ലണ്ടനിലെ ബിഗ് ബെന്‍ എന്ന ലോക പ്രശസ്ത ഘടികാരത്തിന്റെ മണിനാദമാണ് അടുത്താഴ്ച നിലയ്ക്കാന്‍ പോകുന്നത്. പത്തൊന്‍പതാം നൂറ്റാണ്ടില്‍ നിര്‍മിച്ച ഭീമന്‍ ക്ലോക്ക് ടവറില്‍ അറ്റകുറ്റപ്പണി നടക്കുന്നതിനാലാണ് മണിനാദം നാലുവര്‍ഷത്തേക്കു നിര്‍ത്തുന്നത്. വരുന്ന തിങ്കളാഴ്ച ഉച്ചയ്ക്കാണ് അവസാന നാദം മുഴങ്ങുക.

157 വര്‍ഷമായി മണിക്കൂര്‍ തോറും മണിമുഴക്കുന്ന ബിഗ് ബെന്‍, 2007 ലാണ് അറ്റകുറ്റപ്പണിക്കിടെ കുറച്ചുകാലം നിര്‍ത്തിവച്ചത്. എന്നാല്‍, ക്ലോക്കിന്റെ മണിനാദം നാലുവര്‍ഷത്തേക്കു നിര്‍ത്തിവയ്ക്കാനുള്ള തീരുമാനത്തില്‍ പ്രധാനമന്ത്രി തെരേസ മേയ്ക്കു പുറമേ ഒട്ടേറെ എംപിമാരും എതിര്‍പ്പുമായി രംഗത്തെത്തിയിട്ടുണ്ട്. ടവറില്‍ അറ്റകുറ്റപ്പണി ചെയ്യുന്ന തൊഴിലാളികളുടെ സുരക്ഷ മുന്‍നിര്‍ത്തിയാണ് മണിനാദം നിര്‍ത്തുന്നത്.