പണ്ടുള്ള പഴമക്കാർ അത്താഴമുണ്ട് കഴിഞ്ഞാൽ അരക്കാതം നടക്കണമെന്ന് പറയാറുണ്ട് . എന്തിനാണ് ഇങ്ങനെ പറയുന്നതെന്ന് ആരോഗ്യത്തിന് പ്രാധാന്യം കൊടുക്കുന്നവർ അറിഞ്ഞിരിക്കണം. അത്താഴ ശേഷം നടന്നാലുണ്ടല്ലോ നിരവധി ഗുണങ്ങൾ ഉണ്ട്.

വ്യായാമം ചെയ്യാതിരിക്കുന്നത് ആരോഗ്യത്തിനു ഭയങ്കര ദോഷമാണ് കേട്ടോ . രാവിലെയും വൈകുന്നേരവും വ്യായാമം ചെയ്യാൻ സമയം കിട്ടാത്തവരുമുണ്ട്.

എന്നാൽ രാത്രി ഭക്ഷണം കഴിഞ്ഞ് കുറച്ച് നടന്നാൽ ഈ പരാതിക്ക് പരിഹാരം കാണുവാൻ സാധിക്കും . അത്താഴവും ഉറങ്ങുന്ന സമയവയും തമ്മിലുള്ള ദൈർഘ്യവും കൂട്ടുവാൻ ഇത് സഹായകമാണ്.

ഗുണങ്ങൾ മനസിലാക്കിയ ശേഷം നടക്കാൻ പോകുമല്ലോ അല്ലേ ? എന്തൊക്കെ ഗുണങ്ങളുണ്ട് എന്ന് നോക്കാം;

*നടക്കുമ്പോൾ ശരീരം എൻഡോർഫിൻ ഉൽപ്പാദിപ്പിക്കുകയും ഇത് മാനസികനില മെച്ചപ്പെടുത്തുവാൻ സഹായിക്കുന്നു.

*ദഹനം നല്ല രീതിയിൽ നടക്കാൻ ഈ നടത്തം സഹായകമാണ്.

* രാത്രിയുള്ള നടത്തം സന്തോഷമേകുകയും വിഷാദം അകറ്റുകയും ചെയ്യും.

* സ്‌ട്രെസ് അകറ്റാവുന്നതാണ് .

*അത്താഴം കഴിഞ്ഞിട്ടും ലഘുഭക്ഷണം കഴിക്കുന്നവരാണ് പലരും . അങ്ങനെയുള്ളവർക്കും അത്താഴ ശേഷം നടക്കാവുന്നതാണ് .

*വിശപ്പു കുറയാനും രാത്രി ലഘു ഭക്ഷണം കഴിക്കുന്നത് ഒഴിവാക്കാനും നടത്തം സഹായിക്കും .

* മാനസികാരോഗ്യത്തിനും ഈ ശീലം നല്ലതാണ്.

*ഉറക്ക കുറവുള്ളവർക്കും എല്ലാ ദിവസവും അത്താഴ ശേഷം നടക്കുന്നത് റിലാക്‌സ് ചെയ്യാനും സുഖമായി ഉറങ്ങാനും സഹായിക്കും.

*അത്താഴം കഴിച്ച ശേഷം ഉടനെ കിടക്കരുത് . പകരം പകരം കുറച്ചു നടക്കുക. ഇത് ഉപാപചയ പ്രവർത്തനം മെച്ചപ്പെടുത്തും.

* കൂടുതൽ കാലറി ബേൺ ചെയ്യാനും ഇത് നല്ലതാണ്.

* ദഹനം മെച്ചപ്പെടുത്തുവാനും ശരീരത്തിൽ നിന്ന് ടോക്‌സിനുകളെ പുറന്തള്ളാനും ഇത് സഹായിക്കുന്നു.

* രോഗപ്രതിരോധ ശക്തി വർധിക്കുവാൻ ഇടയാക്കുന്നു .

* ബ്ലഡ് ഷുഗർ ഉയരുന്നത് ഭക്ഷണം കഴിച്ച് അരമണിക്കൂറിനു ശേഷമാണ് . നടക്കുമ്പോൾ ശരീരം ഗ്ലൂക്കോസ് ഉപയോഗിക്കുകയും രക്തത്തിലെ പഞ്ചസാരയുടെ അളവ് കൂടാതെ നിയന്ത്രിക്കപ്പെടുകയും ചെയ്യുവാൻ സഹായിക്കുന്നു.