അബുദാബി സമ്മര് ഫെസ്റ്റ് ജൂണ് 27 മുതല് ആഗസ്റ്റ് 17 വരെ
വേനല് കാലത്ത് സഞ്ചാരികളെ ആകര്ഷിക്കാന് ലക്ഷ്യമിട്ട് അബുദാബി ടൂറിസം ആന്ഡ് കള്ച്ചര് അതോറിറ്റി സംഘടിപ്പിക്കുന്ന സമ്മര് ഫെസ്റ്റ് ജൂണ് 27 മുതല് നടക്കും. 52 ദിവസം നീളുന്ന മേള ആഗസ്റ്റ് 17ന് സമാപിക്കും. റമദാനും ചെറിയ പെരുന്നാളും അടക്കമുള്ള ആഘോഷ നാളുകള് കൂടി ഉള്ക്കൊള്ളിച്ചാണ് മേള സംഘടിപ്പിക്കുന്നത്.
അബുദാബി നാഷനല് എക്സിബിഷന് സെന്ററില് നാല് ഹാളുകള് ഷോയുടെ ഭാഗമായി ഉണ്ടാകും. ലോകോത്തര ഷോകളും അന്താരാഷ്ട്ര നിലവാരത്തിലുള്ള കലാ അവതരണങ്ങളും നടക്കും. അറബിക് സംഗീത ഷോകള്ക്കൊപ്പം ദ്വിഭാഷാ തമാശ പരിപാടികളും നാടകങ്ങളും ശ്രദ്ധേയ ഇനങ്ങളാകും. യാസ് ഐലന്റും വിവിധ പരിപാടികള്ക്ക് സാക്ഷ്യം വഹിക്കും.
പ്രശസ്തര് പങ്കെടുക്കുന്ന കായിക വിനോദങ്ങള് ഇവിടെ അരങ്ങേറും. യാസ് ഐലന്റിലെ ഡു ഫോറത്തിലും എക്സിബിഷന് സെന്ററിലുമായി കുടുംബങ്ങളെ ആകര്ഷിക്കുന്ന ഒട്ടനവധി പരിപാടികള് നടക്കും. സമ്മര് ഫെസ്റ്റ് സമയത്ത് അബുദാബിയിലെ 35 ഹോട്ടലുകളില് മൂന്ന് ദിവസം തങ്ങുന്നവര്ക്ക് പ്രത്യേക ഓഫറുകളും ഒരുക്കിയിട്ടുണ്ട്. ഫെറാരി വേള്ഡ് അബൂദബി തീം പാര്ക്കിലേക്കും യാസ് വാട്ടര് വേള്ഡിലേക്കുമുള്ള ടിക്കറ്റുകള് ഈദിനൊഴികെ ഹോട്ടലില് തങ്ങുന്നവര്ക്ക് ലഭിക്കും. 12 വയസ്സില് താഴെയുള്ള കുട്ടികള്ക്ക് ഭക്ഷണം സൗജന്യമായിരിക്കും.
https://www.facebook.com/Malayalivartha
