കൊറോണ വ്യാപനത്തെ തടുക്കാൻ ഏറെ നിർണായകമായ പങ്കുവഹിക്കുകയാണ് യുഎഇ. എല്ലാ ഗൾഫ് രാഷ്ട്രങ്ങൾക്കും ഊർജം നൽകുന്ന വാർത്തയാണ് ഇപ്പോൾ പുറത്തേക്ക് വരുന്നത്. അതായത് കോവിഡ് 19 വാക്സീൻ ആദ്യ ഡോസ് സ്വീകരിച്ച് യുഎഇ ആരോഗ്യ–രോഗപ്രതിരോധ മന്ത്രി അബ്ദുൽ റഹ്മാൻ ബിൻ മുഹമ്മദ് അൽ ഉവൈസ് നിർണായക പങ്കുവഹിച്ചിരിക്കുകയാണ്. കഴിഞ്ഞയാഴ്ച യുഎഇയിലെ കോവിഡ‍് മുന്നണിപ്പോരാളികൾക്ക് വാക്സീൻ നൽകിയതുമായി ബന്ധപ്പെട്ടാണ് ഇത് സ്വീകരിച്ചത്.

അതേസമയം രോഗികളുമായി അടുത്തിടപെഴകുന്ന ആരോഗ്യ പ്രവർത്തകരുടെ സുരക്ഷയ്ക്കായി അടിയന്തര പരിഗണന നൽകിയാണ് വാക്സീൻ നൽകിയതെന്ന് അൽ ഉവൈസ് വ്യക്തമാക്കി. അബുദാബിയിൽ നടന്നുവരുന്ന മൂന്നാം ഘട്ട വാക്സീൻ പരീക്ഷണത്തിന്റെ ക്ലിനിക്കൽ പരിശോധനകൾ വിജയകരവും ഫലപ്രദവുമാണെന്ന് തെളിഞ്ഞിട്ടുണ്ടെന്നും അദ്ദേഹം പറഞ്ഞു.

കഴിഞ്ഞ ദിവസം ബഹ്‌റൈൻ കിരീടാവകാശിയും ഡെപ്യൂട്ടി സുപ്രീം കമാൻഡറും ഒന്നാം ഉപപ്രധാനമന്ത്രിയുമായ സൽമാൻ ബിൻ ഹമദ് അൽ ഖലീഫ രാജകുമാരൻ കോവിഡ് വാക്സ‌ീൻ ക്ലിനിക്കൽ പരീക്ഷണത്തിൽ പങ്കെടുക്കുകയുണ്ടായി. തികച്ചും വാക്‌സിൻ വിശ്വാസ്യത പുലർത്തുന്നു എന്നതിൽ സംശയമില്ല,