അള്സറിന് കാരണമാകുന്ന ശീലങ്ങള്
സാധാരണമായിക്കൊണ്ടിരിക്കുന്ന ഒരു രോഗമാണ് അള്സര്. മധ്യവയസ്കര്ക്കുമിടയിലാണ് ഈ രോഗം കൂടുതലായി കണ്ടുവരുന്നത്. ആമാശയത്തിനെയും ചെറുകുടലിനെയും അനുബന്ധഭാഗങ്ങളെയുമാണ് രോഗം പ്രധാനമായും ബാധിക്കുക. രോഗത്തിന്റെ പ്രധാന ലക്ഷണം വയറുവേദനയാണ്. പൊക്കിളിനു മുകളിലായി നെഞ്ചിനു താഴെ വലതുഭാഗത്തായി ഇടയ്ക്കിടെ വേദനയുണ്ടാകുന്നുവെങ്കില് അള്സറിന്റെ ലക്ഷണമായി കരുതാം.
ആഹാരം കഴിച്ച് അരമണിക്കൂറിനും ഒരു മണിക്കൂറിനും ഇടയില് ഇടയ്ക്കിടെയും സ്ഥിരമായും ഉണ്ടാകുന്ന വേദനയും ഇതിന്റെ ലക്ഷണമാകാം. ഉറക്കത്തിലുണ്ടാകുന്ന വയറുവേദനയും ശ്രദ്ധിക്കണം. ഇത്തരം ലക്ഷണം കാണുമ്പോള്തന്നെ ഡോക്ടറെ കാണുന്നത് നന്നായിരിക്കും. അള്സറിന് കാരണമാകുന്ന ചില ശീലങ്ങള് ഏതൊക്കെയെന്ന് നോക്കാം.
* ചൂടുള്ള ദോശ എരിവുള്ള ചട്നിയില് ചേര്ത്ത് കഴിക്കുന്നതും ഊണിനൊപ്പം അച്ചാര് തൊട്ടുനക്കുന്നതും പുളിചേര്ത്തരച്ച കറികള് കൂട്ടുന്നതുമൊക്കെ അള്സറിന് കാരണമാകും. ഇവയൊക്കെ മിതമായ അളവില് മത്രം ഭക്ഷണത്തില് ഉള്പ്പെടുത്തുന്നതാണു നല്ലത്.
* ഭക്ഷണം കഴിക്കുമ്പോള് ക്ഷമയോടെ ചവച്ചരച്ചു മാത്രം കഴിക്കുക. ദഹനപ്രക്രിയ വേഗത്തിലാകാനിതുപകരിക്കും. ദഹിക്കാന് സമയമെടുക്കുന്ന ഭക്ഷണങ്ങള് ഒഴിവാക്കുക.
* വയറു നിറയെ ഭക്ഷണം കഴിക്കുന്നത് ഒഴിവാക്കുക. മിതഭക്ഷണവും ഭക്ഷണത്തിനുശേഷം ആവശ്യം വെള്ളവും ശീലമാക്കുക.
* ചായയും കാപ്പിയുമൊക്കെ ഇടയ്ക്ക് ആകാം. പക്ഷേ പരിധിവിട്ട് വേണ്ട. ചായയുടേയും കാപ്പിയുടേയും അമിത ഉപയോഗം അള്സറിന് കാരണമായേക്കാം.
* കറികളില് മസാലക്കൂട്ടുകള് മിതമായ അളവില് ഉപയോഗിക്കുക. പഴങ്ങളും പച്ചക്കറികളും മറ്റു ഭക്ഷണങ്ങളുടെ കൂടെ കഴിക്കുക.
* എണ്ണയില് വറുത്തെടുത്ത ഭക്ഷണങ്ങള് കഴിവതും ഒഴിവാക്കുക. അത് ആമാശയത്തെ ബാധിക്കുക മാത്രമല്ല ഒന്നില് കൂടുതല് രോഗങ്ങള്ക്ക് കാരണമാകുകയും ചെയ്യും.
* എന്തിനും ഏതിനും ടെന്ഷന് മാറ്റുക. അമിത ഉല്കണ്ഠയും മാനസിക സംഘര്ഷങ്ങളും അള്സറിലേക്ക് നയിക്കും.
* നിരന്തരമായ പുകവലിയില് നിന്നും ആമാശയത്തില് വന്നടിയുന്ന വിഷാംശംങ്ങള് നിങ്ങളെ രോഗിയാക്കും.
* അമിതമായ തോതിലുള്ള മദ്യപാനം മദ്യത്തോടൊപ്പം രുചിയ്ക്കായി മദ്യത്തില് കലര്ത്തുന്ന പാനീയങ്ങള് ഇവയെല്ലാം ഒരുമിച്ച് പ്രവര്ത്തിക്കുമ്പോള് ഉണ്ടാകുന്ന വിഷാംശം ഉദരത്തെ രോഗാവസ്ഥയില് എത്തിക്കും.
https://www.facebook.com/Malayalivartha
