സൗദി അറേബ്യയിൽ കോവിഡ് ബാധിതരുടെ എണ്ണം രണ്ടുലക്ഷം കടന്നതായി റിപ്പോർട്ട്. വെള്ളിയാഴ്​ച 4193 പേർക്ക്​ കൂടി രോഗം സ്ഥിരീകരിച്ചതോടെ ആകെ വൈറസ്​ ബാധിതരുടെ എണ്ണം 2,01,801 ആയി ഉയരുകയുണ്ടായി. രോഗം ബാധിച്ച്​ 50 പേർ കൂടി മരണത്തിന്​ കീഴടങ്ങിയതോടെ രാജ്യത്തെ ആകെ മരണസംഖ്യ 1802 ആയി ഉയര്ന്നത് അറബ് രാഷ്ട്രങ്ങളെ ഞെട്ടലിൽ ആഴ്ത്തി. എന്നാൽ 24 മണിക്കൂറിൽ 2945 പേർക്ക്​ രോഗമുക്തിയുണ്ടായി. ഇതോടെ ആകെ രോഗമുക്തരുടെ എണ്ണം 1,40,614 ആയി ഉയർന്നത് നേരിയ ആശ്വാസമാണ് നൽകുന്നത്.

അതേസമയം 59,385 പേർ രാജ്യത്തെ വിവിധ ആശുപത്രികളിൽ ചികിത്സയിൽ തുടരുകയാണ്​. എന്നാൽ ഇതിൽ 2291 പേരുടെ നില ഗുരുതരമാണ്​. ഇവർ തീവ്രപരിചരണ വിഭാഗത്തിലാണ് ഇവർ കഴിയുന്നത്​. കഴിഞ്ഞ 24 മണിക്കൂറിനിടെ 43,927 കോവിഡ്​ ടെസ്​റ്റുകൾ രാജ്യവ്യാപകമായി നടക്കുകയുണ്ടായി. അതോടൊപ്പം തന്നെ ഇതുവരെ 1,771,628 പി.സി.ആർ ടെസ്​റ്റുകളാണ്​ നടന്നത്​. ​വെള്ളിയാഴ്​ച റിയാദ്​ (25), ജിദ്ദ (8), മക്ക (3), ഹുഫൂഫ്​ (6), ത്വാഇഫ്​ (1), അൽമുബറസ്​ (2), ബുറൈദ (1), അബഹ​ (1), മഹായിൽ (1), അൽഅയൂൺ (2) എന്നിവിടങ്ങളിലാണ്​ മരണം റിപ്പോർട്ട്​ ചെയ്​തത്​. ജിദ്ദയിൽ മരണ സംഖ്യ 510 ആയി ഉയർന്നു. മക്കയിൽ 432ഉം റിയാദിൽ 410ഉം ആണ്​ മരണസംഖ്യ എന്നത്. സൗദിയിൽ ചെറുതും വലുതുമായ 198 പട്ടണങ്ങളാണ്​​ രോഗത്തി​​െൻറ പിടിയിലായത്​.