വിയര്‍പ്പ് നാറ്റം കാരണം പ്രശ്നങ്ങള്‍ അനുഭവിക്കുന്നവര്‍ ധാരാളമാണ്. ചില ആളുകൾക്ക് ഇത് കാരണം പൊതു സ്ഥലങ്ങളിൽ പോകാൻ പോലും മടിപ്പാണ്. ഇതിന് പരിഹാരമായി പല വഴികളും നാം സ്വീകരിക്കാറുമുണ്ട്. അമിതമായി വിയര്‍ക്കുന്നത് വിയര്‍പ്പ് നാറ്റമുണ്ടാക്കുന്നു. അമിതമായി മധുര പദാര്‍ത്ഥങ്ങള്‍ കഴിക്കുന്നത് വിയര്‍ക്കുന്നതിനു വിയര്‍പ്പ് നാറ്റത്തിനും കാരണമാകുന്നു.

ഇറുകിയ വസ്ത്രങ്ങള്‍ ചൂടുള്ള സമയത്ത് ധരിക്കുന്നതും ഇത്തരം പ്രശ്നങ്ങള്‍ ഉണ്ടാകാന്‍ കാരണമാകുന്നു. കുളി കഴിഞ്ഞാലുടന്‍ പൗഡര്‍ ഉപയോഗിക്കുന്നത് ചിലരുടെ ശീലമാണ്. ഇത്തരത്തില്‍ അമിതമായി പൗഡര്‍ ഉപയോഗിക്കുന്നതും വിയര്‍പ്പു നാറ്റം ഉണ്ടാകുന്നതിന് കാരണമാകുന്നു.

ഇതിന് പരിഹാരമായി രാസവസ്തുക്കളെ ആശ്രയിക്കുന്നതിനു പകരമായി വീട്ടില്‍ തന്നെയുള്ള വസ്തുക്കള്‍ ഉപയോഗിക്കുന്നതാണ് നല്ലത്. വിയര്‍പ്പു കൊണ്ടുണ്ടാകുന്ന പ്രശ്നങ്ങള്‍ക്ക് പരിഹാരമാണ് നാരങ്ങ. കുളിക്കാനുള്ള വെള്ളത്തില്‍ നാരങ്ങ നീര് ചേര്‍ത്ത് കുടിക്കുന്നത് വിയര്‍പ്പ് നാറ്റം മാറാന്‍ നല്ലതാണ്. അതുപോലെ ധാരാളം വെള്ളം കുടിക്കുന്നതും വിയര്‍പ്പ് നാറ്റത്തിന് പരിഹാരമാണ്.