വീട് വയ്ക്കുമ്പോള്‍ തന്നെ വീടുകളുടെ ചുവരുകളും വീടിന്റെ മേല്‍ക്കൂരയും സംരക്ഷിക്കുന്നതില്‍ പ്രത്യേകം ശ്രദ്ധ നല്‍കണം. അല്ലെങ്കില്‍ ഇത് പിന്നീട് കൂടുതല്‍ പണച്ചെലവിലേക്ക് എത്തിക്കുകയും ചെയ്യും. കോണ്‍ക്രീറ്റ് ചെയ്ത വീടുകളുടെ നിര്‍മാണഘട്ടത്തില്‍ത്തന്നെ വേണം വാട്ടര്‍ പ്രൂഫ് ചെയ്യാന്‍. അതും കമ്പനിയുടെ ആളുകളെക്കൊണ്ട് കൃത്യമായി ഓരോ ഉല്‍പന്നവും നിഷ്‌കര്‍ഷിക്കുന്ന അളവില്‍ വാട്ടര്‍പ്രൂഫിങ് നടത്തണം. ഇല്ലെങ്കില്‍ ആദ്യ മഴയില്‍ത്തന്നെ വീടിനകത്ത് ഈര്‍പ്പം തട്ടാനുള്ള സാധ്യത ഏറെയാണ്. റൂഫ് ഏരിയ പ്രത്യേകമായി സംരക്ഷിക്കുന്നതിന് അക്രിലിക് ഇലസ്‌റ്റോമെറിക് കോട്ടിങ് ഉണ്ട്. ഇത്തരം കോട്ടിങ്ങുകള്‍ക്ക് ജോയിന്റുകള്‍ വരുന്ന ഭാഗത്ത് ആയിരം മൈക്രോണ്‍ കട്ടിയുള്ള ഇലാസ്റ്റിക് ഫിലിമാണ്. ഇതാണ് ഒരുതരി ജലാംശം പോലും ഉള്ളിലേക്ക് കടത്തിവിടാതെ വീടിനെ സംരക്ഷിക്കുന്നത്. ഈ ഗുണങ്ങള്‍ തരുന്ന വിവിധയിനം ഉല്‍പന്നങ്ങള്‍ വിപണിയില്‍ ലഭ്യമാണ്.

വീടിന് ഈര്‍പ്പത്തില്‍നിന്നു സംരക്ഷണത്തിനൊപ്പം ചൂടില്‍നിന്നുകൂടി സംരക്ഷിക്കുന്ന രീതിയാണ് പുതിയ ടെക്‌നോളജികള്‍. വാട്ടര്‍ പ്രൂഫിങ് ചെയ്തതിനുശേഷം ന്യൂ കോട്ട് കൂള്‍ ചൂടില്‍നിന്നും സംരക്ഷണം നല്‍കുന്ന കോട്ട് കൂടെ നല്‍കാം. മഴക്കാലത്ത് ഈര്‍പ്പത്തില്‍നിന്നുള്ള സംരക്ഷണവും ചൂടുകാലത്ത് അള്‍ട്രാവയലറ്റ് രശ്മികളില്‍നിന്നുള്ള സംരക്ഷണവും ഉറപ്പാക്കാം. ഇവ ചൂടിനെ എട്ടുശതമാനം വരെ പ്രതിരോധിക്കാന്‍ ശേഷിയുള്ളതാണ്. കാലാവസ്ഥയിലുള്ള ചെറിയ മാറ്റങ്ങള്‍ പോലും കോണ്‍ക്രീറ്റ് പ്രതലങ്ങളെ സാരമായി ബാധിക്കുന്നതായാണ് ഇപ്പോള്‍ കണ്ടുവരുന്നത്. പല കെട്ടിടങ്ങളിലും നിര്‍മാണം കഴിഞ്ഞു ചുരുങ്ങിയ നാളുകളില്‍ത്തന്നെ വിള്ളലുകള്‍ കണ്ടുവരുന്നു. ഈ വിള്ളലുകളില്‍ക്കൂടി ഈര്‍പ്പം ഉള്ളിലേക്കു കടക്കുന്നതു കൂടുതല്‍ ബുദ്ധിമുട്ടുണ്ടാക്കുന്നു. നിര്‍മാണത്തിന് ഉപയോഗിക്കുന്ന സാധനങ്ങളുടെ ഗുണമേന്മ, കാലാവസ്ഥാ വ്യതിയാനം തുടങ്ങിയവയെല്ലാം ചോര്‍ച്ചയ്ക്കു കാരണമായേക്കാം.

വര്‍ഷം കഴിയുംതോറും കൂടിവരുന്ന ചൂടിനെ തടയുന്ന രീതിയിലുള്ള ഒരു സംരക്ഷണവും ഇന്നത്തെ അവസ്ഥയില്‍ കെട്ടിടങ്ങള്‍ക്ക് നല്‍കാനാകുന്നില്ല. വീടിന്റെ ചുമരുകളും മേല്‍ക്കൂരകളും വെയിലേറ്റു ചൂടാകുന്നതുകൊണ്ട് വീടിനകത്തും ചൂടു കൂടുതലായി താങ്ങി നില്‍ക്കും. ഫാന്‍ പ്രവര്‍ത്തിച്ചാലും ചൂടുകാറ്റായിരിക്കും കിട്ടുക. ഈ സാഹചര്യങ്ങളില്‍ വീടിന്റെ മേല്‍ക്കൂരയ്‌ക്കൊപ്പം പുറംചുമരുകളെയും ചൂടേല്‍ക്കാതെ സംരക്ഷിക്കേണ്ടതുണ്ട്. ചൂടിനേയും വെയിലിനെയും ആഗിരണം ചെയ്യാതെ പ്രതിഫലിപ്പിക്കുന്ന തരത്തിലുള്ള കോട്ടിങ്ങുകളാണ് ചുമരുകളിലും മേല്‍ക്കൂരകളിലും നല്‍കേണ്ടത്. വീടിന്റെ പുറംമോടിക്കൊപ്പം പ്രധാനമാണ് അതിന്റെ ഈടും ഉറപ്പും.

പുറംചുമരുകള്‍ക്കായി പെയിന്റ് ചെയ്യുന്നതുപോലെ തന്നെയുള്ള അക്രിലിക് കോട്ടിങ്ങുകള്‍ ലഭ്യമാണ്. ഇത്തരം കോട്ടിങ്ങുകള്‍ ചുമരുകളില്‍ പെയിന്റ് ബ്രഷ് ഉപയോഗിച്ചോ അടിക്കാവുന്നതാണ്. ഇലാസ്തികതയുള്ള കോട്ടിങ്ങുകള്‍ കെട്ടിടത്തില്‍ വിള്ളലുകള്‍ ഉണ്ടാകുന്നത് പ്രത്യക്ഷമാക്കാതി രിക്കുകയും മെയിന്‍ കോട്ട് കൂള്‍ എന്ന പ്രൊഡക്ട് ഈര്‍പ്പത്തില്‍നിന്നും ചൂടില്‍നിന്നും ഒരുപോലെ സംരക്ഷണം തരുന്നു. ഇതിലടങ്ങിയിരിക്കുന്ന ബോറോസിലിക്കേറ്റ് കണികകള്‍ ചൂടിനെ പ്രതിരോധിക്കും. പുറമെ നിന്നുള്ള താപനിലയില്‍ 8ത്ഥ ഇ വരെ മാറ്റം വരുത്താന്‍ ഇത്തരം കോട്ടിങിനു സാധിക്കുന്നു. റെയിന്‌കോട്ട് കൂള്‍ ഏതുനിറത്തിലും ലഭ്യമായതിനാല്‍ പ്രത്യേകം പെയിന്റ് ചെയ്യേണ്ട ആവശ്യമില്ല. പൂപ്പലിനെ പ്രതിരോധിക്കുന്നതും ഇതിന്റെ മറ്റൊരു സവിശേഷതയാണ്.