പലിശക്കാരനെ കണ്ട് ഭയന്ന് രക്ഷപ്പെടാനായി പ്രവാസി ചാടിയത് മൂന്നാം നിലയിൽ നിന്ന്
ഷാർജയിൽ പണം കടം വാങ്ങിയ പലിശക്കാരനിൽ നിന്നും ഓടി രക്ഷപ്പെടാൻ ശ്രമിക്കവേ 32 കാരനായ ഇന്ത്യന് പ്രവാസി കെട്ടിടത്തിന് മുകളിൽ നിന്നും താഴേയ്ക്ക് വീണ് ഗുരുതര പരിക്ക്. ഷാര്ജയിലെ അല് മജാസിലാണ് സംഭവം.
ഇയാള് ആത്മഹത്യ ചെയ്തതല്ലെന്ന ദൃക്സാക്ഷികളുടെ മൊഴിയെത്തുടർന്നുള്ള അന്വേഷണത്തിലാണ് സംഭവം പുറത്തായത്. ഷാർജയിലെ ഒരു പലിശക്കാരനില് നിന്ന് ഇയാൾ മുൻപ് പണം കടം വാങ്ങിയിരുന്നു, ഇത് വാങ്ങുന്നതിനായി സംഭവദിവസം പലിശക്കാരന് ഇയാളുടെ അപ്പാര്ട്ട്മെന്റില് എത്തി. എന്നാൽ ഇയാളില് നിന്ന് ഓടി രക്ഷപ്പെടുന്നതിനിടെ കെട്ടിടത്തിന്റെ മൂന്നാം നിലയില് നിന്നും താഴേയ്ക്ക് വീണ് അപകടം ഉണ്ടാവുകയായിരുന്നു.
അപകടം നടന്നയുടൻ തന്നെ നാട്ടുകാർ പോലീസില് വിവരമറിയിച്ചു. തുടർന്ന് പോലീസും മെഡിക്കല് സംഘവും സ്ഥലത്തെത്തിയാണ് ഇയാളെ ആശുപത്രിയിലേക്ക് മാറ്റിയത്.
https://www.facebook.com/Malayalivartha