പലരെയും കൂര്‍ക്കം വലി അലട്ടാറുണ്ട്. കൂര്‍ക്കം വലികൊണ്ട് എന്തെങ്കിലും പ്രശ്‌നങ്ങളുണ്ടോ എന്ന് ചോദിച്ചാല്‍ ഇല്ല. പക്ഷെ ചിലപ്പോഴൊക്കെ അതൊരു പ്രശ്‌നമാകാറുണ്ട്. ഒപ്പം കിടന്നുറങ്ങുന്നവരുടെ കളിയാക്കലിനും അരിശത്തിനുമപ്പുറം ഇത് ഗുരുതരമായ ആരോഗ്യപ്രശ്‌നങ്ങളുണ്ടാക്കിയേക്കാം. ഇങ്ങനെ പ്രശ്‌നങ്ങളുണ്ടാക്കുന്ന കൂര്‍ക്കംവലിയെ പറയുന്ന പേരാണ് 'ഒബ്‌സ്ട്രക്റ്റീവ് സ്ലീപ് അപ്നിയ'.ഓര്‍മശക്തിയും സംസാരശേഷിയും പൂര്‍ണമായ് വീണ്ടെടുത്തു,

കൂര്‍ക്കം വലിയുണ്ടാകാനുള്ള പ്രധാന കാരണം തൊണ്ടയുടെ മുകള്‍ഭാഗത്തുള്ള ദശകളുടെ അമിതമായ വളര്‍ച്ചയാണ്. എന്തെങ്കിലും അസുഖങ്ങള്‍ മൂലം ഈ ഭാഗത്തുള്ള മസിലുകള്‍ക്ക് തകരാറുണ്ടായാല്‍ ആഹാരം കഴിക്കുമ്പോള്‍ പോലും പ്രശ്‌നങ്ങളുണ്ടായേക്കാം. സാധാരണഗതിയില്‍ അമിതമായ ശരീരഭാരം ഉള്ളവരിലാണ് കൂര്‍ക്കം വലിയും അതിനോടനുബന്ധിച്ച പ്രശ്‌നങ്ങളും ഉണ്ടാകുന്നത്.

സാധാരണ നമ്മളെല്ലാവരും ഉറങ്ങുമ്പോള്‍ ശ്വാസകോശത്തിലെ മസിലുകള്‍ റിലാക്‌സ് ചെയ്യും. എന്നാല്‍ ഇത്തരക്കാരില്‍ ഈ മസിലുകള്‍ റിലാക്‌സ് ചെയ്യുമ്പോള്‍ ഇവ ശ്വാസനാളത്തെ മൂടുന്നത് കാരണമാണ് കൂര്‍ക്കം വലി ഉണ്ടാകുന്നത്. ഗാഢമായ ഉറക്കത്തിലെത്തുമ്പോള്‍ മസിലുകള്‍ കൂടുതല്‍ റിലാക്‌സ് ചെയ്യുകയും ശ്വാസനാളം കൂടുതല്‍ അടയുകയും ചെയ്യുന്നു. ഇത് മൂലമാണ് കൂര്‍ക്കം വലിയുടെ ശബ്ദം കൂടുന്നത്.

ഈ അസുഖത്തിനുള്ള പ്രതിവിധി ആദ്യംതന്നെ അമിതഭാരം കുറയ്ക്കുക എന്നതാണ്. ശരിയായ ആഹാരരീതി പിന്‍തുടരുന്നതും വ്യായാമം ചെയ്യുന്നതിലൂടെയും കൂര്‍ക്കം വലി കുറയ്ക്കാന്‍ സഹായിക്കും. ഇതിനോടൊപ്പമാണ് മറ്റ് ചികിത്സകള്‍ തുടരേണ്ടത്.