ഭക്ഷണ കാര്യത്തില്‍ കൂടുതല്‍ ശ്രദ്ധ പുുലര്‍ത്തേണ്ടവരാണ് പ്രമേഹ രോഗികള്‍. ഇവര്‍ക്ക് ഏതൊക്കെ ആഹാരം കഴിക്കാം എന്നുള്ള ത് എപ്പോഴുമുള്ള സംശയമാണ്. അതില്‍ ഉള്‍പ്പെടുന്ന പ്രശ്‌നമാണ് അരിയെ കുറിച്ചുള്ള സംശയങ്ങള്‍. എന്നാല്‍, ചുവന്ന അരിയാണോ വെള്ള അരിയാണോ പ്രമേഹ രോഗികളുടെ ആരോഗ്യത്തിന് നല്ലത് എന്ന ചോദ്യത്തിനുള്ള ഉത്തരമാണ് ഇപ്പോള്‍ ഡയറ്റീഷ്യന്‍മാര്‍ പറയുന്നത്.

വെള്ള അരിയേക്കാള്‍ ചുവന്ന അരി കഴിക്കുന്നതാണ് പ്രമേഹ രോഗികള്‍ക്ക് നല്ലത് എന്നാണ് ഡയറ്റീഷ്യന്‍മാര്‍ പറയുന്നത്. രണ്ടിലും കാര്‍ബോഹൈട്രേറ്റും പ്രോട്ടീനും അടങ്ങിയിട്ടുണ്ട്. ഫൈബര്‍ കൂടുതല്‍ അടങ്ങിയിരിക്കുന്നത് ചുവന്ന അരിയിലാണ്. 100 ഗ്രാം ചുവന്ന അരിയില്‍ നിന്നും 1.8 ഗ്രാം ഫൈബര്‍ ലഭിക്കുമ്‌ബോള്‍, അതേ അളവിലുള്ള വെള്ള അരിയില്‍ നിന്നും 0.4 ഗ്രാം ഫൈബര്‍ മാത്രമാണ് ലഭിക്കുന്നത്.

കൂടാതെ വെള്ള അരിയേക്കാള്‍ ഗ്ലൈസമിക് സൂചിക കുറവാണ് ചുവന്ന അരിയില്‍. വേവിച്ച ചുവന്ന അരിയുടെ ഗ്ലൈസമിക് സൂചിക 68 ആണ്. അതേസമയം വെള്ള അരിയുടേത് 73 ആണ്- അത് ഉയര്‍ന്ന ഗ്ലൈസമിക് സൂചികയുളള ഭക്ഷണമായാണ് കാണുന്നത്.

ചുവന്ന അരിയില്‍ ധാരാളം പോഷകങ്ങളും അടങ്ങിയിട്ടുണ്ട്. ഫൈബര്‍ ധാരാളം അടങ്ങിയിട്ടുള്ളതിനാല്‍ ഇവ ശരീരഭാരം കുറയ്ക്കാന്‍ ആഗ്രഹിക്കുന്നവര്‍ക്കും നല്ലതാണ്. ഫൈബര്‍ ധാരാളം അടങ്ങിയിട്ടുള്ളതിനാല്‍ ചുവന്ന അരി വിശപ്പിനെ നിയന്ത്രിക്കും.