ദുബായിൽ നിന്ന് കേരളത്തിലേക്ക് സർവീസുകൾ; കേരളത്തിലെ വിവിധ വിമാനത്താവളങ്ങളിലേക്ക് എയർ ഇന്ത്യയുടെ ടിക്കറ്റുകൾ ലഭ്യമാണ്, അടുത്ത മാസം നാലു മുതൽ സർവീസുകൾ തുടങ്ങും, നാടണയാൻ കാത്തിരിക്കുന്ന പ്രവാസികൾക്ക് സന്തോഷവാർത്ത
പ്രവാസികളക്ക് ഒരു സന്തോഷവാർത്ത. ദുബായിൽ നിന്ന് കേരളത്തിലേക്ക് സർവീസുകൾ പ്രഖ്യാപിച്ചിരിക്കുകയാണ് എയർ ഇന്ത്യ. അടുത്ത മാസം നാലു മുതൽ കേരളത്തിലെ വിവിധ വിമാനത്താവളങ്ങളിലേക്ക് എയർ ഇന്ത്യയുടെ ടിക്കറ്റുകൾ ലഭ്യമാണെന്ന് അധികൃതർ അറിയിക്കുകയുണ്ടായി. എയർ ഇന്ത്യയുടെ ഫേസ്ബുക് വഴിയാണ് ഇത്തരത്തിലുള്ള കാര്യങ്ങൾ വ്യക്തമാക്കിയിട്ടുള്ളത്. മാത്രമല്ല ലഭ്യമായ സർവീസുകളുടെ കൃത്യമായ വിവരങ്ങൾ നല്കുന്നതിനോടൊപ്പനം തന്നെ പാലിക്കേണ്ട നിബന്ധനകളും നൽകുകയുണ്ടായി.
330 ദിർഹം മുതലാണ് ടിക്കറ്റ് നിരക്ക് ഏർപ്പെടുത്തിയിട്ടുള്ളത്. അതേസമയം വന്ദേഭാരത് മിഷന്റെ ഭാഗമായി നേരത്തെ എയർ ഇന്ത്യ എക്സ്പ്രസാണ് സർവീസ് നടത്തിയിരുന്നത്. എന്നാൽ സെപ്തംബർ മൂന്നു മുതൽ ഇന്ത്യയിലെ മറ്റു നഗരങ്ങളിലേക്ക് എയർ ഇന്ത്യ സർവീസ് ആരംഭിച്ചിരുന്നു. എന്നാൽ, വന്ദേഭാരത് മിഷന്റെ ഭാഗമായി ആദ്യമായാണ് ദുബായിൽ നിന്ന് എയർ ഇന്ത്യ കേരളത്തിലേക്ക് സർവീസ് നടത്തുന്നത് എന്നതാണ് സവിശേഷത.
ദുബായ്–കണ്ണൂർ യാത്രയ്ക്ക് 360 ദിർഹമാണ് ടിക്കറ്റ് നിരക്ക്. ദുബായ്–കൊച്ചി യാത്രയ്ക്ക് 390 ദിർഹം. ദുബായ്–തിരുവനന്തപുരം 330 ദിർഹം. ദുബായ്–കോഴിക്കോട് 350 ദിർഹം എന്നിങ്ങനെയാണ് ടിക്കറ്റ് നിരക്കുകൾ. ഇക്കണോമി ക്ലാസിൽ 30 കിലോ ബാഗേജും ബിസിനസ് ക്ലാസിൽ 40 കിലോ ബാഗേജുമാണ് അനുവദിക്കുന്നത്.
അതോടൊപ്പം തന്നെ കർശനമായ നിയന്ത്രണങ്ങളോടെയാണ് യാത്രാനുമതി നൽകുക. നിലവിൽ കേരളത്തിലേക്ക് ദുബായിൽ നിന്നു മാത്രമാണ് വിമാനങ്ങൾ പ്രഖ്യാപിച്ചിട്ടുള്ളത്. യാത്രയ്ക്ക് നാലു മണിക്കൂർ മുൻപ് വിമാനത്താവളത്തിൽ റിപ്പോർട്ട് ചെയ്യേണ്ടതാണ്. ദുബായ് വിമാനത്താവളത്തിലെ ടെർമിനൽ രണ്ടിൽ നിന്നാണ് വിമാനം പുറപ്പെടുക എന്നാണ് ലഭ്യമാകുന്ന വിവരം. കേരളത്തിന് പുറമേ ഇൻഡോർ–മുംബൈ, ജയ്പൂർ, ഡൽഹി, ചെന്നൈ, ഹൈദരാബാദ്, ലക്നൗ തുടങ്ങിയ ഇന്ത്യൻ നഗരങ്ങളിലേക്ക് സെപ്തംബർ മൂന്നു മുതൽ തന്നെ ദുബായിൽ നിന്ന് എയർ ഇന്ത്യ സർവീസ് ആരംഭിക്കുകയുണ്ടായി.
https://www.facebook.com/Malayalivartha