കുവൈറ്റിലേയ്ക്ക് മനുഷ്യക്കടത്ത് നടത്തിയ സംഘം പിടിയിൽ; കൃത്യത്തിനു പിന്നിലെ മുഖ്യസൂത്രധാരൻ പത്തനംതിട്ട സ്വദേശി
കുവൈറ്റിലേയ്ക്ക് മനുഷ്യക്കടത്ത് നടത്തിവന്നിരുന്ന സംഘം പോലീസ് പിടിയിലായതായി റിപ്പോർട്ടുകൾ. പിടിയിലായ സംഘത്തിലെ മുഖ്യ സൂത്രധാരൻ പത്തനംതിട്ട അടൂര് സ്വദേശി സുരേഷ് കുമാർ ഇപ്പോൾ പോലീസ് കസ്റ്റഡിയിലാണ്.
കുവൈറ്റിലെ സാമൂഹിക പ്രവർത്തകരുടെ ഇടപെടലിലൂടെയാണ് സംഘത്തെ കുരുക്കനായത്. ദുബായ് കേന്ദ്രമായി പ്രവര്ത്തിക്കുന്ന ഇമാന് ലേബര് റിക്രൂട്ട്മെന്റ് സര്വീസിന്റെ നടത്തിപ്പുകാരായ കോഴിക്കോട് സ്വദേശി ഇസ്മയിലിന്റെ നേതൃത്വത്തിലാണ് മനുഷ്യക്കടത്ത് നടത്തി വന്നിരുന്നത്. കഴിഞ്ഞ മാസം 12-ാം തീയതി സുരേഷ് കുവൈറ്റിലെത്തിയെന്ന സൂചനയുടെ അടിസ്ഥാനത്തില്,സാമൂഹ്യ പ്രവര്ത്തകര് നടത്തിയ അന്വേഷണത്തില് സുരേഷിനെ കണ്ടെത്തി ഇന്ത്യന് എംബസിയില് എത്തിക്കുകയുയായിരുന്നു.
മനുഷ്യക്കടത്തിൽ അകപ്പെട്ട 17 പേര് ഏജന്റിന്റെ തടങ്കലില് നിന്ന് രക്ഷപ്പെട്ടിട്ടുണ്ട്. രക്ഷപ്പെട്ട 17 പേരില് പത്തോളം പേര് മലയാളികളാണ്. അതേസമയം രക്ഷപ്പെട്ടവരില് മിക്കവരും ഗാര്ഹിക തൊഴിലാളികളാണ്. ശമ്പളമോ അടിസ്ഥാന സൗകര്യങ്ങളൊ ഇല്ലാതെ മുറിയിൽ പൂട്ടിയിട്ട അവസ്ഥയിൽ ക്രൂരമായ ലൈംഗിക ചൂഷണമടക്കമുള്ള പീഡനങ്ങളുടെ ഞെട്ടിക്കുന്ന വിവരങ്ങളാണ് ഇവര് വെളിപ്പെടുത്തിയത്.
https://www.facebook.com/Malayalivartha