മുഖം നോക്കി എല്ലാം പറയാന്‍ കഴിയും എന്നാണ് ഈ രംഗത്തുള്ളവര്‍ പറയുന്നത് മുഖത്തിന്റെ ആകൃതിയും ലക്ഷണവും നോക്കിയാല്‍ ഭാവിയില്‍ പലപ്പോഴും നമ്മുടെ സാമ്പത്തിക സ്ഥിതി എങ്ങനെയാകും എന്നും പ്രവചിക്കാന്‍ കഴിയും.

വൃത്താകൃതിയില്‍ മുഖമുള്ള സ്ത്രീ അറിവുള്ളവരായിരിക്കും. അണ്ഡാകൃതിയിലുള്ള സ്ത്രീ സമ്പന്നയായിരിക്കും എന്നും പറയുന്നു. മുഖത്തിന്റെ ഘടനയില്‍ ഏതെങ്കിലും തരത്തിലുള്ള പ്രശ്‌നങ്ങള്‍ ഉണ്ടെങ്കില്‍ അതു നിങ്ങള്‍ക്കുണ്ടാകാന്‍ സാധ്യതയുള്ള പ്രതിസന്ധികളെയാണു സൂചിപ്പിക്കുന്നത്. ഉയര്‍ന്ന നെറ്റി നിങ്ങള്‍ സമ്പന്നനാകും എന്നതിന്റെ സൂചനയാണ്. മാത്രമല്ല അവരുടെ ജീവിതം അധികാരവും ശക്തിയും നിറഞ്ഞതായിരിക്കും.

നെറ്റിയില്‍ മറുകുണ്ടെങ്കില്‍ അതു ദൗര്‍ഭാഗ്യമായി പറയുന്നു. പുരുഷന്മാരുടെ തടിച്ച മൂക്ക് അവര്‍ പണക്കാരനാകുമെന്നതിന്റെ സൂചനയായി പറയുന്നു. ഇവര്‍ക്കു ഭാഗ്യവും ഉണ്ടാകും. മേല്‍ച്ചുണ്ടിന്റെ അറ്റത്തായി മുത്തുപോലെ തടിച്ചു കാണുന്നുണ്ടെങ്കില്‍ അതു ഭാഗ്യലക്ഷണമാണ്. ഇവര്‍ക്ക് ജീവിതത്തില്‍ എന്നെങ്കിലും സാമ്പത്തിക ഉന്നമനം ഉണ്ടാകും.

നനവുള്ള ചുണ്ടുകള്‍ സമ്പത്തു നിങ്ങളെ തേടിവരും എന്നതിന്റെ സൂചനയാണ്. കറുത്തതല്ലാത്ത മറുകുകള്‍ വായ്ക്കു സമീപം ഉണ്ടെങ്കില്‍ അതും ഭാഗ്യമായി കണക്കാക്കുന്നു. ഉറച്ച താടിയെല്ലുകളും തിളക്കമുള്ള കവിളുകളും സമ്പത്തിന്റയും ഭാഗ്യത്തിന്റെയും ലക്ഷണമാണ്. തുടുത്ത കവിള്‍തടങ്ങളും വലിയ ചെവികളും സമ്പത്ത് തേടിയെത്തുന്നതിന്റെ സൂചനയാണ്.