നെതര്‍ലന്‍ഡ്‌സിലെ ആര്‍ക്കിടെക്ചറല്‍ ഡിസൈനര്‍ റോബര്‍ട്ട് വാന്‍ എംബ്രിക്കിന്റെ പ്രശസ്തമായ ഡിസൈനാണ് റൈസിങ് ടേബിള്‍. പരന്നു നിരപ്പായ തടിക്കഷണം ആവശ്യാനുസരണം മേശയാക്കി മാറ്റാം.

ഒരൊറ്റ കഷ്ണം ബാംബൂ വെനീര്‍ പ്ലൈ കൊണ്ടാണ് ഇത് നിര്‍മിച്ചിരിക്കുന്നത്. ബാംബൂ കൊണ്ട് മെടഞ്ഞെടുത്ത മധ്യഭാഗവും അവിടെ നിന്ന് ഒഴുകിയിറങ്ങുന്ന കാലുകളുമാണ് ഇതിന്റെ ഹൈലൈറ്റ്. നടുവിലെ കുഴിവില്‍ ഭംഗിയുള്ള സാധനങ്ങള്‍ വയ്ക്കാം.

ഭാരം കുറഞ്ഞതും കൈകാര്യം ചെയ്യാന്‍ എളുപ്പമുള്ളതുമാണ് ഇത് എന്നതാണ് ഇതിന്റെ പ്രത്യേകതകള്‍. ഫ്‌ലൂയിഡ് ഡിസൈനിന്റെ മനോഹാരിതയാണ് ഈ ഫര്‍ണിച്ചറില്‍ നിറഞ്ഞു നില്‍ക്കുന്നത്.

സൗന്ദര്യവും കാര്യക്ഷമതയും ഒത്തിണങ്ങിയ ഈ ഡിസൈനിന് റെഡ് ഡോട്ട് ഡിസൈന്‍ അവാര്‍ഡ് ഉള്‍പ്പെടെ ഒട്ടേറെ പുരസ്‌കാരങ്ങള്‍ ലഭിച്ചിട്ടുണ്ട്.