ഇസ്രയേലുമായി സന്ധി ചെയ്യുന്നത് അപകടം ക്ഷണിച്ചുവരുത്തമെന്ന് ഇറാന്; സമാധാനം മുൻനിർത്തി രണ്ടും കല്പിച്ച് സൗദി, സൗദി അറേബ്യയിൽ യുറേനിയത്തിന്റെനിക്ഷേപമെന്ന് സൂചന, അണുവായുധം നിർമിക്കാനെന്ന് റിപ്പോർട്ട്! ഇറാന് തക്ക മറുപടി നല്കാൻ ഒരുങ്ങി സൗദി
സമാധാനത്തിന്റെ പാതയിൽ ഐക്യദാർഢ്യം പ്രകടിപ്പിച്ച് അറബ് രാഷ്ട്രങ്ങൾ മുന്നോട്ട് പോകുമ്പോൾ വിലങ്ങുതടിയായി ഇറാൻ. ഇസ്രയേലും ഗള്ഫ് രാജ്യങ്ങളും സന്ധിയായതിന് തൊട്ടുപിന്നാലെ പശ്ചിമേഷ്യയില് സംഘര്ഷം ഉരുവായിരുന്നു. ഇസ്രയേലുമായി സന്ധി ചെയ്യുന്നത് അപകടം ക്ഷണിച്ചുവരുത്തമെന്ന് ഇറാന് മുന്നറിയിപ്പ് നല്കിയിരുന്നു. തൊട്ടുപിന്നാലെ സംഘർഷം രൂപം കൊള്ളൂകയായിരുന്നു. സമാധാനം മാത്രം ലക്ഷ്യംവച്ചുള്ള സൗദിയുടെ നീക്കങ്ങളെ പാടെ തകർക്കാൻ തക്കംപാത്തുനിൽക്കുന്ന ഇറാന് തക്ക മറുപടി നല്കാൻ ഒരുങ്ങുകയാണ് സൗദി. അത്തരത്തിൽ ഒരു വാർത്തയാണ് പുറത്തേക്ക് വരുന്നത്.
സൗദി അറേബ്യയിൽ യുറേനിയത്തിന്റെനിക്ഷേപം ഉണ്ടായേക്കാം എന്ന സൂചനകൾ നൽകുന്ന റിപോർട്ടുകൾ പുറത്ത്. അതായത് സൗദിയിലെ യുറേനിയം നിക്ഷേപങ്ങൾ കണ്ടെത്താനുള്ള നടപടികൾ അതിവേഗം പുരോഗമിച്ചുവരുന്നു. ആണവ സഹകരണ കരാറിന്റെ ഭാഗമായി സൗദി അറേബ്യയെ ഇക്കാര്യത്തിൽ സഹായിക്കാൻ മുന്നോട്ട് വന്നിരിക്കുന്നത് ചൈനീസ് ജിയോളജിസ്റ്റുകളാണ്. ഇവരുടെ രഹസ്യ റിപ്പോർട്ടിലെ ചില വിവരങ്ങൾ ചോർന്നപ്പോൽ സൗദി അറേബ്യ ആണവായുധ നിർമ്മാണവുമായി മുന്നോട്ട് പോവുകയാണെന്ന സംശയത്തിന് ആക്കം കൂട്ടുകയുണ്ടായി.
ഇത്തരത്തിൽ കടുത്ത വേനൽചൂടുപോലും അവഗണിച്ച് ചൈനയിൽ നിന്നുള്ള ജിയോളനിസ്റ്റുകൾ യുറേനിയം ശേഖരങ്ങൾ കണ്ടുപിടിക്കാൻ മരുഭൂമിയിൽ കഠിനമായി പ്രയത്നിക്കുന്നു. സൗദിയുടെ മദ്ധ്യഭാഗത്തും വടക്ക് പടിഞ്ഞാറൻ മേഖലയിലും ഉള്ള മൂന്ന് പ്രധാന നിക്ഷേപങ്ങളിൽ നിന്നും 90,000 ടൺ യുറേനിയം വരെ ഉദ്പാദിപ്പിക്കാനാവുമെന്ന് അവർ കണ്ടെത്തിയതായാണ് റിപ്പോർട്ട്. എന്നാൽ നിക്ഷേപങ്ങളേ കുറിച്ചും, അത് ഖനനം ചെയ്യുന്നതിന്റെ സാമ്പത്തിക ലാഭത്തേ കുറിച്ചും അറിയുവാൻ കൂടുതൽ പഠനങ്ങൾ നടന്നുവരുകയാണ്.
അതേസമയം ആണവായുധം നിർമ്മിക്കാൻ ഉദ്ദേശിക്കുന്നു എന്നും അതിനുള്ള യുറേനിയം അഭ്യന്തര തലത്തിൽ കണ്ടെത്തുമെന്നും സൗദി അറേബ്യ നേരത്തേ തന്നെ പ്രഖ്യാപിച്ചിരുന്നു. ആണവ ഇന്ധനത്തിന്റെ കാര്യത്തിൽ സ്വയം പര്യാപ്തത നേടുന്നതിനെ കുറിച്ച് ഒരു മുതിർന്ന ഉദ്യോഗസ്ഥൻ ആത്മവിശ്വാസം പ്രകടിപ്പിക്കുകയും ചെയ്തിരുന്നതായാണ് വിവരം. ലോകത്തിലെ ഏറ്റവും വലിയ എണ്ണ കയറ്റുമതിക്കാരായ സൗദി അതിന്റെ ഊർജ്ജസ്രോതസ്സ് വർദ്ധിപ്പിക്കുവാൻ യുറേനിയം ഉപയോഗിക്കുമെന്ന് വ്യക്തമാക്കിയിരുന്നു. എന്നാൽ ഇത്തരത്തിൽ സമ്പന്നമായ സ്രോതസ്സുകൾ ഉള്ളപ്പോൾ യുറേനിയം സൈനിക ആവശ്യങ്ങൾക്കായും ഉപയോഗിച്ചേക്കാവുന്നതാണ്.
https://www.facebook.com/Malayalivartha