പരമ്പരാഗതമായ ഒരു മധുരപലഹാരമാണ് കസ്‌കസ് പായസം. പോപ്പി വിത്തുകള്‍, തേങ്ങ, ശര്‍ക്കര എന്നിവ ഉപയോഗിച്ചാണ് ഈ പായസീ തയ്യാറാക്കുന്നത്. പോപ്പി വിത്തുകള്‍ അടങ്ങിയ പായസത്തിനു ധാരാളം പോഷകമൂല്യമുണ്ട്.എല്ലാ ആഘോഷങ്ങള്‍ക്കും വളരെ എളുപ്പത്തില്‍ തയ്യാറാക്കാവുന്ന ഒരു വിഭവമാണ്. ശര്‍ക്കര വിഭവങ്ങള്‍ നിങ്ങള്‍ക്ക് ഇഷ്ടമാണെങ്കില്‍ ഇത് തീര്‍ച്ചയായും നിങ്ങള്‍ക്ക് ഇഷ്ട്ടപ്പെടും.

ചേരുവകള്‍ :

കസ്‌കസ് (പോപ്പി വിത്തുകള്‍ ) 3 സ്പൂണ്‍
ശര്‍ക്കര 1 / 2 ഇടത്തരം
വെള്ളം 1 / 2 ഗ്ലാസ്
ചിരകിയ തേങ്ങ 1 കപ്പ്
ഏലയ്ക്ക 2

തയ്യാറാക്കുന്ന വിധം :

ചൂടായ പാനിലേക്ക് പോപ്പി വിത്തുകള്‍ ഇടുക. ബ്രൗണ്‍ നിറമാകുന്നതുവരെ അത് വറുക്കുക. സ്റ്റവ് ഓഫ് ചെയ്തു തണുക്കാന്‍ വയ്ക്കുക. ഈ സമയം ശര്‍ക്കര ഒരു പാത്രത്തിലെടുക്കുക. ഗ്ലാസിലെ വെള്ളമൊഴിച്ചു ഇളക്കുക. മൂടിവച്ചു നന്നായി ഉരുക്കുക. ഈ സമയം പോപ്പി വിത്തുകളെ മിക്‌സിയിലെ ജാറിലേക്കിടുക. ഇതിലേക്ക് തേങ്ങയും ഏലക്കായും ഇടുക. കുറച്ചു വെള്ളമൊഴിച്ചു നന്നായി ഇതിനെ അരയ്ക്കുക. ശര്‍ക്കര അലിയുമ്പോള്‍ ഈ മിശ്രിതം ചേര്‍ത്ത് ഇളക്കുക. മീഡിയം തീയില്‍ 2 3 മിനിറ്റ് ഇളക്കുക. അടിയില്‍ പിടിക്കാതിരിക്കാന്‍ തുടരെ ഇളക്കുക. തിളച്ചുകഴിഞ്ഞാല്‍ ചൂടോടെ വിളമ്പുക.