യു.​എ.​ഇ​യി​ല്‍ വാ​ട്​​സാ​പ്പ്​ കോ​ളുകള്‍ക്ക് ഉണ്ടായിരുന്ന വിലക്ക് മാറിയെന്ന തരത്തിൽ പ്രചരിക്കുന്ന സന്ദേശങ്ങൾ വ്യാജമാണെന്ന് അധികൃതർ അറിയിച്ചു. അതേസമയം നിയന്ത്രണം ഒഴിവാക്കിയെന്ന തരത്തിലുള്ള പ്ര​ചാ​ര​ണം അ​ഭ്യൂ​ഹം മാ​ത്ര​മാ​ണെ​ന്നാണ് ടെ​ലി​ക​മ്യൂ​ണി​ക്കേ​ഷ​ന്‍​സ്​ റെ​ഗു​ലേ​റ്റ​റി ​അ​തോ​റി​റ്റി (ട്രാ) ​വ്യ​ക്​​ത​മാക്കിയത്.

വൈ​ഫൈ ഉ​പ​യോ​ഗി​ച്ചു കൊണ്ട് വാട്സാപ്പ് കോളുകള്‍ വിളിക്കാന്‍ കഴിയുന്നുവെന്നാണ് സോഷ്യൽമീഡിയകളിലൂടെ വ്യാപകമായി പ്രചരിക്കുന്നത്.

ഏ​ത്​ ആ​പ്ലി​ക്കേ​ഷ​നും സേ​വ​ന​വും രാ​ജ്യ​ത്തിന്‍റെ നി​യ​മ​ഘ​ട​ന​ക്ക്​ അ​നു​സൃ​ത​മാ​യി​രി​ക്ക​ണ​മെ​ന്ന്​ ട്രാ ​വ്യക്തമാക്കി. ടെ​ലി​കോം സേ​വ​ന​ദാ​താ​ക്ക​ളു​ടെ സ​വി​ശേ​ഷാ​ധി​കാ​ര​മാ​ണ്​ വോ​യ്​​സ്​ ഒാ​വ​ര്‍ ഇ​ന്‍​റ​ര്‍​നെ​റ്റ്​ പ്രോട്ടോ ​കോ​ള്‍ (വോ​യ്​​പ്)​ സേ​വ​ന​ങ്ങ​ള്‍.

അതേസമയം വാ​ട്​​സാ​പ്പ്​ കോ​ളുകള്‍ പോലുള്ള സേ​വ​ന​ങ്ങ​ള്‍ ന​ല്‍​കാ​ന്‍ ആ​ഗ്ര​ഹി​ക്കു​ന്ന കമ്പനികൾ രാജ്യത്ത് ലൈ​സ​ന്‍​സു​ള്ള ടെ​ലി​കോം സേ​വ​ന​ദാ​താ​ക്ക​ളു​മാ​യി ധാ​ര​ണ​യി​ലെ​ത്ത​ണ​മെ​ന്നും ട്രാ ​അ​ധി​കൃ​ത​ര്‍ പറയുന്നു.