മഷ്റൂം 65 തയ്യാറാക്കാം
ചേരുവകള് :
മഷ്റൂം 400 ഗ്രാം
മൈദ 1 കപ്പ്
കോണ്ഫ്ലോര് 2 ടേബിള്സ്പൂണ്
കുരുമുളകുപൊടി 1 ടേബിള്സ്പൂണ്
സവാള 1 വലുത്
വെളുത്തുള്ളി 5 അല്ലി
ഇഞ്ചി ചെറിയ കഷണം
ടൊമാറ്റോ സോസ് 1 ടേബിള്സ്പൂണ്
സോയാ സോസ് 1 ടേബിള്സ്പൂണ്
കാശ്മീരി മുളകുപൊടി 2 ടേബിള്സ്പൂണ്
ഉപ്പ് ആവശ്യത്തിന്
വെളിച്ചെണ്ണ അവശ്യത്തിന്
തയ്യാറാക്കുന്ന വിധം :
വളരെ എളുപ്പത്തില് കുറച്ചു ചേരുവകള് മാത്രം ഉപയോഗിച്ച് ഉണ്ടാക്കാവുന്ന ഒരു സ്നാക്ക് ഐറ്റമാണ് മഷ്റൂം 65. ഒരു പാത്രത്തില് മൈദ, കുരുമുളകുപൊടി, കാശ്മീരി മുളകുപൊടി, ഉപ്പ്, വെള്ളം എന്നിവ ചേര്ത്ത് മാവ് പരുവത്തില് നന്നായി കുഴയ്ക്കുക. ഇടത്തരം തീയില് ചീനച്ചട്ടിയില് വെളിച്ചെണ്ണ ഒഴിച്ച് തിളയ്ക്കുമ്പോള് തുടച്ചു വൃത്തിയാക്കി വെച്ചിരിക്കുന്ന മഷ്റൂം മാവില് മുക്കി എണ്ണയിലിടുക. നല്ല സ്വര്ണനിറം ആകുമ്പോള് എണ്ണയില് നിന്ന് വറുത്തു കോരി എടുക്കുക.
ഒരു പാനില് വെളിച്ചെണ്ണ ചൂടാക്കുക. അതിലേക്ക് സവാള അരിഞ്ഞതും വെളുത്തുള്ളിയും ഇഞ്ചിയും പൊടിയായി അരിഞ്ഞതും ചേര്ത്ത് നന്നായി വഴറ്റുക. സവാള വാടിക്കഴിയുമ്പോള് ടൊമാറ്റോ സോസും സോയാസോസും ചേര്ത്ത് ഇളക്കുക. അവസാനമായി, വറുത്തു വച്ചിരിക്കുന്ന മഷ്റൂം ചേര്ത്ത് നന്നായി ഇളക്കുക. മല്ലിയില പൊടിയായി അരിഞ്ഞ് ഗാര്ണിഷ് ചെയ്യാവുന്നതാണ്. എല്ലാവര്ക്കും ഒരുപോലെ ഇഷ്ടമാകുന്ന സ്വാദിഷ്ടമായ മഷ്റൂം 65 തയ്യാര്. ചൂടോടെ മുളകു ചട്നിയുടെയോ സോസിന്റെയോ കൂടെ കഴിക്കാം.
https://www.facebook.com/Malayalivartha