പറക്കം കുതിരകള് പ്രശസ്തിയും വിജയവും ഉറപ്പാക്കും
എതിരാളികളെ ഉന്മൂലം നല്കാനും പ്രതിരോധിക്കാനും ഈ അശ്വരൂപങ്ങള്ക്ക് അപൂര്വശക്തിയുണ്ടെന്ന് ഫെങ്ങഷൂയിയും സ്പഷ്ടതയോടെ സമര്ത്ഥിക്കുന്നു. ഉജ്ജ്വലനായ പടക്കുതിര ചൈനീസ് രാശിചക്രത്തിലെ ഏഴാമനാണ്. ആരോഗ്യദൃഢഗാത്രനും പരിപാലകനും വേഗശാലിയുമായ അശ്വങ്ങളുടെ സാമീപ്യം മാനസികാരോഗ്യവും, ഊര്ജ്ജസ്വലതയും, എന്തും നേരിടാനുളള ചങ്കുറപ്പും മനുഷ്യനില് പ്രദാനം ചെയ്യുമെന്ന് ഫെങ്ങ്ഷൂയി സാക്ഷ്യപ്പെടുത്തുന്നു.
ഇതിലൂടെ സ്വായത്തമാകുന്ന ഉത്തേജനം വിഘ്നങ്ങളില്ലാത്ത ജീവിതയാത്രയ്ക്ക് പ്രയോജനപ്പെടുകയും, അതുവഴി വിജയവും, പേരും പ്രശസ്തിയും സാധ്യമാകുമെന്ന് ചീനക്കാര് വിശ്വസിക്കുന്നു. ജീവിതവിജയങ്ങള്ക്കായി ചുറുചുറുക്കോടെ ആത്മവിശ്വാസത്തോടെ പ്രവര്ത്തിക്കുന്നവര്ക്ക് ഈ അശ്വങ്ങളുടെ സാമീപ്യം അതിവേഗത്തില് ലക്ഷ്യത്തിലെത്തിക്കാനും, പ്രതിബന്ധങ്ങളെ തരണം ചെയ്ത് കര്മനിരതനായി പ്രശസ്തിയുടെ ഉന്നതികള് കീഴടക്കാന് പ്രാപ്തി നല്കുന്നു.
വിജയശൃംഗങ്ങളിലേയ്ക്ക് പറന്നുയരുന്ന ഇണകളായ പറക്കും കുതിരകള്ക്ക് ഫെങ്ങ്ഷൂയിയില് ഏറെ പ്രിയമാണുളളത്. കാരണം ഈ രൂപങ്ങള് അതിവേഗ വിജയം ഉറപ്പ് തരുന്നു. വ്യാളി മുഖനായ പറക്കും കുതിര, വാനരനെ മുതുകിലേറ്റിയ വെണ്കുതിര, തിരമാലകള്ക്ക് മുകളിലൂടെ കുതിയ്ക്കുന്ന പടക്കുതിര, ലക്ഷ്യപ്രാപ്തിയിലെത്താന് ഭൂഗോളത്തിന് മുകളില് നില്ക്കാവുന്ന അശ്വത്രയങ്ങള് തുടങ്ങി വ്യത്യസ്തമായ സൗഭാഗ്യങ്ങള്ക്കായി ഫെങ്ങ്ഷൂയിയില് ഈ ഭാഗ്യാശ്വങ്ങള്ക്ക് ശക്തമായ സ്ഥാനമാണുളളത്.
സഹനശക്തി, ദൃഢവിശ്വാസം, മനശുദ്ധി എന്നിവയാണ് ഈ അശ്വശ്രേഷഠന്മാര് നമുക്ക് സമ്മാനിക്കുന്നത്. നിരന്തരം മനുഷ്യനെ വേട്ടയാടുന്ന മാനസിക പിരിമുറുക്കങ്ങള്, സമ്മര്ദ്ദങ്ങള് എന്നിവയെ അടിച്ചമര്ത്തി ഏകാഗ്രചിത്തരാക്കി വിജയത്തിലേയ്ക്കെത്തിക്കാന് സമര്ത്തരാണ് ഫെങ്ങ്ഷൂയിയിലെ ദിവ്യാശ്വങ്ങള്. ഓഫീസിന്റെയും, ഭവനത്തിന്റെയും തെക്ക് വശമാണ് ഇവര്ക്കായി ഫെങ്ങ്ഷൂയി നിശ്ചയിച്ചിരിക്കുന്ന സ്ഥാനം.
https://www.facebook.com/Malayalivartha
