കൊറോണ വ്യാപനത്തെ തുടർന്ന് പ്രവാസികളെ തിരികെ എത്തിക്കുന്ന പദ്ധതിയായ വന്ദേഭാരത് നിലവിൽ അഞ്ചാം ഘട്ടത്തിലേക്ക് എത്തിനിൽക്കുകയാണ്. ഇപ്പോഴിതാ വന്ദേഭാരത് മിഷൻ അഞ്ചാം ഘട്ടത്തിന്റെ ഭാഗമായി എയർ ഇന്ത്യ എക്സ്പ്രസ് കണ്ണൂർ–യുഎഇ, യുഎഇ–കണ്ണൂർ സെക്ടറിൽ 11 വീതം സർവീസുകൾ നടത്തുകയും ചെയ്യും. ഓഗസ്റ്റ് 1 മുതൽ 15 വരെയാണ് സർവീസ് ഷെഡ്യുൾ ചെയ്തിട്ടുള്ളത് . 1, 2, 4, 8, 9, 11, 15 തീയതികളിലായി ദുബായിലേക്കും തിരിച്ചും 7 സർവീസുകൾ, 3,10 തീയതികളിൽ അബുദാബിയിലേക്കും തിരിച്ചും 2 സർവീസുകൾ, 7,14 തീയതികളിൽ ഷാർജയിലേക്കും തിരിച്ചും 2 സർവീസുകൾ എന്നിവ നടത്തുംന്നതായിരിക്കും.

അതേസമയം നാലാം ഘട്ടത്തിൽ ഇതുവരെ യുഎഇ സെക്ടറിലേക്കു കണ്ണൂരിൽ നിന്ന് എയർ ഇന്ത്യ എക്സ്പ്രസ് 14 സർവീസുകളാണ് നടത്തിയത്. ഐസിഎ അപ്രൂവൽ ലഭിക്കാൻ കാലതാമസം നേരിട്ടവരും അടുത്ത ഘട്ടത്തിൽ യുഎഇയിലേക്ക് പോകാൻ ടിക്കറ്റ് ബുക്ക് ചെയ്തിട്ടുണ്ടെന്ന് എയർ ഇന്ത്യ എക്സ്പ്രസ് പ്രതിനിധി അറിയിക്കുകയുണ്ടായി. അതോടൊപ്പം തന്നെ യുഎഇയിൽ നിന്ന് തിരിച്ച് നാട്ടിലേക്കുള്ള യാത്രക്കാരുടെ എണ്ണം കുറഞ്ഞതായാണ് റിപോർട്ടുകൾ വ്യക്തമാക്കുന്നത്. ഇതേതുടർന്ന് ചാർട്ടേഡ് വിമാനങ്ങളിൽ പലതും അവസാന നിമിഷം റദ്ദാക്കുകയും ചെയ്യുന്നുണ്ട്.