നടപടികൾ കർക്കശമാക്കാനൊരുങ്ങി കുവൈത്ത്; ഡ്രൈവിങ് ലൈസന്സ് കൈവശമുള്ളവർ ഡ്രൈവിംഗ് ജോലിയിൽ നിന്ന് മാറുകയാണെങ്കിൽ എട്ടിന്റെ പണി
കുവൈറ്റ്: കുവൈത്തിൽ ഡ്രൈവിങ് ലൈസന്സ് കൈവശമുള്ള വിദേശികൾ ഡ്രൈവിംഗ് ജോലിയിൽ നിന്ന് മറ്റ് ജോലികളിലേക്ക് മാറുകയാണെങ്കിൽ ഡ്രൈവിങ് ലൈസന്സ് റദ്ദാക്കുന്ന നടപടി മന്ത്രാലയം കർക്കശമാക്കാനൊരുങ്ങുന്നു.
ഇതോടെ ഡ്രൈവിങ് ലൈസന്സ് ലഭിക്കുന്നതിന് ആവശ്യമായ മാനദണ്ഡങ്ങള് അനുസരിച്ച് മാത്രമെ പുതിയ ലൈസന്സ് നല്കുകയുമുള്ളൂവെന്ന് മന്ത്രാലയം അറിയിച്ചു. ഇത് വാഹനമോടിക്കുന്ന വിദേശികളുടെ എണ്ണം കുറയ്ക്കുന്നതിനും അതുവഴി ഗതാഗതക്കുരുക്ക് ഒഴിവാക്കുന്നതിനും സഹായകരമാകുമെന്നാണ് അധികൃതരുടെ പ്രതീക്ഷ.
ഗാര്ഹികമേഖലയിലെ ഡ്രൈവര്മാര്, കമ്പനികളുടെ പിആര്ഒമാര്, ഒരുവിഭാഗം മര്ച്ചന്റൈസര്മാര് തുടങ്ങി ഏതാനും ചില വിഭാഗക്കാര്ക്ക് മാത്രമാണ് ഉപാധികളില്ലാതെ ലൈസന്സ് നല്കുന്നത്. മറ്റുള്ളവര്ക്ക് ലൈസന്സ് ലഭിക്കാന് വേണ്ട ഉപാധികള് രണ്ടുവര്ഷം കുവൈറ്റിലെ താമസം, സര്വ്വകലാശാലാ ബിരുദം, 600 ദിനാര് മാസശമ്പളം എന്നിവയാണ്.
https://www.facebook.com/Malayalivartha