മസ്കത്തിലെ അല്‍ വുസ്ത ഗവര്‍ണറേറ്റിലെ അല്‍ സമാഇം പ്രദേശത്തുണ്ടായ വാഹനാപകടത്തില്‍ യു എ ഇ സ്വദേശികളായ നാല് പേർ മരിച്ചു. യു എ ഇ നിവാസികളായ ഒരു കുടുംബത്തിലെ രണ്ട് കുട്ടികള്‍ ഉൾപ്പടെ നാല് പേരാണ് മരിച്ചത്. അപകടത്തിൽ രണ്ടു പേർക്ക് പരിക്കേറ്റിട്ടുമുണ്ട്.

കുടുംബം സഞ്ചരിച്ച വാഹനം ട്രെയ്ലര്‍ ട്രക്കുമായി കൂട്ടിയിടിക്കുകയായിരുന്നു. സാരമായി പരുക്കേറ്റ രണ്ട് പേരെ ആശുപത്രിയിലെത്തിച്ച്‌ ചികിത്സ ലഭ്യമാക്കി വരികയാണ്. ശരീരത്തിന്റെ വിവിധ ഭാഗങ്ങളില്‍ ഇവര്‍ക്ക് ഗുരുതര പരുക്കേറ്റിട്ടുണ്ട്. അതേസമയം പരുക്കേറ്റവരെ കുറിച്ച്‌ കൂടുതല്‍ വിവരങ്ങള്‍ പോലീസ് പുറത്തുവിട്ടിട്ടില്ല.