കുവൈത്തിൽ ജനസംഖ്യാ കണക്കെടുത്തതായി റിപ്പോർട്ടുകൾ. 46 ലക്ഷം നിവാസികളാണ് പുതിയ റിപ്പോർട്ടുകൾ പ്രകാരം കുവൈത്തിൽ വസിക്കുന്നത്. അതേസമയം മൊത്തം ജനസംഖ്യയുടെ 69 ശതമാനം പ്രവാസികളെന്ന് പബ്ലിക് അതോറിറ്റി ഫോര്‍ സിവില്‍ ഇന്‍ഫര്‍മേഷന്റെ കണക്കുകള്‍ സൂചിപ്പിക്കുന്നു.

4,588,148 രാജ്യത്തെ മൊത്തം ജനസംഖ്യയില്‍ സ്വദേശികളുടെ എണ്ണം 1,385,960 ഉം 3,202,188 വിദേശികളുമാണ്. ജൂണ്‍ മാസം വരെയുള്ള കണക്കെടുപ്പിലാണ് ഈ സ്ഥിതി വിവര കണക്കുള്ളത്. രാജ്യത്ത് ആറു ലക്ഷത്തിലധികം ഗാര്‍ഹിക തൊഴിലാളികളുണ്ടെന്നാണ് അതോറിറ്റി ഫോര്‍ സിവില്‍ ഇന്‍ഫര്‍മേഷന്റെ കണക്കിലുള്ളത്.

മറ്റു ഗള്‍ഫ് രാജ്യങ്ങളായ സൗദിയില്‍ 63 ശതമാനവും ഒമാനില്‍ 56 ശതമാനവും ബഹ്‌റൈനില്‍ 47 ഉം യുഎഇ യില്‍ 19 ഉം, ഖത്തറില്‍ 21 ഉം ശതമാനവുമാണ് സ്വദേശികളുടെ ശരാശരി ജനസംഖ്യ എന്നും കണക്കുകളില്‍ പറയുന്നു. അതേസമയം 48 ശതമാനമാണ് മൊത്തം ജിസിസി രാജ്യങ്ങളിലെ വിദേശ പൗരന്മാരുടെ എണ്ണമെന്നും കണക്കുകള്‍ സൂചിപ്പിക്കുന്നു.