ഹാഗിയ സോഫിയ: ചരിത്രം തിരുത്തിയ നിര്മിതി
'ശില്പവിദ്യയിലെ ചരിത്രം തിരുത്തിയ നിര്മിതി!' തുര്ക്കിയിലെ ഇസ്താംബൂളിലുള്ള ഹാഗിയ സോഫിയ എന്ന ലോകപ്രശസ്ത മ്യൂസിയത്തെ വിശേഷിപ്പിക്കുന്നത് ഇങ്ങനെയാണ് .
ലോകത്തിലെ ഏറ്റവും വലിയ താഴികക്കുടങ്ങളുള്ള കെട്ടിടങ്ങളില് ഒന്നാണ് ഹാഗിയ സോഫിയ. ഒരു കൂറ്റന് താഴികക്കുടവും അതിന് ഇരുവശങ്ങളിലുമായി രണ്ട് ചെറിയ താഴികക്കുടങ്ങളുമാണ് ഇതിന്റെ പ്രത്യേകത. മൊസൈക്കുകൊണ്ട് ചിത്രപ്പണിചെയ്ത ചുവരുകളാണ് മറ്റൊരു ആകര്ഷണം.
കോണ്സ്റ്റാന്റിനോപ്പിളിലെ ബൈസാന്റിയന് നിര്മിതികളില് ഏറ്റവും പ്രധാനപ്പെട്ട ഈ കെട്ടിടം ആറാം നൂറ്റാണ്ടില് (എ.ഡി 537 ) നിര്മിച്ചതാണ്. ജസ്റ്റീനിയന് ഒന്നാമന് ചക്രവര്ത്തിയുടെ കാലത്താണ് ഇത് നിര്മിച്ചത്.
ആദ്യ കാലത്ത് ഒരു കത്തീഡ്രലായിരുന്നു ഹാഗിയ സോഫിയ. ' ചര്ച്ച് ഓഫ് ദ് ഹോളി വിസ്ഡം' എന്ന് ഇതറിയപ്പെട്ടു. 1453-ല് ഓട്ടോമന് സാമ്രാജ്യം കോണ്സ്റ്റാന്റിനോപ്പിള് കീഴടക്കിയതോടെ ഹഗിയ സോഫിയയെ ഒരു മോസ്ക് ആക്കിമാറ്റി. കെട്ടിടത്തിലുണ്ടായിരുന്ന പല ചിത്രപ്പണികളും നശിപ്പിക്കപ്പെട്ടു. പില്ക്കാലത്ത് ഈ കെട്ടിടം ഒരു മ്യൂസിയമായി മാറി.
1985-ല് ഇസ്താംബൂളിലെ ചരിത്രസ്മാരകങ്ങളോടൊപ്പം ഹഗിയ സോഫിയയെയും യുനെസ്കോ വേള്ഡ് ഹെറിറ്റേജ് സൈറ്റില് ഉള്പ്പെടുത്തി.
https://www.facebook.com/Malayalivartha
