ഗൾഫ് രാഷ്ട്രങ്ങളെ ആശ്രയിച്ചുകഴിയുന്ന അവിടേക്ക് പോകാൻ കാത്തിരിക്കുന്ന പ്രവാസികൾക്ക് പുതിയ വഴികൾ ഒരുങ്ങുകയാണ്. തിരിച്ചെത്തുന്നവർക്കായി കൂടുതൽ സൗകര്യങ്ങൾ ലഭ്യമാക്കിയതയുള്ള റിപ്പോർട്ടുകളാണ് പുറത്തേക്ക് വരുന്നത്. അതായത് ഗാർഹിക ജീവനക്കാർക്കും തൊഴിലാളികൾക്കുമായി 14 ദിവസത്തെ ക്വാറൻറീൻ പാക്കേജുകൾ അവതരിപ്പിച്ച് ഡിസ്​കവർ ഖത്തർ രംഗത്ത് എത്തിയിരിക്കുകയാണ്. ഡിസ്​കവർ ഖത്തറി​​െൻറ വെബ്സൈറ്റിലാണ് ഖത്തറിലെത്തുന്ന ഗാർഹിക തൊഴിലാളികൾ, കമ്പനി ജീവനക്കാർ, മറ്റ് തൊഴിലാളികൾ എന്നിവർക്കായി 14 ദിവസത്തെ ഷെയേഡ് ക്വാറൻറീൻ പാക്കേജുകൾ ലഭ്യമാക്കിയിരിക്കുന്നത് തന്നെ.

ഖത്തറിലേക്ക് മടങ്ങിയെത്തുന്നവർക്കായുള്ള 3, 4, 5 സ്​റ്റാർ ഹോട്ടലുകളിലെ ഏഴു ദിവസത്തെ ക്വാറൻറീൻ പാക്കേജുകൾക്ക് പുറമെയാണിത് പ്രവാസികൾക്കായി കുറഞ്ഞ ചെലവിൽ ലഭ്യമാക്കുന്നത്. ഷെയർ താമസകേന്ദ്രങ്ങളിൽ ഖത്തറിൽ താമസിച്ചിരുന്നവർക്കും ഇത്​ സൗകര്യപ്രദമാണ്​. സൽവ റോഡിൽ അൽ ശീഹാനിയയിലെ മികൈനിസ്​ മേഖലയിലെ മികൈനിസ്​ മോട്ടലിലാണ് 14 ദിവസത്തെ മോട്ടൽ പാക്കേജ് ലഭ്യമാക്കിയിട്ടുള്ളത്. അക്കമഡേഷൻ കാറ്റഗറികൾ ഇങ്ങനെയാണ്: സിംഗ്​ൾ റൂം – പുരുഷൻ, ഷെയേഡ് റൂം – പുരുഷന്മാർ, സിംഗ്​ൾ റൂം– സ്​ത്രീ, ഷെയേഡ് റൂം– സ്​ത്രീകൾ.

അതേസമയം യാത്രയുടെ 48 മണിക്കൂർ മുമ്പായി റൂമുകൾ ബുക്ക് ചെയ്തിരിക്കണം. ഒരു ബുക്കിങ്ങിൽ പരമാവധി മൂന്നു പേരെ മാത്രമേ അനുവദിക്കുകയുള്ളു. ഒരു ബുക്കിങ്ങിലെ എല്ലാവരും ഒരേ വിമാനത്തിൽ എത്തിയിരിക്കുകയും ഒരേ ഇനം റൂം ബുക്ക് ചെയ്തിരിക്കുകയും വേണമെന്നതാണ് വ്യക്തമാക്കുന്നത്. പത്തോ അതിലധികമോ പേർക്കുള്ള ഗ്രൂപ്​ ബുക്കിങ്​ ആവശ്യമുള്ള തൊഴിലുടമകൾ ഡിസ്​കവർ ഖത്തറുമായി നേരിട്ട് ബന്ധപ്പെടെണ്ടതാണ്. എന്നാൽ, ഖത്തറിലേക്കുള്ള എൻട്രി പെർമിറ്റ് ലഭിച്ചശേഷം മാത്രമേ ക്വാറൻറീൻ റൂം ബുക്ക് ചെയ്യാൻ പാടുള്ളൂ. ഡോർമിറ്ററിയിൽ വ്യക്തിഗത ബുക്കിങ്​ ആവശ്യമുള്ളവർ എൻട്രി പെർമിറ്റുമായി അപേക്ഷിക്കണം. ഷെയേഡ് മോട്ടലിൽ 14 ദിവസത്തെ താമസം ലഭ്യമാകും. ദിവസത്തിന് 105 റിയാലാണ് നിരക്ക് ഏർപ്പെടുത്തിയിട്ടുള്ളത്.

കൂടാതെ തന്നെ ഇതിൽ മൂന്നു ദിവസത്തെ ഭക്ഷണം ഉൾപ്പെടുന്നതാണ്. ഒപ്പം വിമാനത്താവളത്തിൽനിന്ന്​ ഹോട്ടലിലേക്കുള്ള ഗതാഗതവും ലഭ്യമാണ്. ഷെയേഡ് അക്കമഡേഷന് 14 ദിവസത്തേക്ക് 2160 റിയാലും സിംഗ്​ൾ റൂമിന് 4302 റിയാലുമാണ് നിരക്കുകൾ ഏർപ്പെടുത്തിയിട്ടുള്ളത്. വ്യക്തിഗത ബുക്കിങ്ങിൽ ഷെയേഡ് റൂമിന് അധികമായി 700 റിയാലും സിംഗ്​ൾ റൂമിന് 1400 റിയാലും ബുക്കിങ്​ സമയത്ത് ഇൻഷുറൻസ്​ തുകയായി നൽകിയിരിക്കണം.

അതോടൊപ്പം തന്നെ 14 ദിവസത്തിൽ അധികം ക്വാറൻറീൻ ആവശ്യമാണെങ്കിൽ ഈ തുക ഉപയോഗപ്പെടുത്തുന്നതാണ്. 14 ദിവസം മാത്രമേ താമസമുള്ളൂവെങ്കിൽ തുക മടക്കിനൽകുന്നതായിരിക്കും. റൂമുകളിൽ എന്തെങ്കിലും നാശനഷ്​ടങ്ങൾ സംഭവിച്ചാലും ഈ തുകയിൽനിന്ന്​ നഷ്​ടപരിഹാരം ഈടാക്കുന്നതായിരിക്കും.10ൽ കൂടുതൽ പേർക്കായി ബുക്ക് ചെയ്യുന്ന തൊഴിലുടമകൾ +974 5550 2246 നമ്പറിലോ holidays@qatarairways.com.qa എന്ന ഇ–മെയിൽ വിലാസത്തിലോ ബന്ധപ്പെടേണ്ടതാണ്.