സംസ്ഥാനം പ്രളയഭീതിയിൽ; ജിദ്ദ എയർപോർട്ടിൽ കൊച്ചു കുട്ടികളടക്കം 41 മലയാളികൾ വസ്ത്രവും ഭക്ഷണവുമില്ലാതെ മൂന്നു ദിവസമായി കുടുങ്ങിക്കിടക്കുന്നു
സൗദിയിലെ ജിദ്ദ എയർപോർട്ടിൽ കൊച്ചു കുട്ടികളടക്കം 41 മലയാളികൾ വസ്ത്രവും ഭക്ഷണം പോലുമില്ലാതെ മൂന്നു ദിവസമായി കുടുങ്ങിക്കിടക്കുന്നതായി റിപ്പോർട്ടുകൾ. സംസ്ഥാനം പ്രളയബാധിതമായതിനെ തുടർന്ന് നെടുമ്പാശ്ശേരിയിൽ ഇറങ്ങേണ്ട ജിദ്ദ- കൊച്ചി ടv 746 എന്ന നമ്പരിലുള്ള വിമാനം തിരുവനന്തപുരത്ത് ഇറങ്ങാൻ ഇവിടെ നിന്നും അനുമതി നൽകുന്നില്ല എന്നാണ് അറിയാൻ കഴിഞ്ഞത്.
പിഞ്ചു കുട്ടികളടക്കമുള്ള സംഘമാണ് വിമാനത്തിലുള്ളത്. ആദ്യ ദിവസം ഇവർ വിമാനത്തിനുള്ളിൽ കയറിയെങ്കിലും പിന്നീട് ഇവരെ വിമാനത്തിൽ നിന്നും തിരിച്ചിറക്കുകയായിരുന്നു. ഇവരുടെ ബാഗേജുകൾ വിമാനത്തിനുള്ളിൽ തന്നെ ഇരിക്കുന്നതിനാൽ വസ്ത്രം മാറാൻ പോലും ആർക്കും കഴിഞ്ഞിട്ടില്ല.
https://www.facebook.com/Malayalivartha