കൊറോണ ബാധയെത്തുടർന്ന് പ്രവാസികൾ വിമാനം റദ്ദ് ചെയ്യുന്നതിനെ തുടർന്ന് പുതിയ നീക്കവുമായി എമിറേറ്റ്സ് എയർലൈൻസ്. ഇതേതുടർന്ന് വിമാനയാത്രയ്ക്കിടെ കോവിഡ്-19 രോഗബാധയുണ്ടാകുന്നവരുടെ ചികിത്സച്ചെലവുകൾക്ക് 1.3 കോടി രൂപ വരെ അതായത് ആറുലക്ഷത്തിലേറെ ദിർഹം വാഗ്ദാനം ചെയ്തതായി എമിറേറ്റ്‌സ് എയർലൈൻസ് അറിയിക്കുകയുണ്ടായി. ഒക്ടോബർ 31വരെ എമിറേറ്റ്‌സ് എയർലൈനിൽ ടിക്കറ്റ് ബുക്കുചെയ്ത് യാത്രചെയ്യുന്നവർക്കാണ് ഈ സേവനം ലഭിക്കുന്നതായിരിക്കും.

അതേസമയം ഏതുരാജ്യത്തേക്ക് ടിക്കറ്റെടുക്കുമ്പോഴും ഇതുസംബന്ധിച്ച വിവരങ്ങൾ എയർലൈൻസ് നൽകുന്നതാണ്. യാത്രചെയ്യുന്ന ദിവസംമുതൽ 31 ദിവസത്തേക്കാണ് ഇതിന് സാധുതയുണ്ടാവുക എന്നത്. ഉപഭോക്താക്കൾ ലക്ഷ്യസ്ഥാനത്തെത്തി അവിടെനിന്ന്‌ മറ്റൊരുസ്ഥലത്തേക്ക് യാത്രചെയ്താലും ഈ സേവനം പ്രയോജനപ്പെടുത്താവുന്നതാണ്. അന്താരാഷ്ട്രതലത്തിൽ സർവീസുകൾ പുനരാരംഭിച്ചിരിക്കുന്ന സാഹചര്യത്തിൽ യാത്ര പ്രോത്സാഹിപ്പിക്കാനുള്ള നടപടിയുടെ ഭാഗമായാണ് ഇത്തരമൊരു തീരുമാനം എടുക്കുന്നത് പോലും. വിശദവിവരങ്ങൾക്ക്: www.emirates.com/COVID19assistance.