ഹൃദയാരോഗ്യത്തിനും ചക്ക
വിറ്റാമിനുകള്, ധാതുക്കള്, ഇലക്ട്രോളൈറ്റുകള്, ഫൈറ്റോ ന്യൂട്രിയന്റുകള്, കാര്ബോഹൈഡ്രേറ്റുകള്, നാരുകള്, കൊഴുപ്പ്, പ്രോട്ടീന് തുടങ്ങി മനുഷ്യശരീരത്തിനാവശ്യമായ ഒട്ടുമിക്ക പോഷകങ്ങളും ചക്കയിലുണ്ട്
ചക്ക രക്തസമ്മര്ദ്ദം നിയന്ത്രിക്കാന് സഹായിക്കുന്നു. ഇതുകൊണ്ടു തന്നെ ഹൃദയാരോഗ്യത്തിനും ഉത്തമമാണ്. ചക്കപ്പഴത്തിലെ വിറ്റാമിന് ബി ആണ് ഹൃദയത്തിനു സംരക്ഷണം നൽകുന്നത്. ഉയര്ന്ന രക്തസമ്മര്ദം കുറയ്ക്കുന്നതിനു സഹായകമായതിനാൽ സ്ട്രോക്ക്, ഹൃദയരോഗങ്ങള് എന്നിവയ്ക്കുളള സാധ്യത കുറയ്ക്കുന്നു.
തികച്ചും കൊളസ്ട്രോള് രഹിതമാണ് ചക്ക. കൊഴുപ്പ് ഇല്ല എന്നതുകൊണ്ടു തന്നെ വണ്ണം കുറയ്ക്കാന് ആഗ്രഹിക്കുന്നവര്ക്ക് അനുയോജ്യവുമാണ്. മറ്റ് പഴങ്ങളെ അപേക്ഷിച്ച് കൂടുതല് അളവില് നാരുകള് അടങ്ങിയിരിക്കുന്നതിനാല് ദഹന പ്രക്രിയ സുഗമമാക്കും. വയറിളക്കത്തിനും മലബന്ധത്തിനും ആശ്വാസമേകും.
വിളര്ച്ച തടയുന്നതിനും തൈറോയ്ഡ് ഗ്രന്ഥിയുടെ മെച്ചപ്പെട്ട പ്രവര്ത്തനത്തിനും ചക്ക കഴിച്ചാൽ മതി. ചക്കയിൽ അടങ്ങിയിരിക്കുന്ന ഇരുമ്പും കോപ്പറുമാണ് ഇതിനു കാരണം
ചക്കപ്പഴത്തിലെ വിറ്റാമിന് എ പോലെയുളള ആന്റിഓക്സിഡന്റുകള് കാîഴ്ചശക്തി മെച്ചപ്പെടുത്തുന്നു. തിമിരസാധ്യത കുറയ്ക്കുന്നു. മാകുലാര് ഡിഡനറേഷനില് നിന്നു കണ്ണുകള്ക്കു സംരക്ഷണം നല്കുന്നു. റെറ്റിനയുടെ ആരോഗ്യം നിലനിര്ത്തുന്നു.
ചക്കപ്പഴത്തിലുളള പൊട്ടാസ്യം ശരീരത്തിലെ ഫ്ളൂയിഡ്, ഇലക്ട്രോളൈറ്റ് നില സന്തുലനം ചെയ്യുന്നതിനു സഹായകം. ശരീരത്തിലെ സോഡിയത്തിന്റെ അളവു നിയന്ത്രിക്കുന്നു. എല്ലുകളുടെ നാശം തടയുന്നതിനും പേശികള്, നാഡികള് എന്നിവയുടെ ആരോഗ്യത്തിനും പൊട്ടാസ്യം സഹായകം. ചക്കപ്പഴത്തിലെ മാംഗനീസ് രക്തത്തിലെ പഞ്ചസാരയുടെ അളവു നിയന്ത്രിക്കുന്നതിനു സഹായകം.
ചക്കപ്പഴത്തിലെ ഫൈറ്റോ ന്യൂട്രിയന്റുകള് ചര്മസംരക്ഷണത്തിനു സഹായകം. കാല്സ്യത്തിന്റെ ആഗിരണത്തിനു സഹായകമായ മഗ്നീഷ്യം ചക്കപ്പഴത്തില് അടങ്ങിയിരിക്കുന്നു.
ചക്കപ്പഴത്തിലെ കാല്സ്യം ഉള്ളതിനാൽ മുറിവുകളുണ്ടാകുമ്പോൾ രക്തം കട്ട പിടിക്കുന്നതിനു സഹായകമാണ് . എല്ലുകളുടെയും പല്ലുകളുടെയും വളര്ച്ചയ്ക്കും കരുത്തിനും ആവശ്യമായ കാല്സ്യം കാക്ക കഴിക്കുന്നവർക്ക് ലഭിക്കും പ്രായമായവരിലുണ്ടാകുന്ന ഓസ്റ്റിയോപൊറോസിസ് എന്ന എല്ലുരോഗം തടയുന്നതിനും ചക്കയി അടങ്ങിയിരിക്കുന്ന കാൽസിയം സഹായിക്കുന്നു
https://www.facebook.com/Malayalivartha
