കോവിഡ്​ പ്രതിസന്ധിയിൽ​ ഇന്ത്യ​ക്കും സൗദി അറേബ്യക്കുമിടയിൽ നിർത്തിവെച്ച റെഗുലർ വിമാന സർവിസ്​ പുനരാരംഭിക്കുന്നത്​ വൈകുമെന്ന റിപ്പോർട്ടുകളാണ് പുറത്ത് വരുന്നത്. സൗദിയിലേക്ക് മടക്കയാത്രയ്ക്കായി കാത്തിരിക്കുന്ന പ്രവാസികൾക്ക് ഏറെ സങ്കീർണമായ വർത്തയാകുകയാണ്. ഇന്ത്യയിൽ കോവിഡ്​ രൂക്ഷമായ പശ്ചാത്തലത്തിലാണ് ഇത്തരം തീരുമാനം കൈകൊണ്ടത്​. സൗദിയിൽനിന്ന്​ ഇന്ത്യയിലേക്ക്​ വന്ദേഭാരത് മിഷന്​ കീഴിലെ വിമാനങ്ങളും ​ചാർ​േട്ടഡ്​ വിമാനങ്ങളും നടത്തുന്ന സർവിസുകൾ തുടരുന്നതാണ്. എന്നാൽ ഇന്ത്യയിൽ നിന്ന്​ തിരിച്ച്​ അത്തരത്തിലുള്ള സർവിസുകൾ​ക്കൊന്നും അനുവാദമില്ല.

അതേസമയം അന്താരാഷ്​ട്ര വിമാന സർവിസിനുള്ള വിലക്ക് സൗദി​ അറേബ്യ സെപ്​റ്റംബർ 15 മുതൽ ഭാഗികമായി നീക്കിയെങ്കിലും ഇന്ത്യയിൽനിന്നുള്ളതിന്​ അത്​ ബാധകമാകില്ല​. ഇരു രാജ്യങ്ങൾക്കുമിടയിൽ വ്യോമഗതാഗതം സാധാരണ നിലയിലാവും എന്ന പ്രവാസികളുട പ്രതീക്ഷയാണ്​ ഇതോടെ അസ്​തമിക്കുന്നത്. ഇത് പ്രവാസികൾക്ക് താങ്ങാനാകുന്നതിനും അപ്പുറമാണ്. ഇന്ത്യയിൽ കഴിയുന്ന സൗദി തൊഴിൽ വിസയുള്ളവരെല്ലാം ആകാംക്ഷയിലായിരുന്നു​. ഇതിനിടെ ഇരുരാജ്യങ്ങൾക്കുമിടയിലുള്ള മുഴുവൻ വിമാന സർവിസുകളും നിർത്തിവെക്കുന്നതായി ​വന്ന വാർത്തകൾക്ക്​ അടിസ്ഥാനമില്ലെന്നും അധികൃതർ വ്യക്തമാക്കുകയുണ്ടായി​.

അതോടൊപ്പം തന്നെ വ​ന്ദേഭാ​ര​ത്​ മി​ഷ​ന്​ കീ​ഴി​ൽ ഇ​ന്ത്യയി​ലേ​ക്ക്​ യാ​ത്ര​ക്കാ​രു​മാ​യി പ​റ​ക്കാ​ൻ സൗ​ദി അ​റേ​ബ്യ അ​നു​വ​ദി​ച്ചി​ട്ടു​ണ്ടെ​ന്ന്​ എ​യ​ർ ഇ​ന്ത്യ എ​ക്​​സ്​​പ്ര​സ്​ വ്യാഴാഴ്​ച വ്യക്തമാക്കി. എന്നാൽ ഇ​ന്ത്യ​യി​ൽ​നി​ന്ന്​ യാ​ത്ര​ക്കാ​രു​മാ​യി സൗ​ദിയിലേക്ക്​​ പോകി​ല്ലെ​ന്നും അവർ അറിയിച്ചു. സമാന രീതിയിൽ മറ്റു​ വിമാന കമ്പനികളും നിലപാടെടുക്കുകയുണ്ടായി. തുടർന്ന് സൗദിയിലേക്കുള്ള യാത്രക്കാർക്ക്​ ഇന്ത്യൻ വിമാനത്താവളങ്ങളിൽനിന്ന്​ ബോർഡിങ് പാസ്​ അനുവദിക്കുന്നില്ല എന്ന കാരണത്താൽ യു.എ.ഇ വഴിയുള്ള കണക്​ഷൻ വിമാനങ്ങളിലെ യാത്രക്കാരെ അവസാന നിമിഷം ഒഴിവാക്കിയതായുള്ള വാർത്തകളും പുറത്തേക്ക് വന്നു.

സൗദിയിലേക്ക്​ നേരിട്ട്​ യാത്രക്കാരെ അയക്കേണ്ടെന്ന നിർദേശം സൗദി അധികൃതരിൽനിന്ന്​ ​ഇന്ത്യൻ അധികൃതർക്ക്​ ലഭിച്ചിട്ടുണ്ടാകും എന്നാണ്​ കരുതപ്പെടുന്നത്​. ​മറ്റ്​ ജി.സി.സി രാജ്യങ്ങളിലെത്തി 14 ദിവസം അവിടെ ക്വാറൻറീനിൽ കഴിഞ്ഞശേഷം സൗദിയിലെത്തുക എന്നത്​ മാത്രമാണ്​ സൗദിയിലേക്ക്​ മട​ങ്ങാൻ ആഗ്രഹിക്കുന്ന പ്രവാസികൾക്ക്​ മുന്നിലുള്ള ഏക മാർഗമായി നിൽക്കുന്നത്. ഇഖാമയുടെയും റീഎൻട്രി വിസയുടെയും കാലാവധി അവസാനിക്കുന്നവർക്ക്​ സൗദിയിലെ അവരുടെ സ്​പോൺസർമാർ മുഖേന പുതുക്കാൻ കഴിയുന്നതാണ്.