സ്ത്രീകൾ നേരത്തെ വിവാഹം കഴിക്കണം എന്ന് പറയുന്നതിന് പിന്നിൽ നിരവധി കാര്യങ്ങളുണ്ട്. അതിൽ അവരുടെ വരും തലമുറകൾക്ക് വേണ്ടിയും, ഭാവിയ്ക്ക് വേണ്ടിയും ആണ്. കാരണം സ്ത്രീകൾക്ക് പൊതുവെ 30 വയസിനു ശേഷമുണ്ടാകുന്ന കുട്ടികൾക്ക് ആരോഗ്യവും ബുദ്ധിവികാസവും മറ്റു കുട്ടികളെ അപേക്ഷിച്ച് കുറവായിരിക്കും എന്ന പഠനത്തിന്റെ പുറത്ത് കൂടിയാണ്. ഇത് ഒരു പരിധിവരെ ശരിയാണ്.

അതേസമയം പുരുഷമർക്ക് യൗവ്വനം കഴിഞ്ഞുണ്ടാകുന്ന കുട്ടികളുടെ ആരോഗ്യത്തെ കുറിച്ച് ആരും അധികം ചിന്തിച്ചിട്ടുണ്ടാകില്ല എന്നുള്ളതും മറ്റൊരു സത്യമാണ്. ഇതിനെ കുറിച്ച് യുഎസിലെ സ്റ്റാന്‍ഫോര്‍ഡ് യൂണിവേഴ്സിറ്റി നടത്തിയ പുതിയ പഠനങ്ങള്‍ സൂചിപ്പിക്കുന്നത് അതാണ്. സ്ത്രീകളുടെ പ്രായം പോലെ തന്നെ പുരുഷന്‍മാരുടെ പ്രായവും പ്രധാനമാണെന്നാണ് ഇവരുടെ പഠനം പറയുന്നത്.

ഇത് പ്രകാരം പറയുന്നത് പ്രായക്കൂടുതലുള്ള പുരുഷന്മാരില്‍ ജനിക്കുന്ന കുഞ്ഞുങ്ങളില്‍ ആരോഗ്യ പ്രശ്നങ്ങളെ കൂടാതെ വളര്‍ച്ച കുറവും ഒപ്പം തൂക്ക കുറവും ഉണ്ടാകുമെന്നാണ്. പ്രത്യേകിച്ച് 45 വയസ്സിന് മുകളില്‍ പ്രായമുളള പുരുഷന്മാര്‍ക്ക് ജനിക്കുന്ന കുഞ്ഞുങ്ങളില്‍ വളര്‍ച്ച കുറവിനുളള സാധ്യത 14 ശതമാനം ആണെന്നാണ് തെളിയിച്ചിട്ടുള്ളത്. ഇത് നാല് കോടിയിലധികം കുഞ്ഞുങ്ങളിൽ നടത്തിയ പഠനം വ്യക്തമാക്കുന്നുമുണ്ട്. കൂടാതെ ഈ പ്രായം പുരുഷന്മാരിൽ 55 വയസ്സിന് മുകളില്‍ ആകുമ്പോൾ അവരുടെ കുഞ്ഞിനെ ഗര്‍ഭം ധരിക്കുന്ന സ്ത്രീകളില്‍ പ്രമേഹസാധ്യത വർദ്ധിക്കുമെന്നും ഈ പഠനം സൂചിപ്പിക്കുന്നു.