ആളെക്കൊല്ലി ഗെയിമുകൾക്ക് പൂട്ട് വീഴുന്നു; സൗദിയിൽ 47 വീഡിയോ ഗെയിമുകൾക്ക് നിരോധനം
സൗദിയിൽ നിയമങ്ങളും ചട്ടങ്ങളും ലംഘിച്ച് അപകടകരമായ രീതിയിൽ പ്രവർത്തിക്കുന്ന 47 വീഡിയോ ഗെയിമുകൾ നിരോധിച്ചതായി റിപ്പോർട്ടുകൾ. സൗദി ജനറൽ കമ്മീഷൻ ഫോർ ഒാഡിയോ വിഷ്വൽ മീഡിയ ആണ് ഇതിനെതിരെ നടപടിയെടുത്തത്.
ജനപ്രിയ ഗെയിമുകളായ ഏജൻറ്സ് ഒാഫ് മേയ്ഹം, അസ്സാസിൻസ് ക്രീഡ് 2, ക്ലാഷ് ഒാഫ് ടൈറ്റൻസ്, ഡാന്റെസ് ഇൻഫെർണോ എന്നിവയും നിരോധിച്ചിട്ടുണ്ട്. ബയോനെറ്റ 2, ഡെഡ് റൈസിങ് 3 അപോകാലിപ്സ് എഡിഷൻ, ഡെഡ്പൂൾ, ഡിസെപ്ഷൻ 4, ദ നൈറ്റ്മെയർ, ഡ്യൂസ് എക്സ് മാൻകൈൻഡ് ഡിവൈഡഡ്, ഡെവിൾസ് തേർഡ്, ഡി.എം.സി-ഡെഫിനിറ്റീവ് എഡിഷൻ, ഡ്രാഗൺ ഏജ്, ലൈഫ് ഇൗസ് സ്ട്രേഞ്ച് തുടങ്ങി ചെറുപ്പക്കാർക്കിടയിൽ വ്യാപകമായി പ്രചാരത്തിലുള്ള ഗെയിമുകളും നിരോധനത്തിൽപ്പെടുന്നു.
വീഡിയോ ഗെയിമിന്റെ സ്വാധീനത്തിൽ രണ്ടു കൗമാരക്കാർ കഴിഞ്ഞ ദിവസങ്ങളിൽ രാജ്യത്ത് ആത്മഹത്യ ചെയ്തിരുന്നു. അബഹയിൽ 13 വയസുള്ള വിദ്യാർഥിയും മദീനയിൽ 12 കാരി വിദ്യാർഥിനിയുമാണ് മരിച്ചത് ഇത്തരം സാഹചര്യങ്ങൾ കൂടി മുൻ നിർത്തിയാണ് അധികൃതരുടെ പുതിയ തീരുമാനം.
https://www.facebook.com/Malayalivartha