ഹൃദയത്തെ സംരക്ഷിക്കാന് ബദാം
ബദാം കഴിക്കുകയാണെങ്കില് നമ്മുടെ ഹൃദയം എപ്പോഴും ആരോഗ്യത്തോടെയിരിക്കും. ബദാമിലുള്ള ആന്റിഓക്സിഡന്റ്സ് സുഗമമായ രക്തപ്രവാഹം സാധ്യമാക്കുന്നു. അതിനാല് ഉയര്ന്ന രക്തസമ്മര്ദ്ദമുണ്ടാകുന്നുമില്ല.
ആരോഗ്യത്തിനാവശ്യമായ കൊഴുപ്പിനാല് സംപുഷ്ടമാണ് ബദാം. അതിനാല് തന്നെ നമുക്ക് പൂര്ണതൃപ്തിയും ലഭിക്കും മാത്രമല്ല വൈറ്റമിനുകളും മിനറലുകളും അടങ്ങിയിട്ടുണ്ട്. ഇവ കാര്ബോഹൈഡ്രേറ്റുകളുടെ തോതും ശരീരഭാരവും നിയന്ത്രിക്കും. മാംഗനീസ്, കോപ്പര്, മഗ്നീഷ്യം, ബി കോംപ്ലക്സ് വൈറ്റമിനുകളായ നിയാസിന്, ബയോടിന് എന്നിവ ഉള്ളതിനാല് ശരീരത്തിനാവശ്യമായ എനര്ജിയും പ്രദാനം ചെയ്യാന് ബദാമിനു സാധിക്കുന്നുണ്ട്. ശരീരം വളരെ പ്രവര്ത്തന ക്ഷമമായി നിലനില്ക്കുകയും ചെയ്യും
കോശങ്ങള് നശിക്കുന്നതു തടയുന്ന വൈറ്റമിന് ഇ യും ഇതില് നിന്നു ലഭിക്കും.
ശരീരത്തില് വെയില് ഏല്കുന്നതു മൂലമുള്ള പ്രശ്നങ്ങള് പരിഹരിക്കുന്നതിനും ഇത് ഉത്തമമാണ്. ഓര്മശക്തി വര്ദ്ധിപ്പിക്കുന്ന വൈറ്റമിന് ഇയും ഇതില് സുലഭമാണ്. തലച്ചോറിലെ കോശങ്ങള് തമ്മിലുള്ള ആശയവിനിമയം വര്ദ്ധിപ്പിക്കാനും വൈറ്റമിന് ഇ സഹായിക്കുന്നു.
https://www.facebook.com/Malayalivartha
