കർക്കിടകം ദുർക്കിടം എന്നാണ് പറയാറുള്ളത്. മാത്രമല്ല ശരീരം മടിപിടിച്ചിരിക്കുന്ന കാലമാണ് കർക്കിടകം. ഈ സമയത്ത് ചുരുണ്ടുകൂടി കിടന്നുറങ്ങാനാണ് ഏറെ പേർക്കും താത്‌പര്യം. അതിനാൽ തന്നെ ഈ സമയത്തെ മടിയും ഉത്സാഹക്കുറവും ശരീരത്തിന്റെ മാത്രമല്ല,​ മനസിന്റെയും ഉന്മേഷം കെടുത്തും.

അതുകൊണ്ട് കർക്കിടകത്തിൽ വ്യായാമം മുടക്കരുത്. കാരണം വ്യായാമക്കുറവ് ദഹനപ്രശ്നങ്ങൾ സൃഷ്‌ടിക്കുകയും, രക്തചംക്രമണം കുറയുന്നത് വാതസംബന്ധമായ രോഗങ്ങളുണ്ടാക്കുന്നു. ഈ സമയത്ത് നല്ല ആഹാരക്രമീകരണത്തിനൊപ്പം വ്യായാമവും ചേർന്നാലെ കർക്കിടകത്തിൽ ആരോഗ്യത്തോടെ ഇരിക്കാനാവൂ. അതുകൊണ്ട് തന്നെ ഓരോരുത്തരുടേയും ശാരീരികക്ഷമത അനുസരിച്ചുള്ള വ്യായാമം ചെയ്യുക.

അതേസമയം മഴക്കാലമായതിനാൽ നടക്കാൻ സാധിക്കാത്തതിനാൽ വീടിനുള്ളിൽ ചെയ്യാവുന്ന വ്യായാമങ്ങൾ പിന്തുടരാൻ ശ്രദ്ധിക്കേണ്ടത് അനിവാര്യമാണ്. ശുദ്ധവായു ലഭിക്കത്തക്ക വിധത്തിൽ വീട്ടിൽ സൗകര്യപ്രദമായ സ്ഥലം തിരഞ്ഞെടുത്ത് യോഗ ചെയ്യാം. അതുപോലെ ശരീരത്തിന് മാത്രമല്ല,​ മനസിന്റെയും ആലസ്യംഅകറ്റി ഉന്മേഷത്തോടെയും ശാന്തമായും ഇരിക്കാൻ യോഗ സഹായിക്കും. മാത്രമല്ല മഴക്കാലത്ത് യോഗ മുടക്കാതിരിക്കുക.