അറബ് രാഷ്ട്രങ്ങൾ കോറോണയെ പിടിച്ചുകെട്ടുന്നതിൽ ഏറ്റവും മുന്നിൽ തന്നെയാണ് . കൃത്യമായി തന്നെ മുന്നൊരുക്കങ്ങൾ നൽകിയാണ് അവർ കോറോണയെ നേരിടാൻ തയ്യാറായത്. പ്രത്യേകിച്ച് യുഎഇ, അത് നമ്മൾ കണ്ണുകൊണ്ട് കണ്ടതാണ്. എന്നാൽ ഇതാ കോവിഡ് ഏറെ ഭീതിവിതച്ച സൗദി അറേബ്യയിലും രോഗികളുടെ എണ്ണം ദിനേന കുറഞ്ഞുവരുന്നതയാണ് റിപ്പോർട്ട്. രോഗം ഭേദമാകുന്നവരുടെ എണ്ണം കൂടുകയുംചെയ്യുന്നു എന്നത് ആശ്വാസംനൽകുകയാണ്.

സൗദിയിൽ വെള്ളിയാഴ്ച പുതുതായി 2378 പേരിലാണ് രോഗം റിപ്പോർട്ടുചെയ്തത്. രോഗബാധിതരുടെ എണ്ണം മൊത്തം 2,62,772 ആയി ഉയർന്നു. 37 പേരുടെ മരണവും വെള്ളിയാഴ്ച റിപ്പോർട്ടുചെയ്തതോടെ സൗദിയിൽ ഇതുവരെ മരിച്ചവരുടെ എണ്ണം 2672 ആയി ഉയരുകയും ചെയ്തു. എന്നാൽ 2241 പേരാണ് വെള്ളിയാഴ്ച രോഗമുക്തരായത്. മൊത്തം രോഗമുക്തി നേടിയവർ 2,15,731 ആണ്. ഇപ്പോൾ ചികിത്സയിൽ കഴിയുന്നത് 44,369 പേരാണ്. ഇവരിൽ 2143 പേർ അത്യാസന്നനിലയിലാണ് എന്നാണ് ലഭ്യമാകുന്ന വിവരം.

അതേസമയം യു.എ.ഇ.യിൽ വെള്ളിയാഴ്ച 387 പേർ കോവിഡ് മുക്തരായതായി റിപ്പോർട്ട്. ഒപ്പം ഒരുമരണം റിപ്പോർട്ടുചെയ്യപ്പെട്ടിട്ടുണ്ട്. 261 പേർക്ക് രോഗം സ്ഥിരീകരിക്കുകയുണ്ടായി. ഇതോടെ യു.എ.ഇ.യിലെ ആകെ രോഗബാധിതരുടെ എണ്ണം 58,249 ആയി ഉയരുകയും ചെയ്തു. ഇതുവരെ സുഖംപ്രാപിച്ചവരുടെ ആകെ എണ്ണം 51,235 ആയി. ഒപ്പം 6671 പേരാണ് ഇപ്പോൾ ചികിത്സയിലുള്ളത്. ഇതുവരെ കോവിഡ് ബാധിച്ച് യു.എ.ഇ.യിൽ മരിച്ചത് 343 പേരാണ് എന്നതാണ്. ഇതേതുടർന്ന് എമിറേറ്റുകൾ കേന്ദ്രീകരിച്ചുള്ള സമഗ്രപരിശോധനയും യാത്രാനിയന്ത്രണങ്ങളും കർശന സുരക്ഷാമുൻകരുതലുകളുമാണ് കോവിഡ് വ്യാപനത്തിൽ കാര്യമായ കുറവുണ്ടാക്കിയത് തന്നെ.

അതോടൊപ്പം തന്നെ ഖത്തറിൽ വെള്ളിയാഴ്ച മരണം റിപ്പോർട്ടുചെയ്തിട്ടില്ല. എന്നാൽ, പുതുതായി 394 പേരിൽ പുതുതായി രോഗം സ്ഥിരീകരിക്കുകയുണ്ടായി. 402 പേർ ഇതിനോടകം തന്നെ രോഗവിമുക്തി നേടിയിട്ടുണ്ട്. ഇതോടെ ഖത്തറിലെ മൊത്തം രോഗികളുടെ സംഖ്യ 1,05,351 ആയി ഉയരുകയുണ്ടായി. 164 പേരാണ് ഖത്തറിൽ ഇതുവരെ കോവിഡ് മരണപ്പെട്ടത് തന്നെ. ഏറ്റവും ഉയർന്ന കണക്ക് കാണിക്കുന്ന ഒമാനിൽ വെള്ളിയാഴ്ച പുതുതായി 1145 പേരിലാണ് രോഗം കണ്ടെത്തിയത്. നാലുമരണവും ഉണ്ടായിരിക്കുകയാണ്. പുതുതായി രോഗം സ്ഥിരീകരിച്ചവരിൽ 1057 പേരും ഒമാനികളാണ് എന്നാണ് വിശ്വാസം. ഇതുവരെയായി രാജ്യത്ത് 73,791 പേരിലാണ് രോഗം കണ്ടെത്തിയത്. ഇതിനകം 53,007 പേർ രോഗവിമുക്തരായി. 359 പേരാണ് ഒമാനിലെ കോവിഡ് മരണസംഖ്യ എന്നത്.