ദുരിതമുഖങ്ങളിൽ നിന്നും കരകയറുന്ന കേരളത്തിന് ഒരു കോടി രൂപയുടെ സഹായധനവുമായി "അല് മദീന ഗ്രൂപ്പ്
പ്രളയക്കെടുതിയിൽ നിന്നും കരകയറാൻ കേരളത്തിന് കൈത്താങ്ങായി വിവിധ സംഘടനകളും വ്യക്തികളും മുന്നിട്ടിറങ്ങിയിരുന്നു. ദുരിതമുഖങ്ങളിൽ നിന്നും കരകയറുന്ന കേരളത്തിന് സഹായധനവുമായി യു എ ഇ കേന്ദ്രമായി പ്രവര്ത്തിക്കുന്ന മുന്നിര റീട്ടെയില് ഗ്രൂപ്പായ അല് മദീന ഗ്രൂപ്പും രംഗത്തെത്തിയിരിക്കുകയാണ്.
സംസ്ഥാനത്തിന് ഒരു കോടി രൂപ നല്കുമെന്ന് ഗ്രൂപ്പ് എം ഡി അബ്ദുല്ല പൊയില് ദുബായിൽ വാര്ത്താസമ്മേളനത്തില് അറിയിച്ചു. വിവിധ ഡിവിഷനുകളിലെ ജീവനക്കാരെല്ലാം ഒരു ദിവസത്തെ വേതനം ദുരിതാശ്വാസ നിധിയിലേക്ക് നീക്കി വെച്ചു. ഇതുകൂടാതെ മാനേജ്മെന്റും വലിയൊരു തുക കേരളത്തിന്റെ ദുരിതമകറ്റാന് സംഭാവനയായി നല്കും. ഇങ്ങനെ സ്വരൂപിക്കുന്നതില് നിന്ന് അര കോടി രൂപ മുഖ്യമന്ത്രിയുടെ ദുരിതാശ്വാസ നിധിയിലേക്ക് നല്കാനാണ് തീരുമാനമെന്ന് അബ്ദുല്ല പൊയില് പറഞ്ഞു.
ഇതുകൂടാതെ അരക്കോടി രൂപ മറ്റു സന്നദ്ധ സംഘടനകള് മുഖേനയും നേരിട്ടും വിവിധ ദുരിതാശ്വാസ ക്യാമ്പുകളില് എത്തിക്കും. യുഎഇയിലെ ഭരണാധികാരികള് നമ്മുടെ നാടിന് നല്കുന്ന പിന്തുണയെ എത്ര അഭിനന്ദിച്ചാലും മതിവരില്ലെന്നും ദുബായിലെ മറ്റ് സ്ഥാപനങ്ങള്ക്കും ഈ മാതൃക പിന്തുടരാന് പ്രചോദനമാകുമെന്ന് കരുതുന്നതായും അദ്ദേഹം വ്യക്തമാക്കി.
https://www.facebook.com/Malayalivartha
