഫൈബ്രോമയാള്ജിയ. പേശിവാതം എന്നും ഈ അസുഖത്തെ സംബോധന ചെയുന്നു. ഈ അസുഖത്തെ കുറിച്ച് ഏറെ കുറെ ആളുകൾക്ക് വലിയ ധാരണ ഇലായിരിക്കും. എങ്കിൽ നിങ്ങൾ ഈ രോഗത്തെ കുറിച്ച അറിയേണ്ടതുണ്ട്.
കേരളത്തില് മൂന്ന് മുതൽ നാല് ശതമാനം ആളുകളില് ഈ രോഗം കണ്ടുവരുന്നു. അതില് ഭൂരിഭാഗവും സ്ത്രീകളാണ്. കോവിഡാനന്തരം ഈ അസുഖത്തില് വര്ധനയുണ്ടായിട്ടുണ്ട്. അകാരണവും വിട്ടുമാറാത്തതുമായ പേശികളുടെയും സന്ധികളുടെയും വേദനയും ക്ഷീണവുമാണ് ഈ രോഗത്തിന്റെ പ്രധാന ലക്ഷണം. മറ്റു വാതരോഗങ്ങളില് നിന്ന് ഇതിനെ വ്യത്യസ്തമാക്കുന്നത് എന്തെന്നാല് മിക്ക രക്ത പരിശോധനാ, സ്കാനിങ് റിപ്പോര്ട്ടുകളിലും ഫൈബ്രോമയാള്ജിയ സാധാരണ നിലയില് ആയിരിക്കും എന്നതാണ്. പല വിഭാഗങ്ങളിലെ ഡോക്ടര്മാരെയും കണ്ട് ശരിയായ രോഗനിര്ണയം നടത്താന് വളരെയധികം കാലതാമസം കണ്ടു വരാറുണ്ട്. അതുകൊണ്ട് ഈ അസുഖമുള്ള രോഗികള് വളരെയധികം കാലം വേദന സഹിക്കേണ്ട സാഹചര്യം കണ്ടുവരുന്നു.
ശരീരത്തിന്റെ ഒരു വശത്തോ ഒരു ഭാഗത്തോ തുടങ്ങി പിന്നീട് ദേഹമാസകലമുള്ള വേദനയായി കാലങ്ങളോളം നില്ക്കുന്നു (Wide spread body pain), ചില പേശികളില് തൊട്ടാല് അതികഠിനമായ വേദനയായി രോഗികള്ക്ക് അനുഭവപ്പെടുന്നു (Trigger point), അകാരണമായ ക്ഷീണം, ചിലര്ക്ക് ഇത് ശരീരത്തില് കഴപ്പായോ പുകച്ചിലായോ തരിപ്പായോ അനുഭവപ്പെടാം, ഒരു കാരണങ്ങളും ഇല്ലാതെ വ്യാകുലത അനുഭവപ്പെടും (Anxiety), വിഷാദം (Depression). നന്നായി ഉറങ്ങിയാലും രാവിലെ ഉന്മേഷമില്ലായ്മ , ഉറക്കക്കുറവ്,ഓര്മക്കുറവ്, ഏകാഗ്രതക്കുറവ്, പുതിയ കാര്യങ്ങള് പഠിക്കാനുള്ള ബുദ്ധിമുട്ട് (Cognitive Dysfunction) എന്നിവയും ഭൂരിഭാഗം രോഗികളിലും കാണപ്പെടുന്നു.
ഫൈബ്രോമയാള്ജിയ രോഗികളില് കണ്ടുവരുന്ന അനുബന്ധ രോഗങ്ങള് ഇനി പറയാൻ പോകുന്നവയാണ്-ചെന്നിക്കുത്ത് (Migraine headache), മൂന്നും നാലും തവണയുള്ള വയറിളക്കം, മലബന്ധം (Irritable Bowel Syndrome - IBS), വേദനയോടു കൂടിയ ആര്ത്തവം, ദീര്ഘകാലം നിലനില്ക്കുന്ന അകാരണമായ ക്ഷീണം (Chronic Fatigue Syndrome) എന്നിവയാണ്. പക്ഷെ, ഇവയില് എല്ലാ ലക്ഷണങ്ങളും ഒരു എല്ലാ രോഗികളിലും കാണണമെന്നില്ല.
ഫൈബ്രോമയാള്ജിയ എങ്ങനെയായാണ് ഒരാളിലേക്ക് ഉണ്ടാകുന്നതെന്നുള്ള കാരണം ഇതുവരെയും വ്യക്തമാക്കാൻ കഴിഞ്ഞിട്ടില്ല. അതിനെ കുറിച്ച പഠനങ്ങൾ നടത്തുന്നതെ ഒള്ളു. എന്നിരുന്നാലും തലച്ചോറില് നിന്നും വേദന നിയന്ത്രിക്കുന്ന ചില രാസപദാര്ത്ഥങ്ങളുടെ (Neuro chemicals) വ്യതിയാനങ്ങള് ഈ രോഗികളില് കണ്ടുവരാറുണ്ട്. അതുപോലെ തന്നെ കേന്ദ്രനാഡീ വ്യവസ്ഥയുടെ വ്യതിയാനങ്ങളും പഠനങ്ങളില് വ്യക്തമാണ്.
പ്രമേഹമോ, അമിത രക്തസമ്മര്ദ്ദമോ പോലെ ഒന്നോ രണ്ടോ ടെസ്റ്റില് കണ്ടുപിടിക്കാന് സാധിക്കുന്ന രോഗമല്ല ഫൈബ്രോമയാള്ജിയ. അനവധ്യങ്ങളായ രോഗലക്ഷണങ്ങള് ഉള്ളതിനാല് പല ഡോക്ടര്മാരെയും കണ്ട് ഒട്ടുമിക്ക ബ്ലഡ് ടെസ്റ്റുകളും സ്കാനിങ് റിപ്പോർട്ടുകളുമായിട്ടായിരിക്കും ഫൈബ്രോമയാള്ജിയ രോഗം വരാറുള്ളത്. എല്ലാ ടെസ്റ്റുകളും ഇവരില് നോര്മല് ആയിരിക്കും എന്നതാണ് ഈ രോഗത്തിന്റെ ഒരു പ്രത്യേകത. അതില് പ്രധാനമായും ESR, CRP മുതലായ നീര്ക്കെട്ടിനെ കാണിക്കുന്ന ടെസ്റ്റുകള് മിക്ക ഫൈബ്രോമയാള്ജിയ രോഗികളിലും നോര്മല് ആയിരിക്കും.
ഫൈബ്രോമയാള്ജിയ പോലെ തോന്നിപ്പിക്കുന്ന മറ്റു അസുഖങ്ങളായ വൈറ്റമിന് ഡി ഡെഫിഷ്യന്സി, ഓസ്റ്റിയോപോറോസിസ്, ഹൈപ്പോതൈറോയ്ഡിസം, മുതലായവ വേര്തിരിച്ചറിയാന് കാല്സ്യം, വൈറ്റമിന് ഡി, ANA test, തൈറോയ്ഡ് ടെസ്റ്റ്, ബോൺ സാക്ൻ തുടങ്ങിയവ ആവശ്യമായി വരാം. സ്കോറിങ് സിസ്റ്റത്തെ അടിസ്ഥാനമാക്കിയാണ് ഫൈബ്രോമയാള്ജിയ എന്ന അസുഖം നിര്ണയിക്കുന്നത്. വ്യാപകമായ വേദന സൂചികയും രോഗ ലക്ഷണങ്ങളുടെ തീവ്രതയും അടിസ്ഥാനപ്പെടുത്തിയാണ് സ്കോറിങ് നിര്ണയിക്കുന്നത്. ഈ ലക്ഷണങ്ങള് മൂന്നു മാസത്തിലധികം നീണ്ടുനിൽക്കുകയാണെങ്കിൽ ഉറപ്പായും ഫൈബ്രോമയാള്ജിയ തന്നെയായിരിക്കും..
ഫൈബ്രോമയാള്ജിയക്ക് പ്രധാനമായും നിര്ദ്ദേശിക്കുന്ന മരുന്നുകളും ഫിസിയോതെറാപ്പിയും സൈക്കോളജിക്കല് തെറാപ്പിയും സമന്വയിപ്പിച്ച രീതിയിലുള്ള ചികിത്സാ രീതിയാണ്. ജീവിതശൈലിയിലെ മാറ്റങ്ങൾ ഒരു പ്രധാനമായ കാര്യം തന്നെയാണ്. നല്ല ഉറക്ക ശീലങ്ങള്, ദിവസേനയുള്ള വ്യായാമം, മാനസിക സമ്മര്ദം കുറയ്ക്കുക, അധിക അളവിലുള്ള കാര്ബോഹൈഡ്രേറ്റ്, ചുവന്ന മാംസം, കൃത്രിമ മധുരങ്ങള് (Artificial sweetners), അമിതമായ ഉപ്പ് എന്നിവയുടെ ഉപയോഗം കുറയ്ക്കുക മുതലായവ മാറ്റങ്ങളുടെ ചില ഉദാഹരണങ്ങളാണ്. ഒരു സൈക്കോളജിസ്റ്റിന്റെ സഹായത്തോടെയുള്ള കൊഗ്നിറ്റീവ് ബിഹേവിയറല് തെറാപ്പിയും ഇതിന്റെ ചികിത്സയില് ആവശ്യമായി വരാം.
പൊതുവായി ഫൈബ്രോമയാള്ജിയ എന്ന രോഗാവസ്ഥയെക്കുറിച്ചുള്ള അവബോധം ഇപ്പോഴും ജനങ്ങളിൽ വളരെ കുറവാണ്. ഈ രോഗാവസ്ഥ നേരത്തെ തിരിച്ചറിഞ്ഞ്, ഒരു റുമറ്റോളജിസ്റ്റിന്റെ സഹായത്തോടെ ഉചിതമായ ചികിത്സകള് തേടിയാൽ പൂര്ണമായും ചികിത്സിച്ചു ഭേദമാക്കാന് സാധിക്കും.
https://www.facebook.com/Malayalivartha