ചിലവ് കുറവും കാഴ്ചയ്ക്കൊരു വ്യത്യസ്തതയുമാണ്  ടെറാക്കോട്ട ടൈലുകളുടെ പ്രത്യേകത.അതുകൊണ്ട് തന്നെ ചിലർ വീടിനുള്ളിൽ ചില ഭാഗങ്ങൾ തിരഞ്ഞെടുത്ത് ടെറാക്കോട്ട ടൈലുകൾ പാകാൻ ശ്രമിക്കാറുണ്ട്.പരിസ്ഥിതി സൗഹാർദവും ആരോഗ്യത്തിനു ചേരുമെന്നതുമെന്ന വിശേഷണത്തിന് ഏറ്റവും യോജിച്ചതാണ് ടെറാക്കോട്ട. മണ്ണിന്റെ നിറത്തിലും ഓറഞ്ചു നിറത്തിലും എല്ലാം ഇത് ലഭ്യമാണ്. കൂടുതൽ നിറങ്ങളിൽ ഇത് കിട്ടില്ല  എന്നതാണ് ഇതിന്റെ ഒരു കുറവായി കണക്കാക്കുന്നത്.എന്നാൽ നമുക്ക് ഇത് വീടുകളിലേക്കായി പല തര൦  ഡിസൈനുകളിൽ തിരഞ്ഞെടുക്കാൻ കഴിയും. ഇതിനു മറ്റൊരു സവിശേഷത കൂടിയുണ്ട് ടെറാക്കോട്ട ടൈലുകൾ കരയും ഈർപ്പവും വലിച്ചെടുക്കുന്നു. അതിനാൽ ബാത്റൂമിലും അടുക്കളയിലും ഇത്തരം ടൈലുകൾ ഉപയോഗിക്കാതിരിക്കുന്നതാകും നല്ലത്.ഈടുനിക്കുന്ന ടെറാക്കോട്ട  ടൈലുകൾ മിനുക്കിയെടുക്കാൻ സാധിക്കുന്നതാണ്.വാക്സ് ചെയ്യുന്നതോടെ തിളക്കം വർധിക്കുകയും ചെയ്യുന്നു. ഇത്തരം ടൈലുകൾക്ക് 30 രൂപമുതൽ മുകളിലോട്ടാണ് വില.