ഒമാനിൽ കോവിഡ് ബാധിച്ച് മലയാളി നഴ്സ് മരിച്ചു. പത്തനംതിട്ട വെണ്ണിക്കുളം സ്വദേശി ബ്ളെസി തോമസാണ് ചികിത്സയിലിരിക്കെ മരിച്ചത്. 37 വയസായിരുന്നു. ഒമാൻ ആരോഗ്യമന്ത്രാലയത്തിന് കീഴിൽ ജോലി ചെയ്യവേ കോവിഡ് ബാധിച്ച് മരിക്കുന്ന ആദ്യ ആരോഗ്യപ്രവർത്തകകൂടിയാണ് ബ്ളെസി. സിനാവ് ആശുപത്രിയിൽ നഴ്സായി ജോലി ചെയ്തുവരികയായിരുന്ന ബ്ളെസി ഒരു മാസം മുൻപാണ് കോവിഡ് ബാധിതയായത്.

ഇതേതുടർന്ന് റോയൽ ആശുപത്രയിൽ വച്ചാണ് മരിച്ചതെന്ന് ആരോഗ്യമന്ത്രാലയം വ്യക്തമാക്കുകയുണ്ടായി. അതേസമയം 26 മലയാളികളാണ് ഇതുവരെ ഒമാനിൽ കോവിഡ് ബാധിച്ച് മരിച്ചത്. എന്നാൽ ബ്ളെസി കഠിനാധ്വാനത്തിന്‍റെ മാതൃകയും യഥാർഥ പോരാളിയുമാണെന്ന് മന്ത്രാലയം അനുശോചന സന്ദേശത്തിൽ അറിയിക്കുകയും ചെയ്തു.